Túrkıada shyǵatyn jýrnal bir sanyn Oljas Súleımenovke arnady
Túrkıadaǵy Eýrazıa Jazýshylar qaýymdastyǵynyń aı saıyn shyǵaratyn «Kardesh Kalemler» atty kórkem ádebı jýrnalynyń bıylǵy jyldyń 3-shi sany qazaqtyń kórnekti aqyny, qoǵam qaıratkeri Oljas Súleımenovke arnaldy. Bul týraly TÚRKSOI uıymynyń baspasóz qyzmeti habarlady.
Jýrnalǵa aqynnyń óleńderi men suhbattary, Elbasy N.Nazarbaevtyń, Qazaqstannyń Túrkıadaǵy elshisi J.Túımebaevtyń, Halyqaralyq TÚRKSOI uıymynyń Bas hatshysy D.Qaseıinovtyń, Eýrazıa Jazýshylar qaýymdastyǵynyń tóraǵasy Ia.Omaroǵlynyń jáne taǵy basqa túrik ǵalymdarynyń maqalalary endi.
Materıaldardy jınaqtap, túrik tiline aýdarǵan Qazaqstannyń TÚRKSOI-daǵy ókili, aýdarmashy-jazýshy Málik Otarbaev. Aqynnyń óleńderin túrik tiline tárjimalaǵan belgili ázerbaıjan aqyny Mámet Ysmaıyl.
Budan buryn «Kardesh Kalemler» jýrnaly qazaqtyń aqtańger aqyny Súıinbaı Aronulyna, aqyn Qasym Amanjolovqa, jazýshy Berdibek Soqpaqbaevqa, jazýshy Sherhan Murtazaǵa birneshe sanyn arnaǵan bolatyn.
You Might Also Like
-
Microsoft kompanıasy tańǵaldyra alatynyn kezekti ret dáleldedi. Kompanıa jasap shyǵarǵan úshólshemdi sýretterdi naqty ýaqyt tártiptemesinde tasymaldaý tehnologıasy fantasıqalyq ónertabys bolyp tabylady.
