InfoHub Logo

Qazaq tili 4 synyp
Sabaqtyń taqyryby: Sóılemniń biryńǵaı músheleri
Sabaqtyń maqsaty: sóılemde bir suraqqa jaýap berip, birdeı tulǵada aıtylatyn sózderdiń sóılemniń biryńǵaı músheleri bolatynyń meńgertý; baılanystyryp sóıleýin damytý, shyǵarmashylyq qabiletterin damytý; aqyldy, bilimdi bolýǵa jáne qorshaǵan ortany qorǵaýǵa tárbıeleý.
Sabaqtyń túri: aralas sabaq
S abaqtyń tıpi: jańa bilim meńgerý

Sabaqtyń barysy:
1. Uıymdastyrý.
Qazaq tilim - óz tilim, ana tilim.
Abaı, Muhtar sóılegen dana tilim.
Qasterleıdi ul - qyzyń máńgi seni.
Bolashaǵym, baqytym, dara tilim.
- Balalar, týǵan tilimiz, qazaq tili, sabaǵyna qonaqtar qatysyp otyr. Qonaqtarǵa amandasyp, sabaǵymyzdy bastaıyq.:
Úlkenge de siz,
Kishige de siz.
Sálem berdik sizderge
Qurmetpenen biz.
- Balalar, barlyǵymyz qol ustasyp turaıyq, joldasymyzdyń alaqan jylýyn sezineıik. Bir - birimizge qýanysh, shattyq syılaıyq. Men senderdiń búgingi sabaqta zeıindi, belsendi bolýlaryńdy qalaımyn jáne sáttilik tileımin. Biz búgingi sabaqta adam ómiri úshin óte qajet nárse týraly sóz bolmaq. Sender qalaı oılaısyńdar adam ómiri úshin ne kerek?
- Barlyq jaýap durys. Búgingi sabaqta árbir durys oryndalǵan tapsyrmaǵa syılyq retinde álemniń ár túpkirinen kelgen naqyl sózder shyǵady. Sender ony óz aqyldaryna túıedi dep oılaımyn.

Dápterge búgingi kúndi jazý. Kórkem jazý: Shsh

2. Daıyndyq kezeńi. «Mıǵa shabýyl» strategıasy.
Búgingi sabaqtyń taqyryby: Sóılemniń biryńǵaı músheleri.
- Sóılem músheleri degenimiz ne?
- Sóılemniń qandaı múshelerin bilesińder?
- Turlaýly múshelerge neler jatady?
- Turlaýsyz músheler degenimiz ne?
Slaıdta kórsetý.

Slaıdta shyǵatyn danalyq sóz: Aqyldy bolýǵa jeteleıtin úsh jol bar: birinshisi, tájirıbe joly – eń ashshy jol, ekinshisi, uqsaý joly – eń jeńil jol, úshinshisi, oılaý joly – eń taza jol. (qytaı maqaly)
3. Jańa taqyryp.

a) Qaratorǵaı, qarlyǵash, úırek jyly jaqqa ushyp ketti.
Biz ormandy, ózendi, kóldi qorǵaımyz. (sóılemderin sóılem múshelerine taldatý)

Qorytyndy jasatý. Erejemen tanystyrý: Sóılemde bir suraqqa jaýap berip, birdeı tulǵada aıtylǵan sózderdi sóılemniń biryńǵaı músheleri deımiz. Biryńǵaı músheler sóılemdegi bir múshemen ǵana baılanysady. Sóılemdegi biryńǵaı múshelerdiń arasyna útir qoıylady.
á) 178 - jattyǵýdy bir sóılemnen taldap, jazdyrý.
Danalyq sóz: Aqylmen arystan da ustaýǵa bolady, al kúshpen tyshqan da ustaı almaısyń. (Mahmut Qashǵarı).

b) «Shatastyrmaq» oıyny.
Úırek
Qyzylsha
Qasqyr
Barshagúl

Aıý
Burysh
Kartop
Qalampyr

Qyzanaq
Qaz
Qarǵa
Túımedaq

Tapsyrma: shatasqan sózderdi úlgi boıynsha toptastyr, ortaq sózben ata, sóılem qura.
v) Óleń joldarynan sóılemniń biryńǵaı múshelerin taptyrý.
Nurymen aq tańnyń boıalǵan,
Ólkemiz uıqydan oıanǵan.
Kútýde asqar taý, saı, orman,
Joryqqa, saparǵa daıarlan.

Arystan, aıý, qasqyr, túlki, borsyq,
Sileýsin, jolbarystar túnde jortyp.
Týlaǵan aqqan bulaq tasqynynda
Asaýdaı oınaq salar balyq shorshyp.
Danalyq sóz: Danalyq bilmeýden qoryqpaıdy, kúmándanýdan, eńbekten, zertteýden qoryqpaıdy. Bir ǵana nárseden – bilmeıtinin bilem deýden qorqady. (Lev Tolstoı).
g) sýrettermen jumys: biryńǵaı músheleri bar sóılemder qurastyrý.