InfoHub Logo

Ál – Farabı atyndaǵy Qazaq Ulttyq ýnıversıteti

Mehanıka – matematıka fakúlteti

Qoshqarbaev Nurbol

Elemes Tolqynaı

«Qazaqstan jer kólemi jaǵynan álemde toǵyzynshy orynda, tabıǵı baılyǵy mol, ózindik damý jolyn taba bilge el».

Búginde Qazaqstan úlken múmkindikteri bar el ǵana emes, sol múmkindikterdi naqty júzege asyryp otyrǵan memleketke aınaldy.

Qazaqstan Respýblıkasy birneshe myńjyldyq tarıhy bar qazaq halqynyń ómirindegi jańa kezeńniń, ıaǵnı eń jańa tarıhynyń bastalýy boldy. Halqymyz burynda talaı ótpeli kezeńderdi basynan ótkergen.

Aldaǵy ýaqytta bizdiń aldymyzda ótkenimizden aqparat beretin derekterimizdi izdep tabý, jınaý, júıeleý, saqtaý arqyly tarıhymyzdy jazý mindeti tur jáne bul qazaq eli tarıhnamasynyń ózekti máseleleriniń biri bolyp tabylatyndyǵy kúmánsiz.

Qazaqtyń shejirelik zerdesinde tarıh udaıy jeke tulǵalardyń ómir dereginen, mádenı-rýhanı ahýalynan buryn, aldymen adam týraly maǵlumat berý basty nysana boly otyrady.

Shejire rý tarıhy – ultymyzdyń bir bólshegi. Ol ata-babalarymyzdyń tarıhtyń sonaý tereń qoınaýyndaǵy hal-jaǵdaıyn, mádenıeti men turmysyn, sharýashylyqty júrgizý tásilin, ósip-ónýi, kórshi eldermen qarym-qatynasy jaıly syr shertedi.

Barsha qazaq halqyn alyp báıterek desek, úsh júzge kiretin jáne kirmeıtin rýlar onyń butaqtary. Sondyqtan ózin parasatty sanaıtyn árbir qazaq azamaty ónip ósken, shyqqan tegin aıqyn bilýi qajettiginde daý joq.

Qazaqtyń dýaly aýyz aqyny Ábýbákir Kerderi: «Jigitke baqytta ońaı, dáýlette ońaı, bolsa eger qabyrǵasy halqy onyń», - dep óz zamanynda jyrlap ótken bolatyn.

Tarıh halyqtyń keshken ómiri, pesheneli taǵdyrynyń tasqa basylǵan aıǵaǵy jáne ólmes tiri shejiresi. Qazirgi óskeleń ómirimizde ýaqytpen shendes keńistik úshin kózdi ashyp-jumǵandaı ǵana mezette kókiregimizge hattalyp, sanamyzǵa óshpesteı iz qaldyrǵan Táýelsizdik tarıhyn jazýdyń da óz kezegi kelgen sekildi.

---