InfoHub Logo

Bolashaqta eńbek etip,ómir súretinder-búgingi mektep oqýshylary, muǵalim olardy qalaı tárbıelese, Qazaqstan sol deńgeıde bolady.
Sondyqtan ustazǵa júkteletin mindet aýyr.

N.Á. Nazarbaev

Qazaq halqynyń rýhy taza ult bolyp qalyptasýy jáne táýelsizdigimizdiń beriktigi eldigimizdiń saqtalýy tikeleı jas urpaqqa baılanysty. Al osy jas urpaqtyń jan-jaqty bilimdi, halyqtyń tilin, tarıhyn, ádet-ǵurpyn syılaıtyn, osy el úshin, onyń baqytty keleshegi úshin jigerin aıanbaı jumsaıtyn naǵyz otanshyl azamattar memleketimizdiń bolashaǵy jas urpaqtyń sanasy, sapaly bilim, salıqaly ulaǵat alýyna baılanysty. Jańa zamannyń tarıhyn jazatyn, kezinde qatelesken, burmalanǵan tustaryna ádil baǵa beretin búgingi jas urpaq. Sondyqtanda jas urpaqty tárbıeleýde bizge úlken jaýapkershilik júktelýde. Jańa ǵasyrdyń jańasha ustazdary óz mamandyǵyn janymen súıetin, bilimdi de bilikti mamandar. Aldyna qoıǵan maqsaty anyq, isine súıispenshilikpen, jaýapkershilikpen qaraıtyn osynaý ustazdar boıynan tózimdilik, óz isine shákirtine degen erekshe iltıpat pen myqty senimdilik tógilip turady. Tarıh – bul barlyq ulttyq qundylyqtardy jas urpaq boıyna darytýshy pán. Tarıh páni arqyly búkil adam balasynyń basynan ótkizgen tirshilik taýqymetin bilemiz. Uly ǵulama ǵalym Ál-Farabı ”Tarıhty bilmeı-qazirgi jaǵdaıdy, keleshekti boljaý qıyn” – dep oryndy pikir qaldyrǵan. Sondyqtanda tarıhshy ustazdar – jas urpaqty tárbıeleýde maman ǵana emes, ol qoǵamnyń saıası habarshysy. Qazaqstan – saıası damý jolynda. Elbasymyz óziniń Qazaqstan 2050 baǵdarlamasynda bylaı dep jazylǵan ”Tolyq órkenıetti el bolý úshin aldymen óz mádenıetimizdi, óz tarıhymyzdy boıymyzǵa sińirip, sodlan keıin ózge dúnıeni ıgerýge umtylǵanymyz jón” – delingen. Tarıh páni muǵalimderiniń negizgi maqsaty – jas urpaqty ulttyq ıgilikter men adamzattyq qundylyqtar men rýhanı-mádenı muralar sabaqtastyǵyn saqtaı otyryp tárbıeleý. Tarıhty oqý degen Qazaqstannyń azamaty ǵasyrlar toǵysynda óziniń arǵy-bergi oı eleginen ótkizip, keshe kim edik, búgin kimbiz? Erteń kim bolamyz degen tóńirekte oılansyn degen sóz. Bul árbir azamat tarıh qoınaýyna oısha tereńdeý arqyly óziniń ata-babalary qaldyrǵan keń baıtaq jerleriniń laıyqty murageri bolýǵa umtylsyn degen sóz. Tarıhı oqıǵalardy jan-jaqty durys túsiný úshin áýeli oılaý, eletetý,odan keıin faktilerdi, oqıǵalardy oısha qorytý arqyly túsinik qalyptastyrǵan jón. Sol tarıhı jaǵdaılardy bilý, tereń túsinýge jaǵdaı jasaý, ıaǵnı oqýshynyń qabiletin damytýdy qalyptastyrý oqýshylardy óz betinshe izdenýge ákelip tireýi kerek. Tarıh pánin oqytý arqyly ultymyzdyń ótken zarly kúnderin, qaıǵysy men muńyn bilgizip, qasiretin sanasymegn túısindirip, búginimen salystyra otyryp, erteńine nyq senimmen qaraıtyn urpaq tárbıeleımiz.

Baımaǵambetov Erlan Rýslanuly

---