InfoHub Logo

Uıymdastyrylǵan ashyq oqý qyzmetiniń tehnologıalyq kartasy
Bilim berý salasy: Tanym
Bólimi: QMTQ
Taqyryby: Sıqyrly pishinder
Maqsaty: Balalardyń pishinder týraly bilimderin tolyqtyrý, olardy ajyratyp ataı bilýge úıretý. Balalardyń zeıinin, este saqtaý qabiletin oıyn arqyly damytý, qyzyǵýshylyǵyn arttyrý. Óz oılaryn jetkize bilýge úıretý, uqyptylyqqa tárbıeleý.
Kórnekiligi: Geometrıalyq pishinder, sýretter.

Uıymdastyrý kezeńi.
Balalar, qane sheńber jasaımyz. Búgin bizge kóp qonaqtar kelipti, barlyǵymyz sálemdeseıikshi.
Sálemdesý: Sálem deımin, kúnge men!
Sálem deımin, men saǵan!
Sálem deımin, apaıǵa,
Qonaqtarǵa, qustarǵa.

Jylýlyq sheńberi:
Elimizde tynysh bolsyn!
Aspanymyz ashyq bolsyn!
Denimiz saý bolsyn!
Ár kúnimiz sátti bolsyn!
Tárbıeshi: - Balalar qazir jyldyń qaı mezgili?
- Kóktem mezgilinde qansha aı bar?
- Qazir qaı aı?
- Kóktemde aýa raıy qandaı bolady, qandaı ózgerister baıqadyńdar?
Balalardyń jaýaptary.
Tárbıeshi: Qazir bizde matematıka sabaǵy. Biz neshege leıin sanaı alamyz? Balalar, biz sanamaq aıtyp kóreıikshi.
Sanamaq:
- 1, 2, 3.
- Al, qanekeı ush!
- 4, 5, 6, 7.
- Mynaý, aýyldyń sheti.
- 8, 9, 10.
- Al, qanekeı qon!

1 - tapsyrma: Balalar, sender myna qorapta neler bar ekenin bilesińder me, kórgileriń kele me? Endeshe qorapqa qolymyzdy salyp, ne bar ekenin izdeımiz? (Balalar qoraptaǵy qaraqumyqtan, pishinderdi izdeıdi)
Biz andaı pishinderdi kórip turmyz? (Balalar pishinderdiń atyn ataıdy)

2 - tapsyrma: Oıyn: «Óz pishinińdi tap»
Tárbıeshi: Biz osy pishinderge baılanysty qandaı taqpaqtar bilemiz?
Dóńgelek: Mynaý emes, tqrtburysh,
Mynaý múlde joq burysh.
Bunyń aty – dóńgelek
Dóńgelekti dóńgelet.
Úshburysh: Úshburyshty bilemiz
Tabanynda júremiz
Tóbesinen syrǵanap
Qulap qalsaq kúlemiz.
Sharshy: tórt buryshy teń bolsa,
Tórt qabyrǵa teń bolsa,
Jaýap berer balaqaı
Oı - órisi keń bolsa.

3 - tapsyrma: Sýretpen jumys.
(Balalar sýretpen zattardyń qaı pishinge uqsastyǵyn tabady)

Sergitý sáti:
Ormandaǵy aıý, qonjyq,
Uıalardan bal izdedi.
Orman ishin aralady,
Aǵashtardy silkip kórdi.
Ońǵa bir, solǵa bir
Aǵashtardy silkip kórdi
Orman ishin aralady
Qýanǵannan bıleı berdi.

4 - tapsyrma:
Tárbıeshi: - Balalar, endi myna pishinderdi joǵaryǵa, tómengi sórelerge ornalastyramyz.
Oıyn: «Kim shapshań?»
Sharty: úshburysh, tórtburysh, sharshy, dóńgelek pishinderi bolady. Sol pishinderdiń atyn ataǵanda sol pishinge tez jınalý kerek.
- al, balalar, endi myna pishinderden ártúrli zattar qurastyrýǵa bolady, biz sol pishinderdi paıdalanyp ózimizge unaǵan zatty qurastyramyz.

Qorytyndy jasaý.
- Balalar, senderdiń barlyǵyń da óte jaqsy jumys jasadyńdar.
- Biz qandaı pishindi bildik?
- Pishinderden nelerdi qurastyrdyq?
Kútilgen nátıje:
Bilýi kerek: pishinderdi ajyrata bilýdi.

Mańǵystaý oblysy,
Qaraqıa aýdany, Munaıshy selosy
«Aıala» balabaqshasynyń tárbıeshisi Qalabaeva N. U.