InfoHub Logo

Qaraǵandyda QR Bilim jáne ǵylym mınıstri Erlan Saǵadıevtiń qatysýymen RoboLand halyqaralyq robottehnıka festıvali ótti.

Qaraǵandy oblystyq ákimdiginiń baspasóz qyzmeti habarlaǵandaı, qatysýshylar 24 nomınasıa boıynsha baq synasqan. Festıválǵa 800 baladan quralǵan 400 komanda qatysty. Baǵdarlamada labırıntter, mehanıkalyq jáne ıntellektýaldyq sýmo jarysy, kegelrıng jáne robottarǵa arnalǵan fýtbol, 3-D-prototıpteý, kvadrokopterlardy basqarý jáne t.b. boldy.

Qazylar alqasyna WRO halyqaralyq synybynyń sýdıasy, Sankt-Peterbýrg aqparattyq tehnologıalar, mehanıka jáne optıka ulttyq zertteý ýnıversıtetiniń muǵalimi Aleksandr Kapıtonov basshylyq etti.

«Festıváldiń ashylýyna bilim jáne ǵylym mınıstri Erlan Saǵadıev keldi. Vedomstvo basshysy Qaraǵandy oblysyndaǵy robottehnıkasy deńgeıiniń jaqsy damyǵanyn atap ótti. Onyń aıtýynsha, bolashaqta bul sala mektep baǵdarlamasyna engizilip, mindetti pánderdiń birine aınalýy múmkin. Mınıstrlikte qazir bul másele zerttelýde», - dep atap ótti ákimdiktiń baspasóz qyzmeti.

Mınıstr atap ótkendeı, mektepterge robot tehnıkasyn engizý - negizgi mindetterdiń biri. «Biz álemniń basqa elderinen qalyp ketpeý kerekpiz. 2016 jyly jergilikti búdjettiń qarjylandyrýy men demeýshilik qoldaýdyń arqasynda 400 synyptyq-keshendik robot tehnıkasyn satyp aldyq. 20 myń bala qosymsha sabaq aldy. Bıyl oqýshylar sanyn eki ese arttyrýdy josparlap otyrmyz», - dep keltiredi Erlan Saǵadıevtiń sózin baspasóz qyzmeti.

Qaraǵandylyqtar festıválǵa arnap elimizdiń kartasy keskininde RoboLand Qazaqstan biregeı polıgonyn jasady. Polıgondy jasaýǵa jarty jyl ýaqyt ketken. İs-sharanyń basty maqsaty - robottehnıkasyna degen qyzyǵýshylyqty arttyrý. 

---