InfoHub Logo

Táýelsizdik... Osynaý tarıhqa tunǵan uly sózdi estigende «Men qazaqpyn» degen árbir jannyń júreginde úlken sezim ornaıdy. Sebebi, sonaý almaǵaıyp kezeńderde qazaq halqy úshin qymbatqa túsken, ǵasyrlar boıy ata-babalarymyzdyń ańsaǵan armany bolǵan osy táýelsizdik edi. Biz bul kezeńdi kórmesek te, qazaqtyń tańǵajaıyp tarıhyn, derekterin oqý arqyly bilemiz. Bul qol jetpes baqytqa jetý jolynda Alash ardaqtylarynyń basyn báıgege tikkeni, ásirese 1986 jyly bolǵan Jeltoqsan oqıǵasyna qatysqan qaısar aǵa-apalarymyzdyń umytylmas erlikteri kóz aldymyzǵa elesteıdi.

Qazaqsatan – táýelsiz el. Sol táýelsizdik jolynda qazaq babam ne kórmedi deseńizshi?! Elimizdiń basynan azap ta, ashtyq ta, sum soǵysta ótti. Ásirese, XX ǵasyr qazaq halqy úshin  aýyr tıip, qaıǵyǵa toly kezeńimen este qalady.

«Ótkenimizdi umytsaq, bolashaq bizdi keshirmeıdi» degen uly danalyq sóz bar emes pe? Osy danalyqtyń árdaıym jadymyzda saqtalǵanyn qalaımyn.

Táýelsizdik – ulttyń, tildiń, dástúrdiń, salt-sananyń myzǵymas tiregi,kúshi,altyn dińgegi,halyqtyń baq juldyzy. Táýelsizdik – arman!Jer betinde qansha ult bolsa,sonsha arman bar.Sol armanǵa bizdiń qazaq halqy jetti.

1991 jyly – elimizdiń Qazaqstan degen atpen búkil álemge alǵash qadam basqan jyly.Sol sátten beri mine 28 jyl da óte shykty. Qazirgi Qazaqstan álem sahnasynda maqtanarlyqtaı bedelge ıe. Jas memleketimiz osyndaı az ǵana ýaqyttyń ishinde kóptegen iri ekonomıkalyq ,saıası jáne áleýmettik jetistikterge qol jetkizdi. Qazirgi tańda Qazaqstan jas memleket bola tura, kóptegen elderden áldeqaıda alda  Búgingi Qazaqstan – tek ózi ornalasqan aımaqta ǵana emes, búkilálemdik problemalardy talqylaýda jáne sheshýde yqpaldy ról atqaratyn el. Qazaqstan úshin, qazaq halqy úshin táýelsizdik aspannan túsken syı emes edi. Halqymyz bostandyqty ańsap, Táýelsizdikke  zaryǵyp jetti. Táýelsizdik degen uly jeńiske qol jetkizýde áli de jańǵyryp turǵan keshegi Jeltoqsannyń da septigi az bolǵan joq – stýdent jastardyń kóshege shyǵyp úndeýi jáne egemendik úshin zardap shegýge daıyn ekendigin kórsete bilýi barsha halyqqa senim men jiger bergen bolatyn.

Qazirgi tańda Táýelsizdik – barlyǵymyz úshin erekshe qasıetti kún. Birliktiń, yntymaqtastyq pen tatýlyqtyń kúni. Memleketimizdiń táýelsizdigi – eń aldymen halqymyzdyń baqyty. Alǵashqy jyldarda basym maqsattardyń qatarynda egemendikti nyǵaıtý, ulttyq qaýipsizdikti qamtamasyz etý, ekonomıkadaǵy qıynshylyqtarǵa jaýap berý bolǵan edi. Sondyqtan búgingi kúni halqymyz ótkennen qalǵan tarıhı ónegeni, otansúıgishtikti, ultyna degen mahabbatty joǵaltpaı, ári qaraı jastardyń patrıottyq sezimine engizýge erekshe kóńil bólýi kerek dep oılaımyn. Táýelsizdigimizdi jarıalaǵannan bergi mezgil ishinde kóptegen eleýli tabystarǵa qol jetkizdik. Elimizdiń tynyshtyǵy men qaýipsizdigi, kóp ultty Qazaqstan halqynyń jarastyǵy men yntymaqtastyǵy Prezıdentimizdiń júrgizip otyrǵan parasatty kóregen saıasatynyń nátıjesi.

Qazaqstan – qazaq halqynyń ata-baba mekeni, ejelgi qonysy. Elimiz ólsheýsiz tabıǵat baılyǵymen ǵana emes,eń aldymen san túrli ulttardan quralǵan halqymen erekshe ekenin umytpaǵan abzal. Búgingi beıbit te shýaqty kúnderdi baǵalaı otyryp, jańa bıikterde umtylý – bizdiń býynnyń baǵyty bolýy tıis.

---