InfoHub Logo

Taqyryby: «Táýelsiz el tiregi – bilimdi urpaq»
Túri: Tanymdyq saıys
Maqsaty:
Bilimdiligi: Oqýshylardyń tanymdyq qabileti men bilim deńgeılerin tekserý.
Oqýshylarǵa elimizdiń táýelsizdik alǵanyna 22 jyl tolýyna baılanysty Qazaqstan týraly bilimderin keńeıtý.
Tárbıeliligi: Oqýshylardy Otandy súıýge baılyǵymyzdy qorǵaýǵa bolashaqta Otanymyz Qazaqstandy órkendetýge bilimdi adamdar kerek ekenin túsindirý.
Damytýshylyǵy: Týǵan eline, jerine degen súıispenshiligin arttyrý, halyqtyń ádet - ǵurpyn, salt - dástúrin saqtap, ony ári qaraı jalǵastyrýǵa tárbıeleý.
Kórnekilikter: Tirek sózder, slaıdtar, kórnekilikter, oqýshy shyǵarmashylyq - taryt. b.
Ádisi: Suraq – jaýap
Tehnıkalyq quraldar: Interaktıvti taqta, kompúter
Qatynasýshylar: 1 - synyp oqýshylary

Jospary:
İ. Uıymdastyrý bólimi
İİ. Negizgi bólim.
1. Tanystyrý
2.«Báıge»bólimi
3.«Qasıetti jetilik»bólimi
4.«Kim tapqyr?»bólimi
5. Shyǵarmashylyq tapsyrma. «Otanym meniń - Qazaqstan»
6.«Kókpar»bólimi

İİİ. Qorytyndy
Sálemetsizder me ustazdar, oqýshylar!
Búgingi 1 synyptyń oqýshylary arasynda ótkeli otyrǵan «Táýelsiz el tiregi – bilimdi urpaq» atty tanymdyq saıysymyzǵa qosh keldińizder! Aldymen men synyptyń oqýshylarymen suhbat júrgizeıin.
Qymbatty oqýshylar! Sizder 1 - shi synyp oqýshylarynyń arasynan kelip otyrǵan bilimdi, myqty, talapty, oıshyl oqýshylarsyzdar. Synyptan 6 oqýshydan eki topqa bólinip otyrsyzdar.
Sizder toptaryńyzdyń atyn, tós belgisin kezektesip tanystyryp ketińizder. (oqýshylar tanysady.)
İ - Bólim: Tanystyrý
- Oqýshylar: Adam ómiriniń 90% jaqsylyqtan, 10% jaman nárselerden turady eken. Sondyqtan bir – birimizge jaqsylyq tilep, meıirim tóksek bizdiń janymyzdan úsh jaqsy nárse tabylady eken.
«Oı shaqyrý» júrgizý.
Oqýshylar: Bul kúnde bizdiń Respýblıkamyz - óz aldyna táýelsiz memleket.
Elbasy N. Nazarbaev Qazaqstan halqyna arnaǵan «Qazaqstan - 2030» joldaýynda táýelsiz eldiń tiregi – bilimdi urpaq ekenin atap kórsetti.
Sondyqtanda ustazdardyń mindeti elin, jerin súıetin, otanyn qorǵaıtyn, bilimdi, sanaly urpaq tárbıeleý bolsa, shákirtterdiń aldynda jaqsy oqyp, tárbıeli sanaly urpaq bolý mindeti tur.
Sonymen: Bilim degen bıik shyń,
Baqytqa seni jetkizer.
Bilim degen aqylshyń,
Qıyndyqtan ótkizer – dep bilimdi sarapqa salar sátti bastaıyq.
Bizder aldymyzda bilim saıysyna túskeli otyrǵan synyptyń zerek te, bilgir, tapqyr, oıshyl oqýshylary.
Synyptaǵy 12 oqýshy saıystyń júırikteri, al qalǵan oqýshylar jankúıerler men syrt kózdiń qyzmetin atqarýshylar. Sarapshy ustazdarmen tanystyrý.
Aldymen saıystyń erejesin túsindirip jibereıin. 1 - shi suraq oqylady, tyńdap alyp qol kóteresizder, jaýap ornynda otyryp aıtylmaıdy, jetondy kótergen 1 - shi oqýshynyń aty atalady, sol jaýap beredi. Ár suraqtyń jaýaby 1 upaıǵa esepteledi. Dál tolyq jaýap bergen oqýshy qorjynyna altyn juldyzdardy jınaıdy. Iaǵnı 1 upaı – 1 juldyzǵa sanalady. 1 - shi oqýshy bilmese 2 - shi toptyń oqýshysy qol kóterip jaýap beredi. Saıystyń erejesin túsinseńizder, bastaımyz. Bárińizge tabys tileımiz.

İİ. Bólim: «Báıge»
10 suraq top basshylaryna oqylady.
1. Qazaqstan Respýblıkasynyń Táýelsizdigi qashan jarıalandy?(1991. 16. XII)
2. Tuńǵysh ret qazaq tarıhynda kim jáne qashan ushty?
(1991. 2 qazan. Toqtar Áýbákirov)
3. El rámizderin atańyz? (tý, eltańba, ánuran)
4. Júz jasaǵan jyr alyby. (Jambyl)
5. Eltańbanyń negizgi boıaýy qandaı? (Altyn tústes)
6. Qazaq eliniń astanasy? (Astana)
7. Ánurannyń avtorlary kimder?(Ánin jazǵan: Sh. Qaldaıaqov
Sózin jazǵan: N. Nazarbaev J. Nájimedenov)
8. Atyraý oblysynyń ákimi kim? (Bergeı Rysqalıev)
9. Qazaq balalaryna alǵash ret mektep ashqan kim? (Ybyraı Altynsarın)
10. Týdyń avtory? (Sháken Ońlasynuly Nıazbekov) óner qaıratkeri

- «Aıgólek» ánin tamashalaımyz.

İİİ. Bólim: «Qasıetti jetilik»
1. Sezim múshelerin ata? (kóz, muryn, qulaq, teri, til)
2. Zattyń qımylyn bildiretin sózderge qandaı suraq qoıylady?
(ne istedi? ne qyldy? qaıtti?)
3. Kókjıektiń negizgi neshe tusy bar? (ońtústik, soltústik, shyǵys, batys)
4. Ybyraı Altynsarınniń «Kel, balalar, oqylyq» óleńin aıt?
5. Qazaqtyń ulttyq aspaptary? (Dombyra, qobyz, jetigen)
6. Jerdiń qorshap turǵan aýa qabaty? (Atmosfera)
7. N. Á. Nazarbaev qaı jyly tuńǵysh ret elbasy atandy?
(1991 jyly 1jeltoqsan)

Úİ. Bólim: Kim tapqyr?
(qyzyqty saýal, qyzyqty jaýap)
1. Atyraý jeri nesimen baǵaly?(qara altynymen - munaı, qyzyl balyǵymen)
2. Qazaqstan týynda qandaı qus beınelengen? (qyran)
3. Aýylymyzda bıyl qandaı qýanysh bolyp jatyr? (gaz júrgizilýde)
4. Birdeı 4 ydysta 8 kg maı bar, osyndaı 2 ydysqa qansha kg maı sıady. (4kg)
5. Ánurannyń qaıyrmasyn aıtyp ber.
6. Apaı 20 oqýlyqty 5 synypqa teń bólip berdi, ár synyp neshe oqýlyqtan aldy? (4)
7. 6 - nyń jartysy neshege teń? (3)

V. Bólim: Shyǵarmashylyq tapsyrma
«Otanym meniń - Qazaqstan»
«Maqtan tutyp Otanymnyń ótkenin,
Til qaınardan qanyǵýǵa talpynǵan.
Qazaqstan irgeli elge jetkenin,
Kórgim kelip arman – oımen alqynǵan» – deı kele qymbatty oqýshylar endi sizder 3 - 4 sóılemmen turatyn «Otanym meniń – Qazaqstan» taqyrybynda óz oılaryń men arman tilekterińdi aq qaǵazǵa túsire qoıyńdar. Qysqa da nusqa. Aty – jónderińdi jazasyzdar. (Esse jazý) Al bir oqýshy sol taqyrypta sýret salady.
- Bul tapsyrmalar oryndalǵansha bizder oqýshysy Nazerkeniń bıin tamashalaımyz.

Vİ. Bólim: Kókpar
Men sizderge maqal – mátel aıtamyn, sizder maqaldyń qalǵan jalǵasyn tabasyzdar.
1. Oqý – bilim azyǵy,
Bilim – yrys qazyǵy.
2. Aqyl – tozbaıtyn ton
Bilim – taýsylmaıtyn ken.
3. Qyna tasqa bitedi,
Bilim basqa bitedi.
4. Atańnyń balasy bolma,
Adamnyń balasy bol.
5. Júz teńgeń bolǵansha,
Júz dosyń bolsyn.

- 3 «a» synyp oqýshysy Rysgúldiń bıin tamashalaımyz.

- Saralaý, ár toptyń juldyzshalaryn sanaý arqyly upaı sandaryn anyqtaý.
- Osymen zerek, ozyq oıly oqýshylarǵa arnalǵan tapsyrmalarymyz aıaqtaldy.
- Sarapshy ustazdardan shyǵarǵan baǵasyn suraımyz.
Sarapshylar eseptegenshe men jumysty syrt kózben jankúıerlerden suraımyn.
1. Aldyńǵy orynnan qaı top kórine bildi?
2. Qazaqstan qandaı el?
3. Qazaqstannyń tuǵyry bıik bolýy úshin ne isteýimiz qajet?

Sonymen oqýshylar búgingi «Táýelsiz el tiregi – bilimdi urpaq» atty tanymdyq saıysymyz óz máresine jetti.
Erteńgi eldiń tiregi,
Búgingi jas ulandar.
Kúndeı appaq júregi,
Keledi ósip qyrandar – dep men baıqaýǵa qatysýshylardy ortaǵa shaqyramyn.
- Saıyskerlerimiz bizdiń búgingi tanymdyq saıysymyzǵa shashýlaryn alyp kelgen eken, tamashalaıyq.
1. Alǵys hat, marapattaý.
- Talapkerlerge suraq berip, jaýap alý.
Qajý barma tulparǵa,
Talý bar ma suńqarǵa.
Bilim kúshti olarda
Men jastarǵa senemin.
Táýelsiz elimizdiń bilimdi jastary kóbeıe bersin! Bilim berer ustazdarymyz aman bolsyn.!
Ánuran oryndalady