InfoHub Logo

Taqyryby: «Tártip – tárbıe bastaýy, tártipsizdik – ómirińniń qas jaýy».
Maqsaty: Quqyqtyq tárbıeniń ómirlik qajettiligin oqýshylarǵa túsindirý. Quqyqtyq tárbıeniń, jigerdiń qoǵamda mańyzy zor ekendigi túsindirip quqyqtyq saýatqa tárbıeleý, óz oılaryn erkin aıtýǵa úıretý. Oqýshylardyń quqyqtyq saýattylyǵyn arttyryp, quqyq buzýshylyq jáne qylmys belgilerimen, túrlerimen tanystyrý, jasóspirimderdiń quqyqtary men mindetterimen tanystyrý. Qoǵamnyń zańdary men normalaryn oryndaýǵa, quqyqtaryn bilip, ony qurmetteýge tárbıeleý.
Túri: kezdesý, pikirtalas.
Kórnekiligi: ınteraktıvti taqta, prezentasıa, quqyq buzýshylyq jaıynda vıdeolar, sýretter, naqyl sózder.

Barysy:
İ Uıymdastyrý kezeńi.
İİ Oqýshy erejesi.
İİİ «Tyǵyryqtan shyǵar jol qaısy?»
IV «Zańsyz aral»
V Kókeıde júrgen saýal.
VI Qorytyndy.

İ Uıymdastyrý kezeńi.
Muǵalim: Qurmetti ustazdar, ata – analar, oqýshylar jáne kesh qonaqtary «Zań jáne biz» atty pikirtalas keshimizge qosh keldińizder! Biz búgin oqýshy jasóspirimderdiń mekteptegi jáne mektepten tys erejeleri, quqyq buzýshylyqtary týraly aıtamyz. Qazirgi kezde jasóspirimder arasynda quqyq buzýshylyq pen tártipsizdikter beleń alyp bara jatyr. Qatelik kimnen ketýde? Ata - anadan ba, mektepten be, álde qoǵamnan ba? Múmkin osy úsh taraptyń jaýapkershilikti teń arqalaı almaýynan bolar... Biz búgin osy taqyrypqa tereńirek úńilmekpiz.
Pikirtalastyń taqyryby: «Tártip – tárbıe bastaýy, tártipsizdik – ómirińniń qas jaýy»
Pikirtalastyń negizgi maqsaty: oqýshylardyń quqyqtyq saýattylyǵyn arttyryp, jasóspirimder arasyndaǵy quqyq buzýshylyq túrlerimen tanystyrý, quqyqtary men mindetterimen tanystyrý.

Kesh qonaqtary:
---------------------------------------
Pikirtalas keshine «Jaqsylyq» jáne «Parasat» toby qatynasýda.
Muǵalim: A. S. Makarenkonyń túsiniginde tártip – bul tek qana tejelý tártibi ǵana emes, sonymen qatar umtylý belsendilik, jaýapkershilik tártibi. Tártip týraly máseleni erik – qaıratty, erlikti, berik minez – qulyqty tárbıeleýmen tyǵyz baılanysta qarastyrady. Tártip uıymshyl ujymda damıdy jáne bekıdi. «Tártip – bul ujymnyń bet - álpeti, onyń daýysy, onyń ádemiligi, onyń qozǵalǵyshtyǵy, onyń mımıkasy, onyń senimdiligi» - degen.

İİ «Oqýshy erejesi»
Ár top plakatqa oqýshynyń mekteptegi erejelerin jazyp, jumystaryn qorǵaıdy.
Muǵalim:
Tártipti bala súıinish,
Tóbeń bir kókke jetedi.
Tártipsiz bala kúıinish,
Tómendep basyń ketedi – degendeı, oqýshylarǵa qoıylatyn alǵashqy suraǵymyz – «Tártipke baǵyn jasyńnan...» degen sózdi qalaı túsinesizder, tártip týraly oı – pikirlerińizdi aıta otyrsańyzdar. (Oqýshylar pikirin tyńdaý)

İİİ «Tyǵyryqtan shyǵar jol qaısy?» 2 toptyń jáne kórermen oqýshylardyń pikirin tyńdaý.
Berdibek Soqpaqbaevtyń «Meniń atym – Qoja» romanynyń jelisi boıynsha túsirilgen fılmnen úzindi.
1 - vıdeo. Qojanyń áreketin oqýshylar jınalysynda talqylaý.
- Qoja qandaı áreketteri úshin jazalanyp otyr?
- Qojanyń tártibi mektepte qandaı bolǵan?
- Ustazy Qojanyń tártibi kimderge de baılanysty dep aıtty?
- Sender Qojanyń joldasy bolsańdar, qandaı kómek berer edińder?
2 - vıdeo. Qojanyń ózine - ózi esep berýi.
- Bul vıdeodan ne túsindińder?
- Kún saıyn ózine - ózi esep berý balanyń jaqsy azamat bolyp qalyptasýyna oń áserin bere me?
- Sender óz - ózderine esep beresińder me?
- Iaǵnı tártipti bala qandaı bolý kerek? Ózderińdi tártiptimin dep sanaısyńdar ma?

Muǵalim: Ult murattarynyń uly baılyqtarynyń biri – jas urpaq, keleli keleshek desek, bul taqyryp keshe de, búgin de kún tártibinen túspeıtin másele, ultymyzdyń maqtanyshy batyr atamyz Baýyrjan Momyshuly «Tárbıeli – tártiptiń quly, tártipti – eldiń uly» dese, aqyn Oljas Súleımenov «Adam taǵdyryn tárbıe sheshedi» dep jazdy. Bári de shyndyq. Tárbıe keshiktirilse keshirilmeıtin, durys baǵyt almasa, qalpyna kelmeıtin názik te, kádeli de saýatty, ıgilikti de izgilikti is. Adam urpaǵymen uly, eńbegimen eren, keleshegimen kemel bolsa, munyń móldir bastaýy, altyn tamyry – tálim – tárbıe isinde jatyr.

IV «Zańsyz aral»
- Biz eshqandaı zańy joq aralda ómir súrsek, ne bolar edi?
İ top jaqsy jaǵyn, İİ top jaman jaǵyn aıtyp, pikir talastyrady.