InfoHub Logo

Qazirgi tańda din salasyndaǵy máseleler úlken mańyzdylyqqa ıe bolýda. Dinı salany retteý álemdik tájirıbede túrli joldarmen júzege asyrylady. Qazaqstan Respýblıkasy táýelsizdik alǵannan keıingi alǵashqy jyldar men búgingi kúnge deıingi dinı birlestikterdiń jalpy statısıkalyq málimetterine taldaý jasalynǵan. Sonymen qatar, eń alǵash 1992 jyly qabyldanǵan «Dinı senim bostandyǵy men dinı birlestikter týraly» zańy óz kúshin joıyp, 2011 jyly 11 qazanda «Dinı qyzmet jáne dinı birlestikter týraly» zańy qabyldanǵan bolatyn. Bul zańnnyń qabyldanyp, óz kúshine enýi eldegi dinı birlestikter qyzmetiniń ahýalynyń birshama ózgergendigin kórsetedi. Jáne de bul zań aıasynda dinı birlestikterdi tirkeý, qaıta tirkeý rásimderi men qyzmetterin retteý negizi bolyp tabylady. Sonymen qatar, zaıyrly memleket retinde, memleket dinı birlestikterdiń ishki isteri men erejeler máselesine aralaspaıtyny jáne de ar-ojdan bostandyǵy úshin jaǵdaılar týdyratyny aıtylyp ótken. Degenmende, memleket dinı birlestikterdiń mazmundyq jáne qoǵamdyq qyzmetin rettep, baqylap otyrady, zańdar men memlekettiń múddelerin saqtaýyn talap etedi.

Qazaqstan Respýblıkasy kópultty jáne kópkonfessıaly memleket bolyp tabylady. Elimizde 18 konfesıany qamtıtyn 3877 dinı birlestik tirkelgen. Olardyń ishinde sany jaǵynan eń kóbi – hanafı mazhabyndaǵy musylman men pravoslav hrıstıandar. Sondaı-aq katolıkter jáne protestanttar konfesıalary, ıýdeıler, býddashylar jáne basqa da dinı qaýymdar bar.

Qazaqstanda túrli konfesıalardyń beıbit qatar ómir súrýi úshin qajetti quqyqtyq jáne uıymdyq jaǵdaılar jasalǵan, konfesıaaralyq qatynastardy úndestirýge baǵyttalǵan biryńǵaı memlekettik saıasat qalyptasty. Qazaqstan Respýblıkasy ózin quqyqtyq, demokratıalyq jáne zaıyrly memleket retinde ornyqtyra otyryp, adamnyń din bostandyǵy quqyǵynyń saqtalýyna únemi kóńil bólip otyrady. Qazaqstan qazirgi tańda kúlli álemge óziniń dinaralyq kelisim men ultaralyq tatýlyqtyń qasıetti ordasy ekenin áıgili etti. Din elimizdegi birliktiń rýhanı tiregi bolyp,halyqtyń yntymaǵy men tynyshtyǵy úshin qyzmet etetin óziniń negizgi mindetin minsiz atqarǵanynyń nátıjesinde Qazaqstan osyndaı bıikterge qol jetkizgeni anyq.

Kóp ult pen ulysty jáne ártúrli konfesıalardy quraǵan zaıyrly memleketimizdiń basty maqsattarynyń biri – halyqtyń rýhanı suranysyna jaýap beretin dinı qundylyqtarǵa kóńil bóle otyryp, osy salada keleli qyzmetter atqarý.

Ál-Farabı atyndaǵy QUÝ www.kaznu.kz  dintaný mamandyǵynyń 4-kýrs stýdenti A. SEITNUR

Aǵa oqytýshy Ý. TÝNGATOVA

---