InfoHub Logo

Myńdaǵan jyldar boıy halqymyz qazaqtyq qalpyn saqtaı otyryp, ómir tájirıbesinde salt pen sananyń, ár istiń reti men ádebin, jóni men jolyn jasap qaldyrǵan. Osydan ulttyq salt dástúr, ádet-ǵuryp, yrymdar, uǵymdar, tyıymdar qalyptasqan. Mine, osynyń báriniń basyn quraıtyn ádepter jıyntyǵy – ultymyzdyń jón-josyǵy týyndaǵan. Munyń bári ulttyq minez ben sana-sezim, dinı senim, rýhanı qazyna men qaǵıdalar baılyǵy, úlgi-ónege, tálim-tárbıe erejesine negiz bola otyryp, jyl saıyn damı túsken. Muny halyq jasaǵan  desek te, onyń ishinde Qasym han salǵan qasqa jol, Esim han salǵan esiki jol, Áz Táýkeden jetken «Jeti jarǵy» sıaqty ádilet, bılik zańdarymen  birge Tóle bı, Qazybek bı, Áıteke bı syndy qara qyldy qaq jarǵan ádil qazylar belgilep ketken qazaqtyń qalyp pen qazynaly qaǵıdalar – adamdyqtyń aq joly.

Osyndaı taǵylymdyq ólmes ónege joldary men jón-josyqtar halqymyzdyń birlik, erlik, otansúıgishtik, márttik, jomarttyq, namysqoılyq, sheberlik qasıetterin urpaqtar boıyna sińirip, sol jolda qyzmet etýge úıretti. Qandaı aýyr jyldar, kezeńder bolsa da halqymyzdyń qanyna sińip, zerdesinde uıyp, taza qazaqylyq qalypqa, adamdyq asyl qasıetterge jetelegen de, aǵaıyndy adastyrmas jón silter sara jolymyz da osy jón-josyǵymyz bolatyn. Bizdiń ulttyq keskin-kelbetimiz de, abyroı bedelimiz de osy jol arqyly kórinedi.

Josyq – ádilet, shyndyq, adaldyq erejesi.

---