InfoHub Logo

Sabaqtyń taqyryby: Tabıǵattyń tórt qudireti

Maqsaty: balalarǵa tabıǵat týraly túsinik berýde, búkil álemdegi tirshiliktiń tórt qudireti kún, aýa, jer, sý ekenin túsindirý, tabıǵat aıasyndaǵy jandy - jansyz zattarǵa qamqorlyq jasaýǵa, tabıǵatqa, Otanǵa, jerge, elge degen súıispenshiligin arttyrý
Kórnekiligi: jer, aýa sýdy beıneleıtin kıimder. Jyl mezgilderiniń sýretteri, maqal - mátelder.

Barysy: I. Uıymdastyrý kezeńi:
II. Muǵalimniń sózi: Sálemetsizder me qurmetti ustazdar, oqýshylar. Búgin sizder «Tabıǵattyń tórt qudireti» atty ashyq tárbıe saǵatymyzdy myna bir óleń shýmaǵy arqyly ashqaly otyrmyn.
Tabıǵat - ásemdiktiń tórkinisiń,
Án salam bir seniń kórkin úshin.
Jan - janýar tabynyp bir ózińe,
Senen alyp turǵandaı bar tynysyn,- ıaǵnı Tabıǵat - tirshilik ataýynyń qutty qonysy, túlep ósýine qajetti nári, jer betine kórik bergen sáni - dep aıtamyz.

1. Oqýshylardyń taqpaqtary.
2. Jumbaq jasyrý.
3. Jer, aýa kún, sý, keıipkerler.
4. Kórinis. «Kirqojalaq»
5. Maqal - mátelderden jarys.
6. Qorytyndy.
1 - oqýshy. Ádepti eldiń balasy,
Aldymen sálem beredi. Armysyzdar qurmetti muǵalimder men oqýshylar.
2 - oqýshy. Ata - babamyz
«Alystan alty jasar bala kelse, alpys jastaǵy qart sálem beredi»degen.

Muǵalim: Balalar, men senderge jumbaq jasyramyn. Al sender sheshýin tabýǵa daıyn bolyndar.
1. Kóktemde kógeredi,
Jazda yrysqa bólenedi.
Kúzde pisip marqaıady,
Qysta birden qartaıady. (Jer)

Muǵalim: Mine ortamyzǵa jumbaqtyń sheshýi de keldi.
Jer: Balalar, jer bizge ne beredi?
(suraqtar qoıý arqyly, jaýaptar alý)
3 - oqýshy: Tabıǵattyń basty baılyǵy - jer. Jer - bizdiń qazynamyz, baılyǵymyz.
4 - oqýshy: Adamdar jan - janýarlar ósimdikter óz qoregin osy jerden alady.
5 - oqýshy: Ata babalarymyz osy jer úshin san ǵasyrlar boıy qan tógip, basyn qaterge tikken.
Jer: Al, balalar jer týraly qandaı óleń bilesińder?
6 - oqýshy: Adamdar, jer – seniń aıaýly besigiń,
Osy jer ústinde ashtyń sen tirshilik esigin,
Onymen kindiktes janyń da, qanyń da,
Jer jahan aıalap tur alaqanynda.

Muǵalim: Jer, sizdiń tilegińizge, peıilińizge rahmet, tórge shyǵyp jaıǵasyńyz. Al, endi balalar kelesi jumbaqty shesheıik.
Ómirde odan mol eshteńe bolmaıdy,
Qushaqtasań, qushaǵyńa tolmaıdy. (Aýa)

Muǵalimniń tájirıbesi: Al balalar, bir tájirıbe jasap kóreıikshi. Aýzymyzdy jaýyp, tanaýymyzdy qysyp, dem almaı turaıyq.
Balalar: biz dem almasaq tunshyǵamyz. Demek, bizge aýa óte qajet. (Ortaǵa aýa kiredi).
Aýa: Sálemetsizder me, qonaqtar! Senderge aýa kerek pe? Qane, dem alyńdar taza aýamen. Men týraly ne bilesińder? Men ne úshin kerekpin?
7 - oqýshy: Jer betinde barlyq tirshilik aýamen tynys ala otyryp, ómir súredi. (óz oılaryn bildiredi).