InfoHub Logo

Aıaq saýsaqtarynyń ara-­arasyna baıqatpaı ornala­syp alatyn kózge kórinbes qyshyma qotyr (grıbok) ýaqyt óte ke­le aıaq tyrnaǵyn da, júnin de búldire alady. Sol qyshyma qotyry jyly jerdiń bárinde bolady, baıqatpaı­-aq jabysa qalady. Tómende baıandalǵan keńester qyshýdy toqtatyp, parazıtti qurtýǵa kómektese alady.

— Dárihanaǵa reseptsiz satylatyn fýngısıd (qyshyma qotyrǵa qarsy qoldanylatyn dármek) alýǵa barǵanda nıtrat mıkonazoly nemese tolnaftat bar maı surańyz. Ony búldirilgen jerge kúnine eki­-úsh ret jaǵyńyz. Úırenshikti qatelikti qaıtalamańyz: syrqat belgisi ketti ǵoı dep emdeýdi doǵarmańyz. Qyshyma qotyrdy qurtý úshin alty apta boıy dári­-dármekti jaǵyp turyńyz.

— As sodasy qyshýdy, ashýdy basa alady. Bir asqasyq untaqty sý qosyp bókpen isteńiz de, búldirilgen jer­lerińizge jaǵyńyz, sodan keıin jýyp tastap, aıaǵyńyz­dy keptirińiz. Aqyr sońynda júgeri krahmalyn ne ba­lalar untaǵyn sebińiz.

— As tuzynyń eki shaı qasyǵyn, jarty lıtr jyly sýda eritińiz. Tabanyńyzdy soǵan batyryp, 5–10 mınýt otyryńyz. Qyshyma qotyr quryp bitkenshe sony isteńiz.

— Shaı terini tamasha qurǵatady. 5 qaltashasyn 1 lıtr qaınaq sýda kemi 5 mınýt demdeńiz. Shaı jylymshy bolǵan kezde, shylapshynǵa quıyńyz da, tabanyńyzdy 30 mınýt batyryp otyryńyz.

— Jumsaq qurǵatqysh zaty bar tynyshtandyratyn kompres qyshýdan, ashytýdan kómektesedi, sondaı­-aq kúldirep ketken jerińizdi qurǵatady. Býrov suıyǵy­nyń (onda alúmını asetaty bolatyn, dárihanalarda satylady) eki as qasyǵyn sýyq sýǵa aralastyryńyz. Aq tústi oramaldy  soǵan batyryp, kúnine úsh-­tórt ret búldirilgen jerge basyp, 15–20 mınýt ustańyz.

— Bárinen myqty — kádýilgi aıran. Aırandy búldiril­gen jerge jaǵyńyz da, keptirińiz, sodan keıin jýyp tastańyz.

— Shylapshynǵa qysha maıynyń birneshe tamshysyn ne az ǵana qysha untaǵyn salyp, sý quıyńyz da, jarty saǵat taban batyryp otyryńyz.

— Shaı aǵashynyń maıy teriniń qyshqyldyǵyn óz­gertip, Qyshyma qotyrdyń kózdegenin boldyrmaıdy. Sol maıdy naq sondaı mólsherdegi záıtún maıymen arala­styryp, búldirilgen jerge kúnine eki ret jaǵyńyz.

— Shaı aǵashynyń maıyn aloe gelimen de aralasty­rýǵa bolady. Dárini kúnine eki ret jaǵyńyz. 6 aptadan keıin syrqattan qutylasyz.

—  Lavanda maıynyń úsh tamshysyn kez­-kelgen ósim­dik maıymen ne terige arnalǵan losónmen aralasty­ryp, ony búlingen terige kún saıyn jaǵyńyz.

— Dárihanadan kalendýla aralastyrylǵan maı satyp alyp, aıaq saýsaqtarynyń arasyna jaǵyńyz.

— Jýynǵannan keıin tabanyńyzdy muqıat keptirińiz. Saýsaqtar arasyn fenmen keptirýge bolady.

Oqýǵa keńes beremiz:

Bıik óksheli aıaqkıimniń zıany

Varıkoz dertinen qorǵaný

Dıabettik aıaq

---