InfoHub Logo

Taqyryby: «Táýelsizdik bizge ońaı kelgen joq!»
Maqsaty: Qazaqstannyń ótkeni men búginin qozǵaı otyryp, elimizdiń táýelsizdikke qol jetkizýiniń ońaı jolmen kelmegenin oqýshylarǵa uǵyndyrý, jas urpaqty otanshyldyqqa, táýelsizdigimizdi qadirleýge, halqyna, ultyna adal qyzmet etýge tárbıeleý.
Kórnekiligi: slaıd, beınerolıkter, plakat, jeltoqsan qaharmandarynyń sýretteri, naqyl sózder

Barysy:
Muǵalim sózi:
Assalaýmaǵalıkým, halqym meniń!
Jaınaǵan júregimde jarqyl ma ediń?!
Tirligiń óz halqyńa jańa tıdi,
Endigi eldigińnen tartynba, elim.
Ushyrmaı kókirekten jyr kepterin,
Óleńsiz asha alam ba syr betterin?
Armysyń, jınalǵan top, úlken, kishi.
Armysyń, aınalaıyn halqym meniń!
Armysyzdar, qurmetti qonaqtar, aıaýly ustazdar, jáne oqýshylar!
16 jeltoqsan táýelsizdik kúnine arnalǵan «Táýelsizdik bizge ońaı kelgen joq!» atty tárbıe saǵatyna qosh keldińizder!

Osy keshti ashyp berý úshin sóz kezegi mektep dırektory B. Ábdijálılv pen dırektordyń tárbıe isi jónindegi orynbasary Q. Dostıarov aǵaılarǵa beriledi.
Hor: QR Ánurany

Tarıh – ol babalardyń erliginiń aıǵaǵy,
Tarıh – ol ulanǵaıyr Otanyńnyń aımaǵy.
Tarıhyńda jatyr, bilseń seniń qaısar erligiń,
Tańbaly tas týǵan jerdiń belgisi bar saıdaǵy.
Tarıh bolyp jazylady týǵan jerdiń dastany,
Sol úshin de naıza ustap yǵystyrdym basqany.
Týǵan eldiń, týǵan jerdiń bolmaǵanda tarıhy,
Shattyq jyrǵa bólenbeıdi qazaǵymnyń aspany.

Búgingi TÁÝELSİZDİK keshegi tarıh betterine qyzyl qanmen jazylyp, aq naızanyń ushymen qorǵalǵan, aq bilektiń kúshimen jetken babalar amanaty!
Azapqa toly bul azattyq bizge ońaı kelgen joq!
«Abylaılap» atoı salyp atqa qonǵan, qasyq qany qalǵansha ultaraqtaı jerin qorǵap ótken babalarymyz, ǵasyrlar boıy azattyq úshin kúresti, elim dep eńiredi, jerim dep kúńirendi, qazaǵym dep qaıǵyrdy, Alash dep ah urdy, janyn pıda etti, aq qar kók muz jastanyp, otan dep ot keshti.
Azattyq qazaq halqynyń ejelgi armany edi, at ústinde ótken kezeńder kóp boldy. Azattyq úshin kúreste aıryqsha qylysh sermedi, talaı qıynshylyqty bastan keshirdi. Biraq, eshqashanda moıymady, kúrese bildi, azattyq tańy týatynyna kámil sendi.
Kórinis. «Tóle bı men Ánet baba»
Avtor: Tóle bı bala kezinde Ánet babaǵa barypty.
Tóle: «Qalaı birlik bolady, onyń kúshi qandaı bolmaq?» deıdi.
Avtor: Ánet baba áýeli jaýap aıtpas buryn, bir býma shybyq aldyryp
Ánet baba: «Balam, mynany syndyryp kórshi» - deıdi.
Avtor: Tóle shybyqty alyp ári - beri ıip, syndyra almaıdy.
Ánet baba: «Endi sol shybyqty birtindep syndyrshy»
Avtor: Tóle ortasy býylǵan shybyqty ońaı syndyra beredi.
Ánet baba: «Budan ne túsindiń balam?» - deıdi.
Tóle: «Birligi, yntymaǵy joqty jaý da, daý da op – ońaı alady», - degenińiz ǵoı
Ánet baba: «Bárekekldi, balam, durys taptyń. El bıleý úshin aldymen eldi aýyzbirlikke, yntymaqqa shaqyra bil».
Án. Atameken – aı (Jasnsaıa men Ulbosynnyń oryndaýynda)
Muǵalim: Qazaq tarıhyndaǵy jońǵar shapqynshylyǵy, ult – azattyq kóterilister, aqtaban shubyryndy, alqakól sulama, stalınshil ákimshil – ámirshil júıeniń ozbyrlyǵy, sonaý 30 - jyldardyń opasyzdyǵy men 41 - diń qyrǵyny, keshegi 86 - nyń yzǵary tarıh betterinde azattyq úshin kúrestiń kýási bolyp qaldy.