InfoHub Logo

SQO, Aqjar aýdany,
№2 Lenıngrad orta mektebiniń
bastaýysh synyp muǵalimi
Baıgojına Asemgýl Serıkbaevna

Bastaýysh synyptarda pánder boıynsha olımpıadasynyń ashylý saltanatynyń senarıi
Fanfary
Egıpet kıimin kıgen 2 qyz shyǵady.
İ egıpet qyzy: Tyńdańyzdar, tyńdańyzdar!
İİ egıpet qyzy: Búgin №2 Lenıngrad orta mektebinde Aqjar aýdanynyń bastaýysh synyptary arasynda pánder olımpıadasy ótkeli jatyr.
İ egıpet qyzy: Jarystan qapy qalyp qoımańyzdar!
İİ egıpet qyzy: Óz bilimderińizdi kórsetýge asyǵyńyzdar!
İ egıpet qyzy: Qaıyrly kún, Qurmetti ustazdar men oqýshylar!
İİ egıpet qyzy: Búgingi bastaýysh synyptar arasynda ótetin aýdandyq pánder olımpıadasyna qosh keldińizder!
İ egıpet qyzy: Jalpy olımpıadalar erteden qalyptasyp, kele jatqan saıys. Alǵashqy saıys Olımp elinde ótken. Bul saıysqa Zevs qudaıdyń bes uly qatysypty. Aǵaıyndylardyń úlkeni Gerakl barlyq saıystarda jeńiske jetip, záıtún japyraǵynan jasalǵan tájimen marapattalypty.
İİ egıpet qyzy: Sol kúnnen bastap Gerakl 5 jylda 1 ret osyndaı saıystar ótetinin jarıalady. Olımpıa elinde ótken jarys qurmetine barlyq sport jáne bilim jarystaryn búgingi kúnde Olımpıada dep ataıdy. Búgingi bizdiń ótkizgeli jatqan Olımpıadanyń maqsaty eń bilimdi, eń úzdik, eń ozat oqýshylardy aıqyndaý.

İ egıpet qyzy: Olımp eliniń elshisi (rım mýzykasy, elshi shyǵady)
Elshi: Búgingi bastaýysh synyptar arasyndaǵy pánder olımpıadasynyń ótilýi qutty bolsyn. Bıylǵy olımpıada erekshe, óıtkeni bastaýysh synyptar olımpıadasy aýdan boıynsha besinshi ret ótilýde. Bul saıysqa aýdan mektepterinen tańdaýly, bilimdi, zerek oqýshylar kelip otyr. Senderdiń bilimderiń bolashaqta mekteptiń, aýdanymyzdyń, elimizdiń kórkeıýine zor úles qosady dep senemin.
Oqý, bilim janǵan shyraq, oılasań,
Úırenersiń, izdep kórseń, qoımasań.
Qý ónerdi, bý belińdi, jiger sal.
Paıda alarsyń, qaýjanarsyń toımasań.
Búgingi olımpıadanyń ashylý saltanatyna bilim eliniń esigin ashatyn kiltin ala keldim. Olımpıada №2 Lenıngrad orta mektebinde ótetin bolǵandyqtan bul kiltti osy mekteptiń dırektory Saıran Qadylqanqyzyna tabys etýge ruqsat etińizder. (fanfary, kilt tabys etiledi)

İİ egıpet qyzy: Aýdandyq bastaýysh synyp oqýshylarynyń pán olımpıadasy ashyq dep jarıalaımyz.
İ egıpet qyzy: Saltanatty jıynymyzdyń alǵashqy quttyqtaý sózin mektep dırektory Erejepova Saıran Qadylqanqyzyna beriledi.
İİ egıpet qyzy: Aýdandyq bilim bóliminiń ádiskeri Bastybaeva Azılá Eginbaıqyzy.
İ egıpet qyzy: Olımpıada qatysýshylaryn quttyqtaý mektep oqýshylaryna beriledi.

1 - oqýshy:
Qaısarly Qazaqstan ulanymyz
Elime laıyq bolý uranymyz.
Shyǵaryp qazaq atyn bar álemge,
Sónbesin árqashanda jyr - ánimiz.
2 - oqýshy:
Baqytty eldiń, ul - qyzymyz
Árkimniń mańdaıdaǵy juldyzymyz.
Elderdi bir - birimen jalǵaıtuǵyn,
Bolashaqtyń erteńgi ulanymyz.
3 - oqýshy:
Baqytty balǵyn balamyz,
Ósedi oı sanamyz.
Bilimniń nárin sýsyndap,
Bıikke samǵap baramyz.
4 - oqýshy:
Balalar, bul – jol basy danalyqqa,
Kelińder túsip, baıqap, qaralyq ta.
Bul jolmen bara jatqan ózińdeı kóp,
Solardy kóre tura qalalyq pa?
5 - oqýshy:
Shyrqaımyz asqaqtata jyr ándi biz,
Qashannan qaısar eldiń ulanymyz.
Erteńge qanat qaǵyp samǵaıtuǵyn,
Qorǵany bolashaqtyń qyranymyz.
6 - oqýshy:
Jarysyp oınap jelmenen,
Bıikke talmaı órlegen.
Baǵyttan taıyp kórmegen,
Qashannan qaısar ulanbyz.
7 - oqýshy:
Kóńilin qıal kernegen,
Ómirin shattyq terbegen.
Erteńge qanat sermegen,
Qashannan qaısar ulanbyz.
Án «Úıretedi»