InfoHub Logo

İİ kishi «Kúnshýaq» tobynyń oqý is - áreketiniń tehnologıalyq kartasy
«21» qarasha 2017jyl
Bilim salasy: «Tanym, shyǵarmashylyq»
Kishi sala: «jaratylystaný, sýret»
U. O. Á. Taqyryby: «Sý ómirdiń nári», «Akvarıýmdaǵy balyqtar»
Maqsaty: Balalarǵa sýdyń adam úshin de, jalpy tirshilik úshin de qajet ekendigin túsindirý. Sýdy únemdep paıdalaný, sýdy lastaýǵa bolmaıtyndyǵy jóninde túsinikterin qalyptastyrý. Tabıǵat baılyǵyna qamqor bola bilý daǵdylaryn jetildirý. Akvarıýmda júzip júrgen balyqtar sýretin salý, dástúrden tys sýret salý daǵdysyn qalyptastyrý, uqyptylyqqa úıretý.
Kórneki quraldar: slaıd, sýretter, kartop, gýash boıaýy, súlgi jáne t. b.
Ádis tásilder: kórsetý, úıretý, suraq - jaýap, jańa tehnologıany qoldaný, bastyrma ádisin úıretý.

Motıvasıalyq qozǵaýshy
1. Shattyq sheńber
Al, qanekeı, turaıyq,
Moınymyzdy buraıyq,
Qolymyzdy sozaıyq,
Sý ishinde qalyqtap,
Ońǵa, solǵa bir qarap,
Júzip - júzip alaıyq.

İzdený uıymdastyrýshy Tárbıeshi: balalar qazir jyldyń qaı mezgili?
Tárbıeshi: Kúz mezgiliniń erekshelikteri qandaı?

- Balalar, tańerteń balabaqshaǵa kelsem, maǵan tamshy kelip jylady.»Balalar krandy jabýdy umytyp, búkil sý aǵyp ketti» dedi. «Bizdiń topta ondaı balalar joq, biz sýdy saqtaımyz, betimen tókpeımiz»dedim men oǵan.

Tamshy qýanyp kúlip, «Sý týraly ne bilesińder?»dep suraıdy.
Balalar, sý týraly aıtyp beremiz be?
Tamshy: sý adamdarǵa ne úshin qajet?
Balalardyń jaýaptaryn tyńdaıdy, tolyqtyrady.
«Sýdyń qasıeti»zertteý jumys
Barlyq balalardyń aldarynda staqanda sý turady. Tárbıeshi suraqtar qoıady:
Sýdyń túsi qandaı?
Sýdyń dámi bar ma?
Sýdyń ıisi bar ma, sýdy ıiskep kóreıikshi?
Eki ydystaǵy sýdyń bireýine qant, ekinshisine tuz salǵyzyp, dáminiń qandaı bolǵanyn anyqtatady (ózi tatyp kóredi).
Tárbıeshi staqandaǵy sýdy ekinshi staqanǵa quıyp qandaı dybys shyqqanyn ańǵartady.
Sý quıylady, sý qandaı
Sý aqqanda qandaı dybys estiledi?

Ia jaraısyńdar.
Sý - tirshilik kózi. Ony tamaqqa paıdalanamyz, shólimizdi basamyz, jýynamyz. Sonymen qatar egin sýaramyz, órt sóndiremiz. Jan - janýarlar, balyqtar, qustar da sýsyz ómir súre almaıdy. Sýdy bekerge tókpeı únemdeı bilýimiz kerek. Dana halqymyz"Sýdy bekerge tókpe","Sýdyń da suraýy bar"dep aıtatyny sondyqtan.
Sergitý jattyǵýy
- Olaı bolsa balalar, sharshaǵan bolarsyńdar, ornymyzdan turyp boı sergitip alaıyq.
«Jańbyr jaýdy»
Endi balalar osy sýda neler mekendeıdi?
men senderge jumbaq jasyraıyn.
Jumbaq
Sýda ósedi, ónedi,
Syrtqa shyqsa, óledi.(Balyq)
Ia durys aıtasyńdar balyqtar sýda mekendeıdi.
Slaıd kórsetý(Balyqtar)
Suraq - jaýap:
Balalar balyqtar sýda ne isteıdi?
Olar qandaı qımyl jasaıdy?
Biz olardy qalaı kútemiz?
Endi balalar osy akvarıýmdaǵy júzip júrgen balyqtar sýretin salamyz.
Jańa sabaqty túsindirý:
Balalar men senderge akvarıým salyp daıyndap qoıdym endi bunyń ishine ne jetispeıdi? Biz balalar bul akvarıýmǵa balyqtar sýretin salamyz.
Dástúrden tys sýret salý tehnıkasyn balalarǵa túsindirý.
Birinshi qolymyzǵa kartopty alyp boıaýǵa batyryp, aldymyzda turǵan aq qaǵazdan jasalǵan akvarıýmnyń ortasyna kartopty bastyrtamyz.
Balalardy madaqtaý.

MKQK «Nurbóbek» ıaslı – baqshasynyń
Ótkizgen tárbıeshi: Baıdalıeva. L. J.

Sý ómirdiń nári. Akvarıýmdaǵy balyqtar. júkteý