InfoHub Logo

Táýelsizdik – adamzattyń baqyty!
Maqsaty: Balalarǵa táýelsizdik týraly túsindirý. Qazaqstan Respýblıkasynyń basty jetistikterimen tanystyrý, patrıottyq, otanshyldyq sezimin oıatý, elin, jerin, qurmetteýge tárbıeleý.

«Alǵa Qazaqstan» fleshmob
Júrgizýshi: Aınur
Qazaqstan – san ǵasyrlyq tarıhy bar,
Qazaqstan - bul azat el tanysyńdar.
Kók baıraǵy, eltańba, ánurany,
Qazaq eli egemendi, san ulty bar.

Muǵalim: Armysyzdar, qurmetti oqýshylar, ustazdar, ata - analar! Elimizdiń táýelsizdik kúni barshańyzǵa qutty bolsyn!
Táýelsizdik - eń basty qundylyǵymyz. Táýelsizdikke qantógissiz, beıbit túrde qol jetkizgennen keıin ǵana elimizdi álemniń órkenıetti memleketteriniń qataryna qosa aldyq. 25 jyl ishinde táýelsiz Qazaq elin qalyptastyryp, naryqtyń qıyn ótkelderinen aman ótkizip kelemiz. Osy kezeńde Qazaqstandy dúnıe dıdaryndaǵy eń myqty memleketter tanıtyndaı, syılaıtyndaı deńgeıge jetkizgen tuńǵysh Nursultan Nazarbaevtaı kóregen saıasatkerdiń eren eńbegin dál búgin jáne árqashanda aıtyp ótemiz.
Táýelsizdik kúni elimizdiń barlyq azamattary úshin orny erekshe mereke dep bilemiz. Sebebi, osynaý júrekjardy qýanyshqa toly kúndi ata - babalarymyz ǵasyrlar boıy armandap, kútýmen ótti.
Memleketimizdiń ósip - ónip, shyńǵa jetip órkendeýi – bizdiń jetistigimiz, sondyqtan búgingi 2 «a» synybynda «Táýelsizdik – adamzattyń baqyty» atty sharamyzdy ashyq dep jarıalaımyz!

Júrgizýshi: Álıhan
Kúnder ótti keshegi,
Jiger qum bop jasyǵan.
Nesine ony jasyram?
Ánuranymyz búgingi,
Baǵa jetpes asyl án.
Qazaqstan Respýblıkasynyń memlekettik Ánurany oryndalady.

Júrgizýshi: Aınur

Táýelsizdik – bul meniń Parasatym,
Kúnshilmen de til taýyp jarasatyn.
Qorǵaıtyn Eldigińdi erligimen,
Qazaqtyń shyǵaratyn Alash atyn.
Muǵalim:
Barsha qazaqstandyqtar úshin táýelsizdiktiń máni de, mańyzy da aıryqsha. Óıtkeni biz táýelsizdiktiń arqasynda tarıhymyzdy túgeldep, tilimizdi, dinimizdi qaıta oralttyq. Memleketimizdiń ulttyq rámizderi qabyldanyp, ulttyq salt - dástúrimizdi jandandyrdyq.

Erlan:
16 jeltoqsan – táýelsizdik alǵan kún,
Erekshe bop el jadynda qalǵan kún.
Jasaı bersin uly kún úmiti bop elimniń,
Jelbiresin kók týy - naǵyz kórki jerimniń!
Máńgi bolsyn, baıandy bolsyn
25 jyl ǵumyryń!
Qutty bolsyn, myqty bolsyn
Táýelsizdik tuǵyryń!

Gúlnazym
Taǵdyryńdy tamyrsyzdyq indetinen qalqala,
Ár adamda óz anasynan basqa da,
Jebep turar, demep turar arqada
Bolý kerek qudiretti tórt ANA.
Týǵan jeri - túp qazyǵy, aıbyny,
Týǵan tili - satylmaıtyn baılyǵy,
Týǵan dástúr, salt - sanasy, tiregi,
Qadamyna shýaq shashar únemi.

Muǵalim:
1991 jyly 16 jeltoqsanda - Qazaqstan óz Táýelsizdigin jarıalady.
Almaty - Táýelsizdiktiń bastaýy. 1986 jyly jastar ózderiniń demokratıalyq quqyqtaryn qorǵaý úshin alańǵa shyqty. Qazaq eliniń azattyq kóktemi úshin, solaqaı saıasatqa qarsy turǵan, alǵash ret bas kóterip, qurban bolǵan uldarymyz jaıly syr shertpekpiz. Ol oqıǵany eshbir qazaq azamaty umytýǵa tıis emes. Táýelsiz memleket atanýymyzǵa Qaırat Rysqulbekov, Erbol Sypataev, Lázzat Asanova, Sábıra Muhamedjanova sıaqty úlken azamattardyń. Erlikteriniń arqasynda qol jetkizdik. Búgin bir sát osy aty atalǵan azamattardy eske ala otyryp, olardyń erligin, ne úshin alańǵa shyqqandyǵyn kópshilik aldynda aıta ketsek artyq bolmas.

Hor « Jeltoqsan jeli»

Shapaǵat
Dúr silkindi jeltoqsanda qońyr aımaq,
Óıtpese tilim qaıtip qanat jaımaq?
Uran jazyp, qyp - qyzyl tý kóterip,
Jastar shyqty alańǵa «Elimaılap».

Kórinis: «Abaqtydaǵy Qaırat»

Aıda
Alańǵa shyǵyp, oıyn aıtty jastarym,
Qıyndyq pen qaterge tigip bastaryn.
Sodan baryp, tońy eridi keńestiń,
Sodan keıin erkindikti bastadym.
Aınur:
Tas edende jatty qazaq balasy,
Aýyrsa da, qyńq etpedi jarasy,
Jaralanǵan jolbarystaı, yshqynyp,
Aıtyp jatty sońǵy sózin ol ashshy!!!...
Dáýren:
Qaırat atty atym bar
On segizde jasym bar...
Erkek toqty qurbandyq
Atam deseń atyńdar!...

Aınur:
Suranbady, jalynbady tik turdy,
Barlyq jendet qoryqty odan tiksindi,
Tas qorǵanda jalǵyz ózi jatsa da,
Qanysherler aınalada kóp edi....
Bir qazaqqa áli kelmeı, jer bolyp,
Moıyndatpaq, bir ólikti tergeýlik,
Seniń isiń, sen óltirdiń degendi,
Artpaqty olar, óren jasqa kóldeı ǵyp....

Atyraý oblysy, Jylyoı aýdany, Qulsary qalasy,
№19 jalpy orta bilim beretin mekteptiń
bastaýysh synyp muǵalimi Baspaeva Gúlshat Maqsotqyzy