InfoHub Logo

Men ózim jumasynda eki ǵana obed etem (et tatam), qur shaı men nan. Kıim alǵanym joq. Kınoǵa, vecherlerge bir mártebe bolsyn, barǵanym joq. Kúni-túni aınaldyrǵanym ala qaǵazdyń beti. Ábýbákirdegiden basqa bir tıynym aqymaqtyq jolǵa ketken joq. On hat jazdym, Ábýbákirden áli jaýap joq. Myna shoshqalyqqa ne janym shydar! Óz obalym ózime. Men oǵan shákirttikti basynan keshken dep, jurttyń bárin sendeı kórip sendim. «Qazaqqa» bul týraly jazdym, ne ónedi... ? 25 somdy artymnan jiberetin bolǵan soń, úıdiń kezindegi bir zárý jumysyna qaldyryp edim. Neshe hat jazdym, habar joq. Ákem menen malyn nege aıasyn. Biraq el bolyp qorqyp, «atty alady, maldy talaıdy» dep, qalaǵa qatynaspaı jatyr ǵoı dep oılaımyn.

Halim osy. Sonda da qaıyrmaımyn, bir tıynym qalǵansha oqımyn. Sonan soń, turmys qandaı júk salsa da kóterem. Biraq kóńilim oqýda bolmaq.

1916, Tomsk qalasy.

---