InfoHub Logo

Ótken zamandarda bir medresede oqıtyn jetim bala bolypty. Óte bilikti ustazdardan dáris alsa da, qansha talpynsa da, sabaqty túsinýde qınalyp, ózimen qatar oqyp júrgen balalardan keri qalyp júredi. Bul jaǵdaıǵa ózi qatty qynjylatyn. Ozat balalar keıde ony «dáldý» dep te keleke etetin. Bir kúni shydamy taýsylyp: «Demek, sabaq oqý meniń qolymnan kelmeıdi. Men odan da aýylǵa baryp, eginshilikpen aınalysaıyn» dep oılap, tańerteńgisin erte jolǵa shyǵady. Uzaq jol júredi. Sharshaǵandyqtan júrýge áli qalmaıdy. Kúnniń ysyǵynan qorǵana tynyǵatyn tym bolmasa aǵash ta shyqpaıdy. Osylaı kele jatyp úńgirge kezidegi. Jylan nemese jyrtqysh ań bar shyǵar dep kirýge bata almaı kidirgenimen, álsizdik alǵa súırep qalaı kirip ketkenin ańǵarmaı qalady. Qorqatyndaı eshteńe joqtyǵyna kóz jetkizgen soń, kóńili jaı taýyp, sozylyp jata ketedi. Jatqany sol edi, tóbeden tamshylap turǵan sýǵa kózi túsedi. Qansha jyldan beri tamshylap turǵanyn kim bilsin, áıtse de tamǵan jeri oıylyp qalǵanyn qarap tańyrqap jatady. Birden mıyna naızaǵaı urǵandaı bolyp, osy qubylylystan ómirlik serpilis alady. Qap-qatty tasty, jumsaq sýdyń tesip jibergeni sıaqty, sabyr qylyp, turaqty oqyp talpynatyn bolsa, mıyna birer nárse kireri sózsiz edi. «Meniń basym, myna tastan da qatty emes qoı»,- dedi ózine. Mańyzdysy osy sý sıaqty tabandylyq tanytý edi. Dereý ornynan turyp medresege qaıtady. Tabandylyq etýi arqyly dostaryna jetip alady. Tipti bárin basyp ozǵany sonshalyq, kitaptary áli kúnge deıin oqylatyn ǵalym bolady. Osy «sý men tastan» alǵan sabaǵyna baılanysty bul ǵalym «tastyń uly» degen maǵynadaǵy «Ibn Hajar» dep atalyp ketedi.

---