InfoHub Logo

Bilim salasy: Qatynas.
Uıymdastyrylǵan oqý is – áreketi: Til damytý.
Taqyryby: «Qysqy oıyndar»
Maqsaty:
Bilimdilik: Taqyryp boıynsha balalardyń sózdik qoryn molaıtý; Sóz, sóılem oılaý qabiletterin damytý; Óz tájirıbesin qoldaný arqyly sýret boıynsha áńgime qurastyra bilýge úıretý.
Damytýshylyq: Balalardyń oılaý qabiletin, túısigin, sóıleý mánerin damytý.
Tárbıelik: Óz joldastarynyń pikirin nazar salyp tyńdaı bilý daǵdysyn qalyptastyrý.
Sózdik jumys: Kúrtik qar, ulpa qar.
Kórnekiligi:
1. Shańǵyshy, kónkı tebýshi, velosıpedshi, shana beınelengen sýretter;
2. «Qysqy oıyndar «vıdeotaspasy;
3. Dıdaktıkalyq oıyn «Sýretti qurastyr»
4. «Týys sózder» oıynyna qatysatyn demonstrasıalyq sýretter.
5. Sazdy áýen.( pedagogtyń tańdaýymen)
Ádis – tásili: Kórsetý, baıandaý, suraq – jaýap.

Motıvasıalyq – qozǵaýshy
Tynyshtyq sát i (áýenmen) « Aqqala»
Maqsaty: Balalardyń psıho-emosıonaldyq jaǵdaıyn, bulshyq et júıesiniń jumysyn jaqsartý.
Júrisi: Balalar dóńgelenip turady. Kózderin jumyp, denesin bir qalypty kúıge túsiredi. Aınalanyń bári appaq qar. Balalar qardan aqqala jasaı bastady.. Aldymen onyń denesin, basyn jasady. Endi onyń eki jaqqa sozyp turǵan qolyn aǵash butaǵynan jasady. Basyna shelek kıgizip, kózin, murynyn saldy.. Aqqala úlken ári ádemi bolyp aıaǵyn nyq basyp turdy. Ol balalarǵa qarap jymıyp turǵandaı boldy Balalar qatty qýandy. Kózimizdi ashamyz.
İzdený uıymdastyrýshy
Pedagog balalarǵa suraq qoıady.
Pedagog:
- Balalar, qazir jyldyń qaı mezgili? (Qys)
- Senderdiń árqaısylaryńnyń qys kezinde súıip oınaıtyn oıyndaryń bar. Osyǵan oraı biz qazir
«Sóılemdi aıaqta» oıynyn oınaımyz. Balalar bir – birine qar ushqynyn( qarshyq) berip turyp, «Men qysty jaqsy kóremin, óıtkeni...» dep sóılemdi aıaqtaıdy. Kelesi bala da osylaısha jalǵastyra beredi.
Balalardyń jaýaby.
- Qysta men qar laqtyryp oınaǵandy unatamyn.
- Qysta men aqqala jasaımyn.
- Qysta men kónkı tebýdi unatamyn.
- Qysta qardan munara turǵyzamyz.

2. Pedagog:-- Al, balalar endi taqtaǵa nazar aýdaryńdarshy.
«Ne artyq» oıyny oınalady.
Taqtada shańǵyshy, kónkıshi, shana súıregen bala jáne velosıpedshi beınelengen sýretter ilinip tur. Balalardyń jaýaptary.
Velosıpedshiniń sýreti artyq, óıtkeni qysta velosıped teppeıdi, al qalǵan sýretter sporttyń qysqy túrlerine jatady.
Pedagog: - Balalar, búgingi oqý is – áreketiniń taqyryby: «Biz qysta qalaı oınaımyz?» Sender sýretke qarap, áńgime qurastyrasyńdar.

3. Balalar topshalarǵa bólinip otyrady. Ár topsha úshin ústel ústinde 8 – ge bólingen sýret bólikteri jatyr.
Pedagog: - Balalar, endi bizder «Sýretti qurastyr» dep atalatyn oıyndy oınaımyz.
Balalar bir – birimen aqyldasa otyryp, sýretti qurastyrady.
- Qane balalar qandaı sýret qurastyrdyńdar?
Balalardyń jaýaptary.
- Qar ushqyny ne qarshyq, qarǵa, aqshaqar. Pedagog osy retpen sýretterdi taqtaǵa ornalastyrady.
- Osy sýretterdiń ataýlarynda qandaı ortaqtastyq bar?
Balalardyń jaýaby.
- Barlyǵynda «qar» sózi kezdesedi.
Balalar ınteraktıvti taqtadan qysqy oıyndar beınelengen kórinisterin vıdeotaspa arqyly tamashalaıdy.
Pedagog:-- Balalar, osy mezgilge baılanysty qar sózin qatystyryp, taǵy qandaı sóılem qurastyrýǵa bolady?
- Qar jaýyp tur. Jerde kúrtik qar jatyr. Aǵashtar qar jamylyp tur.
Pedagog: - Sender óte jaqsy jaýap berdińder, jaraısyńdar.
Til ustartý.
«Ys - ys - ys, kelip jetti qys»
«Ar - ar - ar, jaýyp jatyr aqsha qar»

4.- Balalar, endi aldaryńdaǵy álippe dápterdiń belgilep qoıǵan betin ashyp, ondaǵy sýretterge nazar aýdaryńyzdar.
Balalardyń jaýaby:
- Kirpi shanamen zyrlap barady.
- Qoıandar kónkımen syrǵanap júr.
- It shańǵy teýip keledi.
- Túlki hokeı oınap júr.
Pedagog:
- Balalar, osy kórinisterdi bir sózben qalaı ataýǵa bolady?
- Qysqy oıyndar nemese sporttyń qysqy túrleri.
Pedagog qys týraly óleń joldaryn balalarmen birge aıtady.
Dalada qar boraıdy,
Aq mamyqqa oraıdy.
Muz bolady, qatady
Jyp jyltyr bop jatady.
Aralaıdy baqshany,
Úzilmeıdi jaqsy áni.
Gúldenedi baqshalar,
Jaýsa jaýsyn aqsha qar.