InfoHub Logo

Shymkent agrarlyq kolejiniń
TK9-162 tobynyń stýdenti: Bagajova Naılá
Jetekshisi: Orazymbetov Ǵanı

 

Mine, kózdi ashyp jumǵansha, osy jyly Qazaq halqy táýelsizdiktiń 25 jyldyǵyn toılaıdy. Táýlsizdikke jetý ońaı jolmen kelgen joq, ol bárimizge málim. Bul qazaq halqynyń arman-murattarynyń oryndalýy. Táýelsiz memleketke aınalý, bizge úlken kúsh berdi. Bizdiń óz erkimizben alǵa umtylýǵa, memleket bolyp órkendeýimizge jol ashyldy. Halqymyz qazaq bolyp, ult bolyp qalyptasýy jolynda da, odan keıingi kezeńderde de talaı qıamet-qaıym kúnderdi de, talaı qıly zamandardy, keskilesken shapqynshylyqtardy da bastan ótkerdi. Bilektiń kúshimen, naızanyń ushymen sońǵy demi qalǵansha týǵan jerimizdi qorǵap, bizge amanat etip qaldyrǵan uly dalanyń kemeńgerleriniń arqasynda baqytty ómir súrýdemiz.

«Táýelsiz Qazaqstan», «Qazaqstan Respýblıkasy». Netken keremet, kıeli uǵymdar. Bul uǵymdardan, otanymyzdyń táýelsiz, erkin memleket ekenin birden ańǵarýǵa bolady. Búgin biz qanatyn keńge jaıǵan, kók týymyz jelbirep, sol jaǵymyzdaǵy maqtanysh sezimmen dúrsildep turǵan júrek ánuranymyzǵa áýen qosyp, ánuranymyz asqaqtaı shyrqalýda. Eldik týymyz tigilgen úlken úıimiz altyn shańyraǵymyz da osynda. Jarastyǵymyzdyń da, jaqsylyǵymyzdyń da, tynyshtyǵymyzdyń da qıasy, mahabbatymyzdyń da uıasy-Qazaqstan.

Talaı-talaı qas batyrlar janyn qıyp, talaı arýlar mahabbat qurbany bolǵan talaı ózegi órtengen ókinishti jandar men qýanyshtan júregi jaryla shantanǵan pendelerdiń kýágeri bolǵan qasıetti Otanymyz Qazaqstan.

Qazaqstan táýelsiz el. Sol táýelsizdik jolynda qazaq babam ne kórmedi deseńizshi. Elimizdiń basynan azap ta, ashtyq ta, sumdyq soǵys ta ótti. Ásirese HH ǵasyr qazaq halqy úshin aýyr tıip, qaıǵyǵa toly kezeńmen este saqtaldy. Sonaý el basyna túsken náýbet jyldary tarydaı shashyrap ketkenderdiń elge oralǵan sáttegi týǵan jerdi, ata-babalarynyń kindik qany tamǵan topyraqty qusharlana súıgen sáttegi beınelerin kórgende qalaı tolqymassyń?!

Elimizdiń bolashaǵy jastardyń qolynda.

«Arystandaı aıbatty,

Jolbarystaı qaıratty

Qyrandaı kúshti qanatty

Men jastarǵa senemin!» -dep órshil aqyn Maǵjan Jumabaev bolashaqqa, jastarǵa úlken senim artty emespe? Aqynnyń  óleńde keltirgen kórkem sózderine laıyq bolatynymyzǵa senemin! Elimniǵń erteńinen, bolashaǵynan júregim qoryqpaıdy, kerisinshe qýanady, endeshe keleshegim nurly bolmaq. Oǵan negiz-búgingi «arystandaı», «jolbarystaı», «qyrandaı» kúshti jas urpaqtardyń  bizdiń búgingi ádemi áreketterimiz, utymdy umtylystarymyz. Men Qazaqstar Respýblıkasynyń azamatshasy ekenimdi maqtan tutamyn. Elimiz táýelsizdik alǵan 25 jyl ishinde kóptegen jetistikterge jetip, elimizdiń áleýmettik, ekonomıkalyq jaǵdaıy kúnnen kúnge jaqsarýda. Osynyń barlyǵy Elbasymyz Nursultan Ábishuly Nazarbaevtiń iskerliginiń, kóregendiginiń arqasy dep oılaımyn. Osyndaı elde turyp, bilim alyp, nege elimdi ánge qosyp jyrlamasqa:

Qazaqstan arqa súıer tiregimdeı,
Qushaǵy, kóńili ystyq kún elindeı
Kóginde án qalqyǵan, kúı shalqyǵan
Shyrqatqan aqyn janyn óz elinde.

Qyzǵaldaq qazdar qandaı jyr júregi,
Jalt etken janarynan kún kúledi.
Peıili keń daladaı adamdary,
Qaraıdy baýyrynda maǵan bári.

Tasyp jatqan ózender jaǵasynan,
Sary belder saǵymdar arasynan
Taraıdy nuryn shashyp bar álemge
Qazaqtyń qasıetti dalasyndaı.

---