InfoHub Logo

Taqyryby: «Tań qalmańyz» /Synyptan tys shara/
Túri: tárbıe saǵaty

Maqsaty: Jas urpaqtyń boıyndaǵy jat qylqtardy tyıý. Oqýshylardyń boıyndaǵy óneri men daryndylyǵyn damytý. Shákirt boıyna ustazdy syılaýǵa, qurmetteýge, úlkenge izetti bolýǵa tárbıeleý.

Mindeti: Oqýshylardyń ıkemdiligin, sheberligin, shyǵarmashylyq qabiletin damytý. Til mádenıetine, ulttyq sana-sezimge, ádemilik pen ásemdikke, eńbek súıgishtikke tárbıeleý.
Kórnekiligi: naqyl sózder, sýretter, kıim úlgileri, bezendirilgen sahna, qolóner buıymdary, úntaspa, t.b.

Jospary:
İ. Uıymdastyrý
1. Kirispe
İİ.Negizgi bólim:
Dám dýman
Bı dýman
Sán dýman

Zıatkerlik oıyn:
1. Sóz quraý
2. Anketa suraý
Júrisi:
Muǵalim sózi: Armysyzdar qurmetti kórermender, ustazdar, ata-analar, oqýshylar! Habar arnasyndaǵy «Tań qalmańyz» atty baǵdarlamasynyń jelisimen ótkizgeli otyrǵan «Tań qalmańyz» atty synyp aralyq tárbıe saǵatty tamashalaýǵa qosh keldińizder!
Baǵdarlamanyń taqyryby: «Shákirtsiz ustaz-tul» dep atalady. Tań qalarlyqtaı sizder úshin qyzyqty dýmandy bastaımyz.

Júrgizýshiler:
1. Sahıev Ybyraı 2. Janjigitova Aıdana
Ybyraı: Aldymen men sizderdi qasymdaǵy kómekshimmen tanystyryp óteıin. 7 v synyptyń úzdik oqýshysy J. Aıdana.
Aıdana: Osy sharany uıymdastyrýshy S. Ybyraıǵa da qoshemet kórseteıik. Talantty, ónerlige shekteý qoıylmaıdy dep aıtqandaı «Tań qalmańyz» baǵdarlamasynda oqýshylardyń shyǵarmashylyq jumystarymen, ónerlerimen tanys bolasyzdar.
Ybyraı: «Shákirtsiz ustaz-tul» degen taqyrypta saıysty da tamashalańyzdar! Olaı bolsa saıyskerlerdi ortaǵa shaqyramyz.
(ortaǵa Gúlsezim men Jazylbek shyǵady)

Ybyraı: 7d synyptyń úlgili oqýshysy Beıbitqyzy Gúlsezimge qoshemet úlken qoshemet kórseteıik.
Aıdana: 10b synyp oqýshysy, quqyq sektory Qarabaev Jazylbekti de úlken qoshemetpen orta shaqyraıyq.
Ybyraı: Qosh keldińizder! Sizder búgin saıysqa túsesizder. Sizderdiń jas erekshelikterińizge qaramaı saıysqa shaqyrǵanbyz. Sebebi talantty, ónerli adam qandaı shyń bolmasyn, ózine baǵyndyra alady.

Aıdana: Aǵaı, bizge bir adamdar jetispeı túrǵan sıaqty.
Ybyraı: Jetpeıdi deımisiń, olar kimder?

Aıdana: Olaı bolsa tanys bolaıyq, ortaǵa erekshe qonaqtardy shaqyraıyq. (Raıgúl apaı men Nurbek aǵaı ortaǵa shyǵady)

Ybyraı: Sálematsyzdar ma? Qosh keldińizder. Tanys bolaıyq. Mektebimizdiń oqýshylar keńesiniń jetekshisi, dene tárbıesiniń muǵalimi Bekbaýov Nurbek. Mektebimizdiń tálimgeri, aǵylshyn pániniń muǵalimi Naýryzbekova Raıgúl.

Aıdana: Ustazdyq etken jalyqpas úıretýden balaǵa degendeı. Qurmetti aǵaı, apaı sizderdi myna oqýshylaryńyz maqtan tutyp, sizder sekildi ónerli, topty jaryp shyǵatyn, básekege qabiletti azamat bolǵysy keledi dep oılaımyz. Sebebi osy saıysqa shyǵý úshin sizderdi tańdap, baq synamaqshy.
Ybyraı:
Ádildikke baǵa berer qaraýǵa,
Ádildikpen qara qyldy jarýǵa.
Ádilqazy alqalaryn saılaıyq,
Naq jeńimpaz tańdap birin alýǵa, - dep búgingi saıysymyzdy saralap, tarazylap saıyskerlerdiń ónerin tamashalap, ádil baǵasyn beretin ádilqazylar alqasymen tanysaıyq.
«Oqýshylar keńesiniń» músheleri:
1. Shamova A.
2. Amangeldıeva G.
Z. İztileýova M.
4. Jalǵasbaeva A.

Aıdana: Aǵaı meniń murnym bir táttini sezip tur.
Ybyraı: Meniń murnyma da tamaq ıisi keletin sekildi. Osy biz naǵyz aspazshylardyń qasynda turǵan sekildimiz ǵoı.

Aıdana: Saıysymyzdyń birinshi bólimi «Dám dýman».
Saıyskerlerdi dám mázirin jasaýǵa shaqyraıyq.
Ybyraı: Jazylbek jigitke jeti óner de az degendeı úıde de tamaq pisirý, as ázirleý jumystaryna aralasasyń ba?

Aıdana: Nurbek aǵaıdyń qolynan kelmeıtini joq dep oılaımyn. Gúlsezim súıikti ustazym dep Nurbek aǵaıdy saıysqa alyp shyqqanyńa ókinbeısiń. Sizder qandaı taǵam daıyndaısyzdar? Jasalý joldaryn aıtyp berseńizder.
Ybyraı: Raıgúl apaı da erekshe taǵam ázirleýde sıaqty? Tanystyra otyryńyzdar.
(Saıyskerler taǵamnyń attaryn atap tanystyryp, ádilqazylarǵa usynady)

Aıdana: 7v synybynyń «bıshiler» toby sizderge «Roken roll» bıin usynady.
Ybyraı:
Án aıtpaı da bılemeı,
Saıystan tekke ketpeıik.
Saıyskerdiń ónerin
Tamashalap kóreıik,- deı kele kezekti «Bı dýmanǵa» beremiz.
«Bı dýman»
Aıdana: 70-shi jylǵy jastardyń, mektep bitirýshi túlekterdiń súıikti bıine aınalǵan. Qazir de eskirmeı, árbir adamǵa kóterińki kúı syılaıtyn «Tvıs» bıin tamashalańyzdar.
(Gúlsezim men Nurbek aǵaı bı bıleıdi)

Ybyraı: Belarýs bıimen tań qaldyratyn Jazylbek pen Raıgúl apaıdy qoshemetpen sahnaǵa shaqyramyz.

Aıdana: Aǵaı osy siz aýdanǵa baryp «Symbattylyq syry – sán» - atty sán baıqaýynan bas júlde alyp, kórermenderdi ózińizdiń daıyndaǵan sán úlgilerimen tań qaldyryp edińiz ǵoı.
Ybyraı: Durys aıtasyń Aıdana. Qazir menen keńes surap, sol ónerdi qolǵa alyp shyǵarmashylyǵymen tanystyratyn shákirtim N.Kámshattyń daıyndaǵan sán úlgilerin tamashalaıyq.

Aıdana: Kezekti «Sán dýmanǵa»beremiz.

HHİ ǵasyrdyń kıim úlgileri:
1 .Áıgerim - 6a
2. Aqnur - 6g
Z. Aqjarqyn -7a
4. Aqbaıan -6b

(Paketten tigilgen sán úlgileri)
Ybyraı: Kelesi bólim - Zıatkerlik oıyn II týrdan turady.
1-shi «Anketa suraqtar»
2-shi «Sóz quraý»
Aıdana: Sizderge bir ortaq suraq qoıylady. 4 jaýabyn shatastyryp beremiz. Soǵan kim birinshi jaýap beredi, soǵan upaı sany qosylady. İ. Mektepte joq ustaz:
1) Raıgúl
2) Temirhan
3) Qarlyǵash
4) Qarashash

2. Qaı kıno qazaq fılmine jatpaıdy?
1) Meniń atym qoja
2) Bandyny qýǵan Hamıt
3) Mahabbat úıi
4) Qyz Jibek

Z. Álemdegi joq qala:
1) Oral
2) Tegıran
3) Berıvan
4) Moskva

4. Qaı zat kompúter quralyna jatpaıdy?
1) Júıeli blok
2) Pernelik taqtaı
3) Tyshqan
4) Monıtor

5. Saǵyz selosyna qarasty búgingi tańda orny joq eldi meken:
1) Sholaqsaı
2) Kenbaı
3) Aqqudyq
4) Sorkól

6. Zergerlik buıymǵa jatpaıtyn ataýdy tap:
1) Alqa
2) Syrǵalym
3) Júzik
4) Bilezik

7. Eltańbada joq belgi:
1) Shańyraq
2) Bıdaı
3) Pyraq
4) Pyshaq

8. «Shuǵyla» mádenıet úıi dırektory kim?
1) Álıa
2) Mánshúk
3) Ǵapýra
4) Aıgúl

9. Qazaq estradasynda joq ánshi:
1) Luqpan Joldasov
2) Beıbit Seıdýalıeva
3) Maıra Ilıeva
4) Tamara Asar
Aıdana: Kezekti taǵy da «Sán dýmanǵa» beremiz. Ortada qýyrshaqtar
Ybyraı: Tamashalap otyrǵandaryńyz 8v synybynyń úzdik ónerli oqýshysy N.Kámshattyń daıyndaǵan sán úlgileri. Kámshatqa kóp rahmet.
Aıdana: Kezekti zıatkerlik oıynynyń «Sóz quraý» bólimine beremiz. (qalaımaqan – sózinen birneshe sóz quraý)

Ybyraı: Halqyn qasterlegen, saltyn qasterlegen,- degendeı halqymyzdyń ulttyq salt-dástúrin áli de jańǵyrtyp júrgen segiz qyrly, bir syrly aýyl azamaty – Jaılaý aǵamyzdyń saz balshyqtan, qalyń shıden daıyndaǵan ulttyq qolónerimen tanys bolyńyzdar.

Aıdana:
Shyǵady asyl – tastan, óner jastan,
Tárbıe táýir bolsa, áýel bastan.
Mysaly , ǵylym tappaq sol sekildi,
Bulaqtyń bitip jatqan kózin ashqan,- dep Maǵjan Jumabaev aıtqandaı sizder, aǵaı-apaı jáne sizderdiń súıikti oqýshylaryń Jazylbek pen Gúlsezim búgingi sharaǵa qatysyp, óte tamasha ónerlerimen tanystyryp jatyr.

Ybyraı: Kóptegen tań qaldyratyn dúnıe dýmanmen tanystyq.
Qazylar ornyqtyrar ádildikti,
Kimderdiń jaýaptary durys shyqty.
Tań qalmańyz saıysynan
Jeńiske jeter deımiz naǵyz myqty,- deı otyryp ádil qazylardan qorytyndyny suraımyz.

Qorytyndylaý. Ádil qazylar jeńimpaz topty anyqtaıdy, maqtaý qaǵazyn tabys etedi.

Muǵalim: «Tań qalmańyz» atty synyptan tys tárbıelik sharam 4 bólimnen turdy. Belsendi,ónerli oqýshylarym men qoldarynan óneri tamǵan áriptesterim de osy sharaǵa belsene at salysty. Bul sharaǵa qatysýshylar óte úlken qyzyǵýshylyqpen, ynta-yqylaspen qatysyp, uıymshyldyqpen ár bólimdegi tapsyrmalardy oryndaýǵa tyrysty.
Kesh óte qyzyqty, tartymdy ótti.