InfoHub Logo

Álippemen qoshtasý erteńgiligi.
Maqsaty:
Oqý tilin damytyp, sózdik qoryn molaıtý. Oqýshylardyń álippeden alǵan bilimderin tıanaqtaý.
Ár oqýshynyń is- áreketteri arqyly ıkemdiligin, qabiletterin kórsetý,shyǵarmashylyq múmkindikterin ashý;
Oqýshylardyń elin, Otanyn súıýge,ony qorǵaı bilýge tárbıeleý.
Kórnekiligi: Qazaq álipbıi,sýretter, naqyl sózder, «Álippe», «Ana tili», «Matem» oqýlyqtarynyń muqabasy, aýyzsha esepke kórnekilik, sharlar.

Barysy: Atasy nemeresin jetektep keledi.
Avtor:
Jeti jasar balasyn,
Jetpiste shal jetektep.
Kele jatyr kóshede,
«Qaıda álgi mektep»-dep.
Jetpis keled júgirip.
Ata:
Balam,balam, jaqsy bol,
Mine,seniń mektebiń.
Sabaǵyńa zeıin sal
Aqyldy bol tentegim.
Nemere:
Qyrkúıekte keldim de
Synypqa kirdim qýanyp,
Qarsy aldy ustaz meıirimmen
Qadamymdy qup alyp.
Muǵalim:
Armysyzdar qurmetti qonaqtar, oqýshylar! Shákirtterdiń qoldaryna tuńǵysh ret ustap, betin ashqan oqýlyǵy «Álippe». Barlyq ǵylymnyń atasy, bolashaǵymyzdyń negizi- álippeni bitirý toıyna hosh kelipsizder deı otyryp, erteńgiligimizdi bastaıyq.
İ-júrgizýshi:
Qaıyrly kún, ýa, halaıyq!
İİ-júrgizýshi:
Armysyzdar, muǵalimder , áz jandar,
Bilim izdep, ınemen qudyq qazǵandar,
Qushaq jaıa qarsy alamyz sizderdi,
Bı bılenip,ánde búgin shyrqalar.
İ-júrgizýshi:
Kóz salyp qarańyzshy boıymyzǵa
Ortaq bop búgingi ósken oıymyzǵa.
Hosh kelipsiz, ustazdar, ata-analar,
Álippemen qoshtasý toıymyzǵa.
Muǵalim:
Ósti mine boılaryń,
Ósti aqyl- oılaryń.
Qýanyshqa ortaqpyn,
Qutty bolsyn toılaryn!
Balalar men senderge suraq qoıýdan bastaıyn. Sender oǵan jaýap aıtyńdarshy.
İshi toly áripke,
Bilimdegi jaryq ne?
Hormen:
Bolashaqqa jol ashar-
Ol súıikti- Álippe!
Ol súıikti -Álippe!
Muǵalim:
-Olaı bolsa, bárimizge eń qymbat Álippeni ortaǵa shaqyraıyq.
Hormen: Álippe! Álippe! Álippe!
Álippe:
Armysyzdar jas dostar!
Armysyzdar, ata-ana!
1-oqýshy:
Álippem meniń Álippem,
Seni qolǵa alyp men.
Esigin ashtym mekteptiń,
Erteńgi sáýle jaryqpen.
2-oqýshy:
Kelgende alǵash mektepke,
Bilmeýshi edik áripte,
Oqımyz qazir ertekte,
Úıretken ony Álippe!
3-oqýshy:
Álippe degen altyn jol
Aparar seni alysqa.
Jeńil emes aýyr jol
Tyrysyp baq namysqa.
Án: «Álippe»
Qane berip qaraıyq,
Zeıin qoıyp tyńdaıyq
Áriptermen tanysý
Taqpaqtardan bastaıyq.

İ-júrgizýshi:
Endi ortaǵa áripterdi shaqyraıyq.
«OTAN» «ÁLİPPE» sózderi shyǵatyndaı
( O,T,A,N,Á,L,İ,P,P,E) áripter taqqan oqýshylar shyǵyp taqpaq oqıdy.
1-oqýshy:
Ospan da óleń jattady,
Oljas ta óleń jattady.
Myna menen bastalǵan
Ekeýiniń attary.
2-oqýshy:
Torǵaı, torǵaı, torǵaısyń
Taıaý kelip qonǵaısyń.
Jem shashaıyn toıyp al,
Sonda aıazǵa tonbaısyń.
3-oqýshy:
Astana- Astanam,
Astana-bas qalam.
Ardaqtap atyńdy,
Aýzymnan tastaman.
4-oqýshy :
As bitkenniń atasy
Qasıetti «nan» osy.
Qaısy áripten bastalyp
Aıaqtalǵanyn qarashy.
Muǵalim:
Rahmet balalar, Bilmesbek bolmaı, Bilgishbek bolyńdar!
( sahnaǵa kir-qojalaq Bilmesbek keledi)
Bilmesbek:
-Mynalar ne jınalǵan -áı. Meniń atymdy ataǵan qaısyń?
Muǵalim:
-Sálemetsiń be Bilmesbek! Seni ataǵan men ǵoı. Búgin bizde «Álippemen qoshtasý» merekesi.
Bilmesbek:
-Álippemen qosh-ta-sý. Qoshtasyńdar, qoshtasyńdar! Qoı men keteıin. Chao!
( ketip bara jatyp, bir balanyń sharyna umtylady)
Bala:
-Tıispe, meniń sharyma . Munda árip jazylǵan.
Bilmesbek:
-Árip deıdi. Qaıdaǵy árip, mynaý dońǵalaqtyń sýreti, al mynaý esiktiń sýretin salyp qoıypty-eı. Bulardyń bárin men Álippeni oqymaı-aq bilemin.
Muǵalim: Ol ne degeniń Bilmesbek. Bular O,P áripteri. Degenmen balalar Bilmesbektiń sóziniń jany bar. Árbir árip bir nársege uqsas.
Káne, endi maqaldar qurastyryp, oqý saýatymyzdy kórseteıik. Maqaldardy durys oqý úshin sandardy ósý retimen ornalastyrý kerek. Sodan soń shyqqan sózdi oqımyz.Bilmesbek birneshe ret umtylyp, balalarmen birge jaýap bergisi keledi de, áripti bilmeıtini esine túsip, jelkesin qasıdy.
Muǵalim: Mine Bilmesbek , kórdiń be? Balalar áripti qalaı jaqsy biledi.
Bilmesbek: Onda men de kitap oqyǵym keledi.
Muǵalim: Bunyń durys boldy. Tek aldymen ústi –basyńdy tazalap, jónge sal. «Álippeni» taza, uqypty balalar ǵana ustaıdy.
Bilmesbek: Jaraıdy.(shyǵyp ketedi)
Muǵalim :Balalar , áripterdi tanyp qana qoımaı, olardyń basyn qosyp osylaısha oqı bilýlerin ata-ana úshin de ,men úshin de úlken qýanysh.
İİ- júrgizýshi:
Iá, búgin bizdiń qýanyshymyzda da shek joq. Óıtkeni biz tuńǵysh saýatymyzdy ashqan «Álippeni» bitirdik. Rahmet saǵan «Álippe».(hormen)
Qyzdardyń oryndaýynda bı.
1-oqýshy:
«Álippe» dańǵyl jol ashty
Jańadan pánder jalǵasty
Álippe syryn uqtyrǵan
Rahmet ustaz alǵashqy.
«Ustazym» áni.
Bizdi osyndaı kúnge jetkizip, birge qýanyp, birge renjip júrgen ákelerimiz ben ájelerimiz, analarymyzǵa myń alǵys aıtamyz. Endigi án- shashýymyz sizderge arnalady.
«Býratıno» bıi.
Álippe:
-Balalar! Sender menimen ǵana dostasyp qana qoıǵan joqsyńdar. Sonymen birge matematıka oqýlyǵymen de tanystyńdar.
Muǵalim:
-Matematıka – ǵylymdardyń atasy degen. Endeshe matematıkadan alǵan bilimderin teksereıik. ( aýyzsha esep)
Álippe:- Al dostar, búgin sender endi meniń jolymdy ári qaraı jalǵastyratyn ana tili pánimen tanysasyńdar. Ana tilin ortaǵa shaqyraıyq.
Ana tili:
-Sálemetsińder me, balalar?
Týǵan eldiń tilimin,
Aqylymen tanylam.
Túsindirer bárine
Ana tili men bolam.
Balalar men senderdiń keleshekte saýatty azamat bolatyndaryna senemin.
Álippe: Al, endi men sendermen qoshtasamyn. Qosh bolyńdar, balalar! Sabaqty jaqsy oqyńdar!
«5» bolsyn alar baǵamyz,
Bilimmen baqyt tabamyz,
Óner-bilim kóp toqyp,
Óse bersin sanamyz! ( 5-tikter taratý)
Hormen: Qosh bol,qosh bol , qutty Álippe!
Muǵalim:
Álippemen qosh aıtysyp qalamyz,
Endi qolǵa ana tilin alamyz.
Ata-ana qýanyshqa ortaq bol,
Saýatty bop shyqty mine balańyz!