InfoHub Logo

Mamandyqtyń bári jaqsy.
Maqsaty: ártúrli mamandyqtarmen tanystyrý; oılaý, sóıleý qabiletterin damytý; mamandyq ıelerin qurmetteýge tárbıeleý.
Qoldanylatyn kórneki quraldar: jumys dápteri, demonstrasıalyq qural.
Bılıngvaldy komponent: aspaz - povar, dámdi - vkýsnyı.
Sózdik jumys: qynap, jaryqty jaǵatyn bala.
Motıvasıalyq qozǵaýshylyq
Balalar bir - biriniń qoldarynan ustap turady. Pedagog «Baqytty bala» dep jazylǵan boıtumardy qasyndaǵy balanyń moınyna taǵyp: «Sen baqytty balasyń, óıtkeni seniń dostaryń kóp»,- deıdi.
Uıymdastyrýshylyq izdenistik
Osy kezde esik qaǵylyp, topqa aspazshy apaı kiredi.
Aspaz:
- Sálemetsińder me, balalar! Men senderdiń densaýlyqtaryń jaqsy bolsyn dep dárýmender ákeldim.
(Dárýmenderdi balalarǵa taratady).
- Endi aspaz apaıdan tamaqty dámdeý úshin qandaı kókónister qosatynyn suraıyq.

Aspaz taǵamǵa sábiz, kartop, jýa, asqabaq qosatynyn aıtady.

Balalar, sender taǵy qandaı mamandyqtardy bilesińder?

- Kóptegen mamandyq ıelerin biledi ekensińder, bul mamandyqtardyń bári adam balasyna qajet.
- Óz ata - analaryń qandaı jumys jasaıdy? Qandaı mamandyq ıesi? Bilesińderme?
Pedagog balalarǵa M. Hakimjanovanyń «Kim nemen oınaıdy?» óleńin mánerlep oqyp beredi.

Sergitý sáti:
Meniń mamam - dáriger.
Tis aýyrsa,
İsh aýyrsa,
Mamam dári beredi.
Barlyq ana,
Barlyq bala,
Ony jaqsy kóredi.
Dıdaktıkalyq oıyn: «Kimge ne kerek?».
Oıyn sharty: ártúrli mamandyq ıelerine qandaı qural qajet, japsyrmalar ornyn taýyp japsyrady.
Dáptermen jumys:
Dápterdegi № 16 tapsyrma oryndalady. Jeke jumys júrgizedi.

Mańǵystaý oblysy,
Túpqaraǵan aýdany. Fort - Shevchenko qalasy
Baýtın aýyly, "Aqbota" balabaqshasynyń tárbıeshisi
Jangojına Aıman Týralıevna

Tolyq nusqasyn júkteý