InfoHub Logo

Almaty oblysy, Panfılov aýdany

"Kishishyǵan orta mektebi mektepke deıingi shaǵyn ortalyǵymen" komýnaldyq memlekettik mekemesi

2 "A" synyp oqýshysy: Sovetqazy Dına

Jetekshisi: Jylqybaeva Gúlnaz Omarbekqyzy

 

Óser eldiń qaı sátte de birlik bolmaq qalaýy,

Laýla, laýla jeltoqsannyń muzǵa jaqqan alaýy,

Ózderińdeı ór namysty jas órkeni bar eldiń,

Eshqashanda eńkeıýge tıisti emes jalaýy!-

dep aqyn jyrlaǵandaı, jeltoqsannyń muzǵa jaqqan alaýy,1991 jyly 16 jeltoqsanda táýelsizdik  tańyn týdyrdy. Bul kúndi tarıhı bir sát desek te bolady. Qazaqstan tarıhynda bul kún eshqashan umytylmaıtyn, baqytty baǵasymen halqymyzdyń esinde máǵgilik qalary anyq.

Táýelsizdik - halyqtyń úni, ulttyń tilimen dini. Táýelsizdik - halyqtyń toıy, eldiń toıy.

Elimiz qalaı bolǵanda da san ǵasyrlyq qıyn qystaý joldan, tar jol taıǵaq keshýden ótip, táýelsiz elder qaýymdastyǵyna qosyldy. Otanymyz, Qazaqstan, týraly aıtarymyz da, maqtanarymyz da kóp.                            

Táýelsizdik – eń aldymen Qazaq halqynyń bostandyqqa umtylǵan asqaq armandary men qaısar rýhynyń jemisi. Sondyqtan da biz úshin Táýelsizdik kúni - eń qasterli kún. Elimiz táýelsizdigin jarıalap, derbes memleket retinde álemge tanyldy. Elbasynyń «Qazaqstannyń táýelsizdigi qazaqtarǵa tartqan taǵdyrdyń syıy emes, óziniń ejelgi jerinde qıly kezeńdi bastan keshý arqyly qol jetken óz memlekettiligin qurýǵa degen zańdy, bul daýsyz faktige eshkim kúmán keltirmeýi tıis»,- dep atap kórsetýine úlken maǵyna jatyr.

Óz basym memleketimizdiń táýelsizdigi – halqymyzdyń baqyty. Alǵashqy jyldarda basym maqsattardyń egemendikti nyǵaıtý, ulttyq qaýipsizdikti qamtamasyz etý. Sondyqtan búgingi kúni halqymyz  ótkennen qalǵan tarıhı ónegeni, otansúıgishtikti, ultyna degen mahabbatty joǵaltpaı, ári qaraı  jastardyń patrıottyq sezimine engizýge erekshe kóńil bólý kerek.

Táýelsizdik - ulttyq tildiń, dástúrdiń, salt-sananyń myzǵymas tiregi, kúshi, altyn dińgegi, halyqtyń baq juldyzy. Táýelsizdik - arman! Jer betinde qansha ult bolsa, sonsha arman bar. Sol armanǵa bizdiń qazaq halqy jetti.

«Qaz turyp, qadam basqan táýelsizdik sábılik tusaýyn ómirmen ýaqytqa kestirgen  kezden bastap, osynaý jıyrma tórt jyldyń bederinde  aıshylyq jerdi alty ret attaǵan alyp sekildi, dáýir jalynyn myǵym ustap, tizginin bekem qaǵa bildi»-dep, elbasymyz N.Á.Nazarbaev aıtqandaı egemen Qazaqstandy búkil álem tanydy.

---