InfoHub Logo

Erte, erte, ertede botaly túıe bolypty. Ol óziniń jibek júndi súıkimdi balasyna meıirimdilikti, adaldyqty úıretipti. Móldir kózdi bota óte aqyldy bolyp ósedi.

Bir kúni anasy:

— Botashym, men saǵan jaqsy dostan basqasynyń bárin berdim. Endi týra óziń sıaqty dos tap. Dossyz ómir qıyn, ári qyzyq emes, — deıdi.
Bota ózine uqsaıtyn jalt-jult etken júni bar, jaǵymdy úni bar dos izdep shyǵady.

Jaıylyp júrgen qulyndy kórip:

— Bó - ó - ó, men dos izdep júrmin, — dep bota bozdaıdy.

— Ih - h - hi, kel, ekeýmiz dos bolaıyq, — dep qulyn kisineıdi.

— Joq, sen sıaqty dos emes, — deıdi bota kúlimdep.

— Múmkin buzaý bolar, — dep qulyn botany shyǵaryp salady.

Bota buzaýǵa kelip:

— Bó - ó - ó, men dos izdep júrmin, — dep bota bozdaıdy.

— Mó - ó - ó, kel, ekeýmiz dos bolaıyq — dep buzaý móńireıdi.

— Joq, sen sıaqty dos emes, — deıdi bota.

— Múmkin qozy bolar, — dep buzaý botany shyǵaryp salady.

Bota qozyǵa keledi:

— Bó - ó - ó, men dos izdep júrmin, — dep bozdaıdy.

— Má - á - á, kel, ekeýmiz dos bolaıyq — dep qozy mańyraıdy.

— Joq sen sıaqty dos emes — deıdi bota kúlimdep.

— Múmkin kúshik bolar, — dep qozy botany shyǵaryp salady.

Bota kúshikke kelip:

— Bó - ó - ó, men dos izdep júrmin, — dep bozdaıdy.

— Áýp - áýp, kel, ekeýmiz dos bolaıyq — dep kúshik úredi.

— Joq sen sıaqty dos emes — deıdi bota kúlimdep.

— Múmkin mysyq bolar, — dep kúshik botany shyǵaryp salady.

Bota mysyqqa kelip:

— Bó - ó - ó, men dos izdep júrmin, — dep bozdaıdy.

— Mıaý - mıaý, kel, ekeýmiz dos bolaıyq — dep mysyq mıaýlaıdy.

— Joq, sen sıaqty dos emes — deıdi bota kúlimdep.

— Múmkin átesh bolar, — dep mysyq botany shyǵaryp salady.

Bota áteshke kelip:

— Bó - ó - ó, men dos izdep júrmin, — dep bozdaıdy.

— Ký - ka - re - ký! Kel ekeýmiz dos bolaıyq — dep átesh aıǵaılaıdy.

— Joq, sen sıaqty dos emes — deıdi bota kúlimdep.

— Múmkin qarǵa bolar, — dep átesh botany shyǵaryp salady.

Bota qarǵaǵa kelip:

— Bó - ó - ó, men dos izdep júrmin, — dep bozdaıdy.

— Qa - a - rr, qa - a - rr, ekeýmiz dos bolaıyq — dep qarǵa qarqyldaıdy,

— Joq, sen sıaqty dos emes — deıdi bota kúlimdep.

— Múmkin baqa bolar, — dep qarǵa botany shyǵaryp salady.

Bota baqaǵa kelip:

— Bó - ó - ó, men dos izdep júrmin, — dep bozdaıdy. 

— Baq - baq, kel, ekeýmiz dos bolaıyq — dep baqa baqyldaıdy. 

— Joq, sen sıaqty dos emes — deıdi bota kúlimdep. 

— Múmkin ara bolar, — dep baqa botany shyǵaryp salady.

Bota araǵa kelip:

— Bó - ó - ó, men dos izdep júrmin, — dep bozdaıdy.

—Z - z - z - zz, kel, ekeýmiz dos bolaıyq — dep ara yzyldap qýa jóneledi. Bota aradan zorǵa qashyp qutylady. Basy salbyrap, erni salpıyp bota óz anasyna keledi.

Anasy: — Dos taptyń ba, botam? — dep suraıdy.

— Joq, anashym, senbeseńiz kóktegi kúnnen surańyz. Týra men sıaqty eshkim joq eken, — deıdi.

Anasy jymıyp:

— Óziń sıaqty degenim, adaldyǵyńdy aıtqanym, botashym. Dosty jan tazalyǵymen tańdaý kerek, — deıdi. Bota qýanyp, adal dostary: qulyndy, buzaýdy, qozyny, kúshikti, mysyqty, áteshti, qarǵany, baqany ertip kelipti. Al, arany sabyrsyzdyǵy úshin qospaǵan eken deıdi.

---