InfoHub Logo

Synyp: 4
Taqyryby: TAZA BOLSA TABIǴAT, AMAN BOLAR ADAMZAT
Maqsaty: oqýshylardyń «tabıǵat», «densaýlyq» qundylyqtary jáne «tabıǵatqa qamqorlyq» adamı qasıetteri týraly túsinikterin keńeıtý.
Mindetteri:
- Tabıǵat pen adamnyń úılesimdiligi týraly túsinikterin qalyptastyrý;
- Densaýlyǵyn kútý iskerlikterin damytý;
- Tabıǵatty, halqyn súıýge, densaýlyǵyn saqtaýǵa tárbıeleý.
Kórneki quraldar: slaıd, plakat.
Shattyq sheńberi.
Muǵalimmen birge sheńberge turyp, «Bizdiń aýyl» ánin shyrqaıdy
Áńgimelesý.
Balalar tabıǵat degenimiz ne?
Balalar, durys aıtasyńdar, tabıǵat degenimiz bul – aǵash, sý, ańdar jáne ósimdikter. Adam – tabıǵattyń bir bólshegi.
- Jasyl el týraly estigenderiń bar ma?
- Jasyl el tobyn qurǵan adamdar nemen aınalysady?
- Olardyń atqarǵan is - sharalary qandaı maqsatpen jasalýda dep oılaısyńdar?

Tabıǵattyń tazalyǵyna, gúldenýine, ony qamqorlyqqa alyp, aıalaýǵa, saqtaýǵa adam jaýapty. Adam men tabıǵat úndistikte ómir súredi. Al jas tabıǵat qamqorshylary jınalǵan top «Jasyl el» dep atalady. "Jasyl el" jastar eńbek jasaqtary 2005 jyly Elbasy N. Á. Nazarbaevtyń Qazaqstan halqyna arnaǵan dástúrli Joldaýy negizinde qurylǵan kóshbasshy jastar uıymy. "Jasyl el" memlekettik baǵdarlamasyn júzege asyrý baǵytynda atalmysh Joldaý negizinde 2005 jyly 18 aqpanda «Jasyl el» jastar eńbek jasaqtarynyń Respýblıkalyq shtaby óz jumysyn bastady. Shtabtyń negizgi maqsaty - jastardyń kómegimen elimizdi kógaldandyrý, abattandyrý, sol arqyly stýdentter men jumyssyz jastardy eńbekpen qamtyp, jas urpaq arasynda patrıottyq jáne ekologıalyq tárbıeni nasıhattaý.

Bizder «Taza bolsa tabıǵat, aman bolar adamzat» degen uranmen adam jany saý bolyp, salaýatty ómir súrý úshin jumystar júrgizemiz. Búgin biz «Jasyl el» toby bolyp, jasyl tústi emblemalardy taǵyp, tabıǵatqa qamqorlyǵymyzdy kórsetemiz. Jasyl emblema – bizdiń tabıǵatqa degen jaýapkershiligimizdi bildiredi. Óıtkeni, tabıǵat tazalyǵy – adam densaýlyǵynyń kepili. Al endi biz myna slaıdqa nazarlaryn aýdaryp, «Tabıǵat» taqyryby boıynsha áńgime qurastyramyz.

Shyǵarmashylyq jumys.
«Jasyl el» taqyryby boıynsha áńgime qurastyrý.
Tynyshtyq sáti.
Muǵalim áýen qosyp, balalarmen tynyshtyq sátin ótkizedi.
Jańa aqparat.
Tabıǵat tazalyǵy – adam densaýlyǵynyń kepili. Alýan tústi gúlder alqaby, saıraǵan qustar, bulaq syldyry, bıik taýlar, jarqyraǵan kún, taza aýa adamdarǵa saýlyq pen qýanysh syılaıdy.
Mátinmen jumys.
«Tabıǵatpen tildessem». M. Aıaǵanova.
- «Tabıǵattan eshqashan qasha almaısyń,
Áýel basta egiz bop jaralǵansyń» degen óleń joldarynan neni túsinesińder?
- «Ol aýyrsa seniń de aýyrǵanyń,
Ol saýyqsa, seniń de saýyqqanyń» degendi qalaı túsinesińder?
- «Tabıǵattyń qabaǵy qashan da ashyq,
Sezbese eger adamnan qaýip baryn» degen óleń joldaryna kózqarastaryń qandaı?
Oıyn. «Jaý – jaý jańbyr» Balalar muǵalimge ilesip, jańbyr jaýǵandaǵydaı qımyldar jasaıdy (saýsaqtaryn jaıyp sermeıdi, alaqandaryn ysqylaıdy, saýsaqtaryn syrtyldatady, alaqan soǵady, aıaqtarymen jer tepkileıdi).
Dáıeksóz.
«Tabıǵatqa tazalyqty tartý et». R. Sátimbekov.

Adam dúnıege kelgennen bastap tabıǵatpen birge. Tabıǵattaǵy tirshilikti úırenip, ósip jetiledi. Qorshaǵan ortany taza ustap, tabıǵatqa qamqorlyq kórsetý arqyly adamzat balasynyń ómiri de, álem de damı túsedi.

Tapsyrma.
Jumbaqtardyń sheshýin taýyp, adamnyń tabıǵatpen úılesimdiligi týraly aıtyp berý.

Kollaj jasaý.
Taqyryby: «TAZA BOLSA TABIǴAT, AMAN BOLAR ADAMZAT»

Qorytyndy.
Refleksıa
Sabaqtan ne túsindik?
Ne unady?
Sabaqtan qandaı áser aldyńdar?

Júrekten júrekke.
Tilek aǵashyna óz tilekterińdi japyraqtarǵa jazyp, jabystyramyz.
Balalar tabıǵatqa óz tilekterin bildiredi:
- Aǵashtar óse bersin.
- Tabıǵat jasyl bolsyn.
- Tabıǵatta qoqys az bolsyn
- Tabıǵat ádemi bolsyn
- Aýa taza bolsyn
- Tabıǵatymyz gúldene bersin
- Kúnniń kózi jaryq bolsyn
- Gúlimiz jaqsy óssin
- Sýymyz móldir bolsyń