InfoHub Logo

L.N. Gýmılev atyndaǵy EUÝ ýnıversıtetinde «Tarıh» bilim berý baǵdarlamasy boıynsha stýdentterdiń XIV respýblıkalyq pándik onlaın formatynda ótken olımpıadasyda  ál-Farabı atyndaǵy QazUÝ-dyń Tarıh fakúltetinen qatysyp, 3 –shi oryn ıelengen 3 kýrs stýdentterinen quralǵan komanda múshelerin Qazaqstan tarıhy kafedrasynyń ujymy quttyqtaıdy.

L.N. Gýmılev atyndaǵy Eýrazıalyq Ulttyq ýnıversıtetinde  «Tarıh» bilim berý baǵdarlamasy boıynsha stýdentterdiń XIV respýblıkalyq pándik olımpıadasy 2022 jyly sáýirdiń 22 kúni MICROSOFT TEAMS platformasynda onlaın formatynda ótti. EUÝ Tarıh fakúltetiniń dekany t.ǵ.d., prof T.Sadykov olımpıadany ashylýy saltanatynda  sóılegen sózinde: «Bilimdi de, bilikti, ıntelektýaldy jas urpaqty qalyptastyrýda joǵary oqý oryndary arasynda osyndaı óz-ara dodaǵa túsip, bilimmen  kúsh synasatyn olımpıadalyq jarystardyń  ótkizilýi oryndy ekendigin aıta kele, olımpıadaǵa qatysýshy 14 komanda stýdentterine sáttilik pen  aqjol tiledi.

Olımpıadaǵa respýblııka boıynsha 14 joǵary oqý ornydarynan komandalar qatysty. Birneshe kezeńnen turǵan olımpıada barysynda, ár kezeńge qatysýshy komandalar ózderiniń kreatıvtiligimen kózge túsip, ádil-qazylar alqasy básekege toly jarystyń kýási boldy. Bir top ózininiń shyǵarmashylyq qabiletimen kózge tússe, endi biri óziniń tarıhı bilimin kórsetip oq boıy oza shapty Bul saıysta ár komanda stýdentteriniń sóıleý máneri, sóz saptaýy men sheshendigi jáne naqty faktilerdi qoldanýy basty nazarǵa alyndy. Saıys tartysty, ári tartymdy ótti, dodaǵa túsken árbir komanda músheleri  joǵary dengeıdegi daıyndyqpen kelgendigin baıqatty.

Olımpıada qorytyndysy boıynsha 3-oryndy ál-Farabı atyndaǵy QazUÝ- dyń Tarıh fakúltetiniń 3 kýrsyny4 stýdentterinen quralǵan komandasy ıelendi. Komanda múshelerin Qazaqstan tarıhy kafedrasynyń profesor oqytýshylar ujymy quttyqtap, oqýda ozat, aldaǵy ýaqytta osyndaı saıys márelerinen súrinbeı, ıntelektýaldyq oı-óristerin arttyra berýlerine tilektes ekendigin bildiredi.

Ál-Farabı atyndaǵy QazUÝ Qazaqstan tarıhy  kafedrasynyń dosenti, t.ǵ.k., Qozǵambaeva Gúlnar Bestibaıqyzy

---