InfoHub Logo

«Emosıaly parasat» bestselleriniń avtory doktor Trevıs Bredberı Fortune 500 tizimindegi kompanıa basshylarynyń minez-qulqy men ádetin zerttep, tabysty adamdar basqasha jasaıtyn áreketter tizimin jasady.

Doktor Bredberıdiń pikirinshe, bizdiń tabysqa qol jetkize almaýymyzdyń sebebi boıymyzdaǵy zıandy ádetterge nemese eńbekke qabilettiligimizden buryn, ýaqyt tapshylyǵyna baılanysty.

Ýaqyt – ár adamnyń enshisine buıyrǵan ári zaıa ketire almaıtyn jalǵyz kapıtal.

Tomas Edıson

Tabysty bolý úshin, kúndiz-túni jumystan bas almaı eńbektenýdiń qajet joq. Tek aqylmen eńbektene bilseńiz bolǵany. Tabysty adamdar bul qaǵıdany biletindikten, ómiriniń ár mınýtynyń jemisin kórýge tyrysady. Fortune 500 tizimindegi kompanıa basshylary men top-menedjerleriniń minez-qulqyn zerttegen Bredberıdiń pikirinshe, olardyń tabysqa bastaıtyn ádetterin boıǵa sińirý qıynnyń isi emes.

Birden atqarýǵa bolatyn isti keıinge qaldyrmańyz

Ustap júrgen telefonymyzdaǵy qońyraýdy toqtatyp qoıýǵa múmkindik beretin qyzmet túrin biletin bolarsyz? Toqtatamyz da, ózge sharýalarymyzǵa den qoıamyz. Mine, osy tárizdi áreket mańyzdy isterińizde kórinis tappaýy tıis. Eger qandaı da bir hatty oqý ne áldekimge qońyraý shalý, nemese kishigirim qıyndyqtyń sheshimin tabý qajet bolsa, sol mezette-aq atqarǵanyńyz jón. Tipti bolmasa, qol astyńyzdaǵy qyzmetterge tapsyryńyz. Biraq isti tejemeńiz, keıinge qaldyrmańyz.

Erteńgi jumysqa búgin daıyndalǵaısyz

Tabysty adamdar ertesi kúni atqarylýy tıis mindetter josparyn bir kún ilgeri qurady. Bul ádet tıimdiliginiń eki qyry bar: búgingi kúnińizdi oı eleginen ótkizip, ózińizge esep beresiz ári erteńińizdiń de tabysty bolaryn bilesiz.

Eń kúrdeli, janyńyzǵa jat isti birinshi rette qolǵa alyńyz

Aǵylshyn tilinde «to eat frogs» degen tirkes bar. Iaǵnı jaǵymsyz jumysty birinshi kezekte atqaryp, munan keıin ǵana kóńilińizge unamdy, shabyttandyratyn isti bastańyz.

Shuǵyl atqarylýy tıis mindettermen kúrese bilińiz

Ádette shuǵyl atqarylýy tıis mindetter asa mańyzdy isterdiń júzege asýyn tejep, kedergi jasaıdy. Tabysty adamdar mundaı kedergilerdiń sheshimin lezde tabýǵa ne shetke ysyrýǵa, qyzmetkerlerge tapsyrýǵa tyrysady.

Jınalys ýaqytynda jospardan aýytqymańyz

Uzyn-sonar jınalystardyń qashan da ýaqytymyzdyń basym bóligin alatyny ras. Eger jınalys uıymdastyrý qajettiligi týyndasa, aldyn ala jospar quryp, josparyńyzǵa myǵym bolǵanyńyz abzal. Kerisinshe jaǵdaıda, jınalystyń uzaqqa sozylyp ketýi múmkin.

«Joq» deńiz

«Joq» - tabysty adamdardyń sózdik qoldanysynda jıi ushyrasatyn mańyzdy sóz. Kóptegen adam «Naqty bilmeımin» nemese «Men bilmeımin» tirkesterin atalǵan sózben almastyrady. Eger senimsiz bolsańyz, birden bas tartqanyńyz jón.

Poshtańyzdy tekserýge arnaıy ýaqyt arnańyz

Biz jazýdan jalyqsaq, siz oqýdan mezi bolasyz. Taǵat tappastan únemi poshtańyzdy tekserý artyq ýaqytyńyzdy alady. Poshtańyzǵa áıelińizdiń bosanǵany nemese kúıeýińizdiń aýrýhanaǵa túskendigi jaıly hat joldanbaıtyny anyq. Demek kelip jatqan hattardyń aıtarlyqtaı mańyzdy, shuǵyl bolmaǵany. Sondyqtan poshtańyzdy kúnine birneshe ret belgili ýaqyttarda ǵana tekserýge daǵdylanyńyz.

Birneshe mindetti moınyńyzǵa almańyz

Kóptegen zertteý jumystarynyń nátıjesi kórsetkendeı, bir ýaqytta birneshe máseleni sheshý – erekshe bolǵanymen, tıimsiz ádis. Az ýaqytta kóp is tyndyrýǵa umtylatyn jandar osy ádiske júginedi. Al, shyn mánisinde, qolǵa alǵan isi kóp, al júzege asqany – saýsaqpen sanarlyq.

Oıyńyzǵa tynym berip, jumystan bosatyńyz

Telefon nómirińizdi tek senimdi adamyńyzǵa berip, shuǵyl aralasýyńyzdy talap etetin jaǵdaılarda ǵana qońyraý shalýyn surańyz. Mıyńyzdy jumys jaıly oıdan bosatyp, tynyqtyrý aǵymdaǵy máselelerińizge jańa qyrynan qaraýǵa múmkindik beredi.

Jumysyńyzdy ózgege tapsyra bilińiz

Tabysty adamdar ózinen ózge de aqyldy, daryndy adamdar bar ekendigin moıyndaı biledi. Sondyqtan ózgelerge qaltqysyz senýge úırenip, óz isin tabystaı alady.

Tehnologıalardy qoldanyńyz

Jumys ne sabaq kestesin kúntizbege engizý úshin ýaqyt jumsaýdyń qajeti ne? Tehnologıa kún sanap damý ústinde. Nelikten olardy durys ári tıimdi qoldanyp, jumysymyzdy jeńildetpeske?

Atalǵan taqyryp kúni búgin ǵana kóterilgen emes. Qaı zamanda da adamdar kókeıinde sansyz saýal týyndatqan. Dese de tabysty adamdardyń qupıasyn bilseńiz, pikir qaldyryp, oıyńyzben bólisińiz. Bálkim, dál sizdiń pikirińiz talaı janǵa qanat bitirip, armanyna jol ashar.

Oqýǵa keńes beremiz:

Mindetterdi qalaı jeńildetýge bolady?

7 paıdasyz áreketten bas tartyp, ómirińdi ózgert

Ómirińizdi qur ótkizip jatqanyńyzdyń 13 belgisi

Jalqaýlyqty jeńýdiń eń jaqsy ádisi

Japondyq 5S júıesi

---