InfoHub Logo

Tarıhı oqıǵalardy aqparattyq tehnologıalar júıesimen úıretý

Sońǵy jyldary jańa aqparattyq tehnologıalardy qoldaný týraly jıi sóz bolyp júr. Bul jańa tehnıkalyq quraldar ǵana emes, sonymen qatar oqytýdyń jańa formalary men ádisteri, oqytý úrdisine jańasha qaraý degen sóz. Qazirgi kezde kompúterlik, telekomýnıkasıalyq tehnıka men tehnologıalardyń qoǵam ómirindegi róli qarqyndy túrde artyp keledi. Aqparattyq jáne telekomýnıkasıalyq tehnologıalardy ıgerý qazirgi zamanda oqý jáne jazý qabileti bolýy kerek sıaqty árbir adam úshin qajetti shartqa aınaldy. Bilim berýdiń jáne oqytýdyń aqparattyq tehnologıalary degenimiz – aqparatpen jumys isteýge arnalǵan (aýdıo - vıdeotehnıkany, kompúterdi, telekomýnıkasıalyq jelini) qoldanýǵa negizdelgen pedagogıkalyq tehnologıa.

Qazirgi zaman muǵaliminen tek óz pániniń tereń bilgiri bolýy emes, tarıhı - tanymdyq, pedagogıkalyq - psıhologıalyq saýattylyq jáne aqparattyq saýattylyq talap etiledi. Endeshe kez kelgen muǵalimniń boıynda aqparattyq quzyrettilik qalyptasýy tıis. Aqparattyq quzyrettilik - aqparattyq mýltımedıalyq tehnologıalardy paıdalana otyryp, túrli aqparatpen teorıalyq bilim men tájirıbeni ushtastyra otyryp qoldana alý degen uǵymdy bildiredi.

Aqparatty tehnologıalardy paıdalaný arqyly mekteptegi sabaqtardy jańasha uıymdastyrý, muǵalimniń róli men qyzmetiniń artýyna jaǵdaı jasaý, teorıalyq, ǵylymı – pedagogıkalyq jáne psıhologıalyq zertteýlerge súıene otyryp, oqýshylardyń quzyrettiligin qalyptastyrý, aqparattyq tehnologıalar men ınovasıalyq oqytý ádisteri arqyly oqýshylardy izgilikke, eljandylyqqa, sanalyqqa, adamgershilikke, ımandylyqqa, eńbeksúıgishtikke tárbıeleý. Inovasıalyq ádisterdi balanyń bilim deńgeıine jáne jas ereksheligine qaraı oqý úrdisinde paıdalaný negizgi mindet bolyp tabylady.

«Ustazy jaqsynyń ustamy jaqsy» – degen búgingi táýelsiz memleketimizdiń erteńi biz tárbıelep otyrǵan jas urpaqtyń meńgergen bilimine, alǵan tájirıbesine baılanysty ekenine esh kúmánim joq. Oqýshylardyń tanymdyq kózqarasyn baıytý aqyl - oı qabiletin jetildirý, ózindik oılaý jáne ómirlik ustanymyn qalyptastyrý muǵalimniń sheberligine, shyǵarmashylyq qabiletine baılanysty.

Tarıh sabaqtarynda aqparattyq kommýnıkatıvti tehnologıany kelesi nusqaýlarda qoldanamyn.
• kóp taraǵan túri ol – mýltımedıalyq prezentasıalar.
• Flesh - fılmder.
• Kelesi meniń sabaǵymda qoldanatyn ádis ol – mýltımedıalyq kartalar.
• Sonymen qatar óz pedagogıkalyq is - tájirıbemde oqý - ádistemelik quraldardy da qoldanamyn.
• Berilgen materıaldy teren bekitý maqsatynda sabaqta tester men trenajerlardy paıdalanamyn.
• Krosvordtardy qoldanamyz.
Sondyqtan aqparattyq tehnologıyn qoldaný jáne ashyq baǵalaý júıesin qoldaný muǵalimge oqýshylardyń pánge degen qyzyǵýshylyǵyn joǵarlatýynyń tıimdi joldary:
• oqýshylarmen materıaldy ıgerý úrdisin psıhologıalyq túrde jenildetedi.
• Pánge degen tanymdylyq qyzyǵýshylyǵyn týdyrady.
• Oqýshylardyń kóz qarasyn keneıtedi.
• Sabaq ústinde kórnekilikti qoldaný múmkindigi ósedi.
• Tarıhty oqýǵa jáne úlgerimdi joǵarlatý qyzyǵýshylyǵy týady.
• Teorıalyq materıaldy tolyq ıgerý bolady.
• Aqparatty tabý, ony kompúterlik tehnologıa arqyly óndeý.
• óz kóz qarasyn naqty jáne qysqasha qalyptastyrý daǵdysy.
• Sabaq ústinde oqýshynyń da muǵalimninde eńbek óniminiń joǵarlaýy bolady.
Aqparattyq tehnologıalardy paıdalanýdyń negizgi artyqshylyqtary mynadaı:
1. Olar oqýshylarǵa taqyryp sheńberinde nemese belgili bir ýaqyt aralyǵynda aıtylýǵa tıis málimetter kólemin ulǵaıtady.
2. Bilimge bir - birinen úlken ara qashyqtyqta ornalasqan ár túrli oqý ornynda otyryp qol jetkizýge bolady.
3. Oqytý júıesiniń kóp deńgeıli jetildirý

Inovasıalyq ádisti, oqytýdyń aqparattyq tehnologıalaryn tájirıbede qoldaný barysynda óziniń tejeýshi jaqtary, kemshilikteri, qarama - qaıshylyq jaqtary da kezdesedi.
Keler urpaqqa qoǵam talabyna saı tárbıe men bilim berýde muǵalimderdiń ınovasıalyq is - áreketiniń ǵylymı - pedagogıkalyq negizderin meńgerýi mańyzdy máselelerdiń biri.
Pedagogıka ǵylymynda balany oqytý men tárbıeleýdiń maqsaty – jan - jaqty damyǵan jeke tulǵany qalyptastyrý bolyp tabylǵandyqtan, bul jerde de, jańa tehnologıa boıynsha – oqytý maqsaty bolyp tabylady.

Maqsat - ózdigimen damýǵa umtylǵan jeke tulǵany qalyptastyrý, sondyqtan onyń ózindik tanymdylyq is - áreketi belgili bir dárejede belsendirilýi qajet. Jańa maqsat oqytýdyń ádistemelik júıesiniń qalǵan bólikteriniń ózara baılanystaǵy qalyptarmen ózgerýlerin talap etedi.
Joǵarydaǵy talapty oryndaý úshin tórt usynysty qajet dep sanaımyn:
1. Jańasha ózgergen maqsat oqýshylardyń ózdigimen tanyp, izdený is - áreketiniń ádisterin meńgerýlerin talap etedi. Bul jaǵdaıda birinshi orynǵa oqýshy turady jáne onyń óz betimen bilim alýdaǵy belsendiligine asa nazar aýdarylady.
2. Jańasha oqytýdyń negizgi túrleri bolyp, oqytýdyń derbes jáne toptyq túrleri tabylady. Oqytýdyń bul túrindegi eń bastysy - oqýshyǵa degen senim, onyń óz isine jaýap berý múmkindigine súıene otyryp, óz bedeli men qadir - qasıetin sezimin damytý. Oqytýdyń frontaldy túri, baǵyt berý, talqylaý, túzetý engizýde ǵana paıdalanylady.

Oqytýdy izgilendirý - oqytý quraldaryna degen kózqarasty ózgertýdi talap etedi. Ózgerister boıynsha oqý quralyn oqýshylardyń ózdigimen tanymdyq is - áreketin júrgize alatyndaı quraldar bolý kerek. Osy jerde kompúterlik tehnıkanyń fýnksıonaldyq múmkindikteriniń mol ekendigin eskere ketý kerek, sebebi, kompúterlik tehnıka - oqýshyǵa, ol izdenis jáne zertteý jumystaryn júrgize alatyndaı, oqytýshy orta qurýyna múmkindik beredi. Oqýshynyń ózdigimen jańa taqyrypty meńgerýine qolaıly jáne qyzyqty mazmundalýy qajet.

Barlyq jańa tehnologıanyń maqsaty - pándi oqytýda oqýshynyń jeke basynyń dara jáne derbes erekshelikterin basqaryp, olardyń óz betinshe izdenýin arttyryp, shyǵarmashylyǵyn qalyptastyryp, pánge degen qyzyǵýshylyǵyn arttyrý. Zaman talabyna saı, elektrondy oqýlyq, ınternet, web saıtty qoldanýdaǵy jańa aqparatty tehnologıalardy paıdalaný tarıh páni úshin mańyzy zor.