InfoHub Logo

Tıynnyń kózinen ótken bir saýdager bolypty. Oǵan esesi ketip júrgen bireýler Tańdaıbaıdyń esesin alyp berýge qaırapty. Bir kúni Tańdaıbaı ony arnaýly izdep kelip, atyn baılap qoıyp, qalashyqty jaıaý aralap júrse, álgi saýdager basqa bir dúkennen bir sandyq asyl buıym alyp keledi eken. Muny kórgen Tańdaıbaı da sol dúkennen bir sandyq alyp, aýzyna dál sondaı qulyp basyp, kótergen beti álgi saýdagerdiń dúkenine kelse, saýdager sandyǵyn teksheniń ústine qoıyp, demalyp otyr eken. Tańdaıbaı sálem berip kirip kelipti de, sandyǵyn saýdagerdiń sandyǵynyń qasyna qoıyp:

— Men biraz qalaıy almaq edim, — degen eken. Saýdager bir qadaq qalaıy kórsetipti.

— Meniń almaǵym bes qadaq edi, — depti Tańdabaı.

— Ondaı bolsa men alyp shyǵaıyn, — dep saýdager ishke kirip ketken kezde Tańdaıbaı eki sandyqty aýystyra qoıypty. Ol saýdager ákelgen qalaıyny ary kórip, beri kórip:

— Almaımyn, qalaıyńyz nashar eken, — degende, saýdager yza bolyp:

— Almasań ket óziń, aqymaq qylmaı, — dep aýystyryp qoıǵan óz sandyǵyn Tańdaıbaıǵa taman ıteripti. Tańdaıbaı:

— Qalany bir aınalyp kelip alsam, sandyǵym osynda tura tursa qaıtedi, — degen eken.

— Ottamaı joǵal tez, áket sandyǵyńdy, — dep saýdager onan ary ıtermelepti. Sandyqty kóterip alyp, Tańdaıbaı óz jolyna túsipti. Úıine kelip ashsa, ishindegisi júz qoılyq nárse eken.

---