InfoHub Logo

«Ustaz – aty bıik, ári máńgilik» merekelik is sharaǵa arnalǵan senarıi

Maqsaty: Oqýshylardy ustazdy qurmetteýge, syılaýǵa úıretý, ustaz mamandyǵynyń qyry men syrlaryn túsindirý. Ustaz eńbegin árqashan baǵalaı bilýge úıretý.
Kórnekilikter: Qanatty sózder, gúlder, jalaýsha, sharlar.

Sahna syrtynan Ustaz týraly óleń oqylady
Danyshpan da, dana da oqyp senen,
Ataq - dańqyn asyrdy bar álemnen.
“Ustaz” degen aıaýly, asyl jandy,

Júrgizýshiler shyǵady.
Gúlzat: Mine, jadyrap jaz ótip, altyn kúz de kelip jetti. Jańa oqý jylymen qatarlas keletin Muǵalimder kúni de kúzdiń úlesine tıipti. Mektep qabyrǵasynan áldeqashan alystap ketse de, boıynda jylýy bar árbir parasatty azamat árip úıretip, bilim teńizine jetelegen ustazdary men balalyq shaǵynyń talaı qyzyqty kúnderine kýá bolǵan altyn uıa – mektebin árdaıym úlken saǵynyshpen, qurmetpen eske alyp otyrady.

Olaı bolsa, muǵalim baqyty – shákirt qurmeti.

Alıhan: Qurmetti ustaz qaýymy! Sizderdi qazan aıynda atalyp ótetin Muǵalimder kúnimen shyn júrekten quttyqtaımyz! Sizderdiń bala kóńilderińiz ár oqýshynyń jan dúnıesin nurlandyryp, júregine shapaǵat nuryn tógýde. Mereıli merekede denderińizge saýlyq, otbasylaryńyzǵa amandyq, isterińizge sáttilik tileımiz.
Taır: - Búgin osy dástúrli merekege oraı sizderdiń shákirtterińiz bar shyǵarmashylyq qabiletterin, ónerlerin, sezimderin ortaǵa salyp, shyn júrekten tilek tilep, bárińizge merekelik kóńil kúı syılamaq nıetpen jınalyp otyr. Qurmetti ustazdar «Ustaz – aty bıik, ári máńgilik» merekelik is – sharaǵa qosh keldińizder.

Alıhan: Olaı bolsa búgingi merekege arnalǵan merekelik jıynymyzdy ashý úshin mektep basshysy ----------------------------- Jumabekqyzyna sóz beremiz.
Taır: Muǵalim, ǵazız muǵalim,
Sarqylmas máńgi bulaǵym.
Ulanyń búgi toıyńda,
Arnaıdy saǵan bul ánin.
Gúlzat: Al bulbul ánshilerimiz asyl ustazdarǵa degen jyly lebizi men shákirttik asqaq mahabbatyn ásem ánimen jetkizgisi keledi eken.
Endeshe sahnada án, oryndaıtyn 4 synyp oqýshylary Arýza jáne Jarmahan.

Alıhan: Saǵynysh sazy tolqytqan,
Arnamaq sózdiń máıegin.
Shákirtterin oqytqan,
Kelip tur joldap sálemin – deı otyryp sahna tórine oqýshylardy shaqyramyz. /taqpaqtar/

Gúlzat: Bilimniń aıdynynda júzip ótken,
Ustaz sensiń bilimniń nárin sepken.
Sen arqyly bastaý alyp, dana, ǵylym,
Sen arqyly álemdi tanyp bilgen.
Qulpyrǵan elimizdiń ul – qyzymyz,
Ázirge úlpildegen qundyzymyz.
Arasyn jer men kóktiń baǵyndyrar,
Erteńgi jarqyraǵan juldyzymyz – dep, kelesi kezekti ásem áýendi ánge bersek. Qarsy alyńyzdar, ortada 3 synyp oqýshysy Esimjan Gúlden. «Aq tilek» áni

Alıhan: Ustazym, meniń, ustazym,
Ózińmen ótken qys - jazym.
Qaldyrǵan iziń máńgilik,
Jadymda turar jańǵyryp.
Shákirtterine asa meıirimdi, sózine berik, shynshyl minezdi, júregi batyr, ónegesi asyl, jany jomart, peıili darqan, eren eńbekshil, baılamy berik, oıy ótkir ustazdar tól merekelerińiz taǵy da qutty bolsyn!!! Qarsy alyńyzdar ortada merekelik quttyqtaýmen 2 «V» synyby. Hor «Aqylshy Ustazym»