InfoHub Logo

O.Turmaǵanbetuly atyndaǵy Jańaózen munaı jáne gaz koleji
1KIPıA-16B tobynyń 1 kýrs stýdenti
Tileýqulov Naýryzbek Sısenbaıuly

 

Qazaqstan - táýelsiz el. Táýelsizdik jolynda qazaq babam ne kórmedi deseńizshi?! Elimizdiń basynan azap ta, ashtyq ta, sum soǵysta ótti. Ásirese, XX ǵasyr Qazaq halqy úshin aýyr tıip, qaıǵyǵa toly kezeńmen este qaldy. Qansha qıynshylyq basymyzdan ótsede, biz olardy eshqashan umytpaımyz. Sebebi, bul tarıh «ótkenimizdi umytsaq, bolashaq bizdi keshirmeıdi» degen danalyq sóz bar.

«Eldiń uly bolsań, elińe janyń ashysa,azattyq namysyń bolsa, qazaqtyń ulttyq jalǵyz memleketiniń nyǵaıyp-kórkeıýi jolynda jan terińdi syǵyp júrip eńbek et. Jerdiń de, eldiń de ıesi óziń ekenińdi umytpa» (N.Nazarbaev) 1991 jyly KSRO ydyrap, Qazaqstan óz aldyna jeke táýelsiz memleket bolyp jarıalandy. «Táýelsiz Qazaqstan», «Qazaqstan Respýblıkasy». Netken keremet, kıeli uǵymdar! Bul sózderden Otanymyzdyń táýelsiz, erkin memleket ekenin birden bilýge bolady.  

Elimniń erteńinen, bolashaǵynan qoryqpaımyn, kerisinshe qýanamyn, óıtkeni keleshegim nurly bolmaq. Oǵan sebep, búgingi «arystandaı», «jolbarystaı», «qyrandaı» kúshti jas urpaqtyń, bizdiń búgingi ádemi ádetimiz, utymdy umtylysymyz. Men Qazaq bolyp týylǵanyma, osyndaı baı, baıtaq ólkede ómir súrip jatqanyma baqyttymyn. Óıtkeni, men Táýelsizbin, táýelsiz eldiń urpaǵymyn. Bilektiń kúshimen, naızanyń ushymen, sońǵy demi qalǵansha týǵan jerimizdi qorǵap, bizge amanat etip qaldyrǵan uly dalanyń, uly kemeńgerleriniń arqasynda baqytty ómir keshýdemiz.

Paı! Paı! Paı!
Kıeli netken jer!
Batyrlar dúrildep ótken jer
Tulparlar dúbirlep tepken jer-dep: qazaqtyń aqıyq aqyny M.Maqataev jyrlaǵandaı, bul ólke neni kórmedi deseńizshi?! Ǵasyr aǵynymen qandy shaıqastyda, qoı ústinde boztarǵaı jumyrtqalaǵan beıbit ómirdi de, ózge memleketterdiń ústemdik etip, bılik júrgizýin de, bir-birin jeýge deıin barǵan ashtyq zamandy da, tabıǵattyń dúleı kúshinde, bárin-bárin kórdi, keleshek urpaqqa jetý úshin tasqa qashap bárin máńgi óshpesteı saqtap jazdy.

Táýelsizdik jolyndaǵy kúresterdiń biri, 1986 jyly bolǵan Jeltoqsan kóterilisi. Qazaq jastary bılik basshylarynyń sheshimine kelispeı, narazylyq bildirdi. Qazaqstandaǵy bılikti qazaq basqarýy kerek dep Keńestik bılikke ashyq qarsy shyqty. Alańdy óz qandarymen jýǵan jandardyń janqıarlyq erligi arqasynda, jaýjúrek batyrlardyń urpaǵy ekenimizdi dáleldep, bodandyqtan arylyp, bostandyqta ómir súrip júrmiz. Táýelsizdik týynyń jelbiregenine de mine 25 jyl tolady. Elbasymyz N.Á.Nazarbaevta Qazaqstannyń 25 jylda bıik tuǵyrǵa kóterilýine eleýli úles qosty. Eren eńbegimen Qazaqstannyń ár azamatynyń júreginen oryn alǵan osyndaı kóshbasshymyzdyń bolǵanyna da maqtanamyn. Men táýelsiz eldiń urpaǵymyn. N.Á.Nazarbaev: «aldymyzda asý-asý belder bar, ult jolynda uıytqı soqqan jelder bar. Belde talar, jelde bette qaǵar. Bárine de tózý kerek, bárine de kóný kerek, jas urpaq»-dep aıtqandaı, bizder táýelsizdiktiń baıandy bolýy úshin jaýapty ekenimizdi, aǵa urpaq zor senim artyp otyrǵanyn túsinýimiz kerek. Búgin partada otyrǵan urpaq-erteńgi azamat, el patrıoty. Sol azamattyń birinshi mindeti-óziniń táýelsiz eldiń órkeni ekenin umytpaýy, ekinshi mindeti-sol eldi, irge tasynyń berik bolýyna úles qosý, táýelsiz eldiń patrıoty ekenin dáleldeýi.  Ózim táýelsizdikten keıin týylǵan jastardyń arasynda bolsam da, bul Egemendiktiń qandaı jolmen kelgenin bilemin. Halqymyzdyń bostandyqty ańsap, Táýelsizdikke zaryǵa jetti. Táýelsizdik jolynda elimiz az qıyndyq kórgen joq. Táýelsizdik ata-babamyzdyń ejelden kele jatqan armany edi.               

«Arystandaı aıbatty,
Jolbarystaı qaıratty,
Qyrandaı kúshti qanaty,
Men jastarǵa senemin!»dep órshil aqyn Maǵjan Jumabaev bolashaqqa, jastarǵa úlken senim artty emes pe? Aqynnyń óleńinde keltirilgen kórkem sózderine laıyq bolatynymyzǵa senemin. Táýelsizdik jarıalanǵannan beri, elimiz kóptegen eleýli tabystarǵa jetti. Búgingi beıbitte, shýaqty kúnderdi baǵalaı otyryp, jańa bıikterge umtylý - jastardyń mańyzdy baǵyty bolýy tıis. Táýelsizdik – bul búgingi ómir ǵana emes, sonymen qatar erteńgi ómirimiz. Táýelsiz bolý – óz taǵdyryna jaýap berý degen sóz. Táýelsizdik - arman! Jer betinde qansha ult bolsa, sonsha arman bar. Sol armanǵa bizdiń qazaq halqy jetti.         

---