InfoHub Logo

Baıandama
Tárbıe júıesiniń tıimdilik ólshemi.

Tárbıe júıesiniń tıimdilik ólshemi. Jas urpaq - el tiregi erteńimizdiń
kepili. Sondyqtan olarǵa sapaly bilim men sanaly tárbıe berý
muǵalimniń basty mindeti.
Mekteptegi tárbıeniń basty mindeti - oqýshylardyń boıyna rýhanı adamgershilik qasıetterdi qalyptastyryp, olardy derbes ómir súrýge úıretý, jalpy adamzattyń qundylyqty meńgerýde shyǵarmashylyq, iskerlik, básekelestikke daıyn, túrli mamandyqty meńgerip, ómirlik kúrdeli máselelerdi jyldam sheshe alatyn azamat tárbıeleý.

I. Bul úshin tárbıe jumysyn júrgizýde tárbıe júıesiniń tıimdilik ólshemderi retinde tárbıe ádisteri, tárbıe tásilderi, tárbıe quraldary qoldanylady.
I. II. Tárbıe ádisi degenimiz - oqýshylardyń tulǵalyq qasıetterin qalyptastyrýǵa baǵyttalǵan tárbıeshiler men tárbıelenýshilerdiń ózara baılanysty pedagogıkalyq jumys tásilderi.
Tárbıeniń ádisteri tórt topqa bólinedi
I. Adamgershilik sanany qalyptastyratyn ádister.
II. İs - áreket jáne qoǵamdyq tártip tárbıesin qalyptastyratyn ádister
III. Tártipke, is - áreketke yntalandyratyn ádister.
IV. Minez - qulyq pen is - áreketke baqylaý jasaý, ózin - ózi baqylaý, uıymdastyrý jáne ózine - ózi baǵa berýdi uıymdastyrýdy júzege asyrý ádisteri.
Ádisterdi muǵalim tárbıeniń maqsatyna mazmunyna balalardyń jas jáne derbes erekshelikterine tárbıelik deńgeıine qaraı irikteıdi. Ádister tárbıe maqsatyna jetýge oqýshylardy qoǵamdaǵy tártip erejelerin úıretýge, adamdarmen qarym qatynas jasaýǵa, olardyń jaqsy tájirıbesin alýǵa kómektesedi.

Qoǵamdaǵy áleýmettik - ekonomıkalyq ózgeristerge baılanysty tárbıe maqsaty men mazmunynyń ózgerýi ádister júıesin jańartady.
Tárbıeniń tásilderi degenimiz - ádistiń bir bóligi.
Tárbıeniń tásilderine:
I. Tárbıeniń maqsattaryn, mindetterin, olarǵa jetýdiń joldaryn usyný
II. Aqparattyq aǵartýshylyq
III. Baǵdarlaý is qyzmet
IV. Qarym qatynas
Baǵalaý tásilderi jatady

Tárbıe tásilderiniń bir túri jaıly aıtar bolsam qarym - qatynas tásili balalar men eresekterdiń is - qyzmeti kezindegi qatynasyna negizdelip oqýshylardyń qoǵamdyq minez qulyq normalaryn ıgerýine kómektesedi. Oqýshylar tártip erejeleri jónindegi aqparatty topta, synypta, mektepte qurastyryp. ony tómengi jáne joǵarǵy synyp oqýshylary, muǵalimder, ata analar, eresek adamdar arasynda jetildiredi,

Osy tárbıe tásilderin qoldana otyryp synybymyzda «Sálem túzelmeı - álem túzelmeıdi», «Ádepti bala arly bala» atty tárbıe saǵatyn ótkizdim.
Nátıjesinde oqýshylar eresektermen jaqyn qarym qatynas kezinde sóıleý ádebin, ádeptilik mektebiniń syrlaryn uǵyndy.
Kelesi tárbıe júıesiniń tıimdilik ólshemderiniń birinen sanalatyn ol tárbıe quraldary.
Tárbıe quraldary degenimiz - oqýshylardyń adamdyq qasıetterin qalyptastyratyn, muǵalim men balanyń sanasyna táýelsiz materıaldar.
Tárbıe quraldary:
İs áreket túrleri (oıyn eńbek)
Zattar (oıynshyqtar, elektrondy eseptegish mashınalar)
Rýhanı jáne materıaldyq mádenıet (óner, qoǵam ómir)
Buqaralyq aqparat quraldary
Pedagogıkalyq yqpal jasaý quraldary
Tárbıe jumysynyń nátıjelerin oqýshylardyń minez qulqy men is - áreketin, ózin - ózi tárbıeleýin pedagogıkalyq baqylaý júrgizý arqyly bilýge bolady.
Pedagogıkalyq baqylaý ádisi tárbıelikti anyqtaýǵa arnalǵan.
Aýyzsha jáne jazbasha saýalnama, testiler, tárbıelik maqsat kózdelgen shyǵarmalar, ózin ózi sendirýge úıretý, oqýshylardyń barlyq is áreketine taldaý jasaý qorytyndy shyǵarý ádisteri - balanyń óziniń pedagogıkalyq psıhologıalyq erekshelikterin taný damytý maqsatynda keńinen qoldanylýda.

Osy júrgiziletin tárbıe jumystary barysynda qoıylatyn pedagogıkalyq psıhologıalyq talaptar
I. Oqýshylardyń jas jáne dara erekshelikterin zerttep, oqý - tárbıe prosesin bala damýynyń zańdylyqtaryna súıenip uıymdastyrý.
II. Tárbıe prosesiniń úzdik, ári keshendi erekshelikterin eskerý.
III. Pedagogtardyń jeke basynyń jáne eńbek mádenıetiniń joǵary dárejede bolýy.
Qorytyndy
Tárbıe jumystaryn júrgizýde, olardyń ádisterin, tásilderin, quraldaryn birigip qoldaný, olardyń birligi tárbıe jumysyna ıgi áser etip, balalardyń bilimin, iskerligi men daǵdysyn tereńdetedi, qoǵamdyq ómirge, eńbekke baýlıdy, adamgershilik tájirıbesin baıytady.