InfoHub Logo

Tanymal ádebıetshilerdiń ómiri jaıly, óshpes týyndylaryn qalaı shyǵarǵandyǵy jaıly kóptegen málimet bar. Degenmen, bolmysy bólek jazýshylar ózgeniń ómirine uqsamaıtyn erekshe ǵumyr keshken. Bálkim sol ózgesheliginiń arqasynda óshpes týyndylardy dúnıege ákelgen bolar?!

Charlz Dıkkens

Janyp turǵan shamnyń janynda árdaıym shybyn-shirkeıler úıilip júredi, biraq buǵan sham kináli me?

Charlz Dıkkens

— Dıkkens gıpnozben áýestengen. 

— Dıkkenstiń súıikti saýyǵynyń biri Parıj beıtine baryp, beımálim denelerdi kórsetý bolǵan. 

— Charlz Dıkkens árdaıym basyn soltústikke qaratyp jatqan. Sonymen birge shyǵarmalaryn jazǵanda betin soltústikke qaratyp otyrǵan.

Oskar Ýaıld

Men mánsiz birdeńeler aıtqandy jaqsy kóremin — sony ǵana jaqsy meńgergenmin.

Oskar Ýaıld

— Oskar Ýaıld Dıkkenstiń shyǵarmalaryn eshqashan baısaldy qabyldamaǵan jáne ár sebeppen mazaqtap kúletin. Jalpy zamanaýı jazýshylar Charlz Dıkkenske eshqashan brıtanıanyń úzdik jazýshylarynyń tizimine kirmeısiń degen. 

— 1878 jyly Oksfordty úzdik bitiredi. 

— Óler aldynda Ýaıld keıbir sebepterge baılanysty atyn Sebastán Melmot dep aýystyrǵan.

Ernest Hemıngýeı

Naǵyz erjúrek adamdarǵa dýelge shyǵýdyń qajeti joq, biraq muny kóptegen qorqaq minezdiler óz erjúrektiligine sendirý úshin jasaıdy.

Ernest Hemıngýeı

— Ernest Hemıngýeı peırafobıamen (kópshiliktiń aldynda sóıleýden qorqý) aýyrǵan jáne oqyrmandarynyń jyly lebizderi men maqtaý sózderine eshqashan senbegen. Tipti dostaryna da senbegen. 

— Hemıngýeı bes soǵysty bastan keshken, tórt kólik apatyn jáne eki áýe apatyna ushyraǵan. 

— Hemıngýeı ony FTB (FBI) baqylap júrgenin jıi aıtatyn. Áńgimelesýshileri muny jazýshynyń qıaly dep oılaıtyn, biraq sońynda bul ras bolyp shyqty – bul jazýshynyń paranoııasy emes, jazýshynyń sońynan naqty baqylaý bolǵanyn qupıasy ashylǵan qujattar rastaǵan.

Lúıs Kerroll

Bul álemde bári esinen adasqan.

Lúıs Kerroll

— Kerroll jeke kúndeliginde árdaıym qandaıda bir kúnásyna ókinetinin jazǵan. Degenmen, jazýshynyń beınesine kir keltirmeý úshin bul betterdi januıasy jyrtyp tastaǵan. Zertteýshilerdiń keıbiri "Djek-Potroshıtel" dál osy Kerroll bolǵan degendi aıtady. 

— Kerroll sý bezgegimen, sıstıtpen, quıańmen, qyshymamen, fýrýnkýlezben, artrıtpen plevrıtpen, revmatızmmen, uıqysyzdyqpen jáne taǵy basqa kóptegen aýrýlarmen aýyrǵan. Budan ózge, onyń úzdiksiz – jáne qatty – basy aýyratyn bolǵan. 

— Kerroll úshdóńgelekti velosıped, attar men datalardy jattaýǵa arnalǵan mnemonıkalyq júıeni jáne elektrlik qalamdy ózi oılap tapqan.

Frans Kafka

Ótirik aıtýǵa syltaý az bolǵanda emes, ótirik az aıtqan ýaqytta ótirik az aıtylady.

Frans Kafka

— Klekr bolyp jumys istegen. Zamanaýı kórinis boıynsha ofıste otyratyn qarapaıym beıbaq qyzmetker bolǵan. 

— Frans Kafka qasapshynyń nemeresi bolatyn jáne ózi et jemeıtin. 

— Ómir boıy ol qoǵam arasynda eleýsiz qalǵan birneshe áńgimelerin ǵana jarıalaǵan. Óler aldynda ol ózinen ósıet alǵan Maks Brodqa qoljazbalarynyń kózin qurtýdy tapsyrady. Biraq Maks Brod hal ústindegi adamnyń ótinishin oryndamaıdy. Osylaısha Frans Kafka ólgennen soń ataqty jazýshyǵa aınalady. 

— Qazirgi ýaqytta Kafka Praganyń basty maskottarynyń (ataqty) biri sanalady.

Ýılám Shekspır

Ózgeniń kúnásin pash etýge asyqpańyz, óz kúnáńizdi sanasańyz, ózgenikine jetpeı qalasyz.

Ýılám Shekspır

— Ýılám Shekspırdiń týylǵan kúni men ólgen kúni bir – 23 sáýir. 

— Zamandastary Shekspırdiń qaskóılikke áýes bolǵanyn aıtady. Ol esh ruqsatsyz ser Tomas Lúsıdiń ıeligindegi elikterdi ańdyǵan. 

— Shekspırdiń qurmetine Merkýrııdegi krater atalǵan. 

— San jyldar boıy onyń atymen shyqqan shyǵarmalardy naqty ol jazǵan ba, joq pa degen pikirtalastar aıtylyp keledi.

Lev Tolstoı

Keıbir adamdar este saqtaý qabileti nashar bolǵandyqtan, arym taza dep oılaıdy.

Lev Tolstoı

— Sofá Berspen neke túniniń aldynda 34 jasar Lev Tolstoı 18 jasar jańa túsken áıeline kúndeligindegi óziniń ózge áıeldermen, ásirese krepostnoı sharýa áıelderimen mahabbat shytyrmandary egjeı-tegjeıli jazylǵan betterin oqýǵa májbúrlegen. Tolstoı áıeli ekeýi arasynda eshqandaı qupıa bolmaǵanyn qalaǵan. 

— Lev Tolstoı romandaryna synı kózben qaraǵan, onyń ishinde «Soǵys pen beıbitshilikke» de. 1871 jyly ol Fetke hat jiberedi: «Budan bylaı «Soǵys» sıaqty uzyn-sonar túkke turmaıtyn shyǵarmalardy jazbaıtynyma qýanyshtymyn».

— Lev Tolstoı ishki krestiń ornyna fransýz aǵartýshysy J.J.Rýssonyń sýretin taǵyp alyp júretin bolǵan.

Agata Krıstı

Áńgimeler adamdarǵa oılanýǵa kedergi keltirý úshin oılap tabylǵan.

Agata Krıstı

— Birinshi Dúnıejúzilik soǵys kezinde ol áskerı gospıtálda medbıke bolyp jumys istegen. Keıin dárihanada jumys istegen, sebebi ýlardy jaqsy aıyra alǵan, jáne kitabyndaǵy kóptegen ólim osy ý ishkennen oryn alǵan. 

— Agata Krıstı dısgrafıamen aýyrǵan, ıaǵnı qolmen jaza almaıtyn bolǵan. Onyń barlyq tanymal romandary aıtyp otyrý boıynsha jazylǵan. 

— Agata Krıstıdiń tanysy Braıan Aldıss birde onyń ádisteri jaıly aıtyp bergen – «ol kitapty sońyna tarmaǵyna deıin jazyp shyǵatyn da, keıin eń almaǵaıyp kúdiktini tańdap, ony aıaqtan shalý úshin bastapqy tarmaǵyndaǵy keıbir jerlerin ózgertetin bolǵan».

Anton Chehov

Óner men mádenıettiń dámin kórip, rahatyn sezine alǵan adamǵa budan artyq baılyq kerek emes.

Anton Chehov

— Anton Chehov asa yjdahattyqpen poshta markalaryn toptastyrǵan. Ol ómir boıy olardy jınap ótken. 

— Anton Chehov kompozıtor Chaıkovskımen dos bolǵan jáne oǵan «Tunjyraǵan adamdar» áńgimeler jınaǵyn arnaǵan.

— 3-shi synypta aýyzsha áńgimeleýden nashar bolǵandyqtan ekinshi jylǵa qalyp qalǵan. 

— Chehov shyǵarmalaryn jazar aldynda merekelik kıim kıip alatyn bolǵan.

Artýr Konan Doıl

Tym naqty derekterge jeter jalǵan eshteńe joq.

Artýr Konan Doıl

— Sherlok Holmsty oılap tapqan Artýr Konan Doıl okkýltıst bolǵan jáne kishkentaı qanatty perızattardyń ómir súretinine sengen. 

— Artýr Konan Doıl Sherlok Holms jaıly áńgimelerinde krımınalısıkanyń sol kezderi polısıaǵa málim bolmaǵan kóptegen ádisterin sıpattaıdy. Olardyń ishinde temeki tuqyldary men kúlin jınaý, basý mashınasyn ıdentıfıkasıalaý, oqıǵa oryn alǵan jerdegi izderdi lýpa arqyly qaraý. Keıin polısıa qyzmetkerleri Holmstyń osy jáne ózge de ádisterin paıdalana bastaıdy. 

— Artýr Konan Doıl birde Sherlok Holms jaıly «birde-bir súıkimdi qasıeti joq nashaqor» degeni úshin Bernard Shoýmen nashar qarym-qatynasta bolǵan. 

— Artýrdyń qabir ústindegi qulpytasynda jesir áıeliniń ótinishi boıynsha serilik uran jazylǵan: Steel True, Blade Straight («Bolattaı senimdi, dál qylyshtyń júzindeı»).

---