InfoHub Logo

Taqyryby: Aspanǵa saıahat
Maqsaty: Balalardyń jyl boıǵy bilimderin qorytyndylaı otyryp, sandar, geometrıalyq pishinder jaıly, ertegiler, ertegi keıipkerleri týraly bilimderin qorytyndylaý. Logıkalyq oılaý qabiletin, aqyl – oı belsendiligin arttyrý, berilgen tapsyrmany ózdiginen oryndaýǵa, óz oıyn erkin aıta bilýge tárbıeleý.
Kórnekilikter: Geometrıalyq pishinder, ertegi keıipkerleriniń sýretteri, aıyrmashylyǵyn tabýǵa arnalǵan kún men túnniń sýreti.

İ. Motıvasıalyq – qozǵaýshy:
Shattyq sheńber:
Tabıǵatym tamasha,
Kóz toımaıdy qarasa.
Júreıikshi jarasa.
Sálem saǵan Jer – Ana!
Sálem saǵan nurly kún!
Aman – esen bolaıyq,
Beıbitshilik qalaıyq.

İİ. Uıymdastyrý - izdenýshilik:
Tárbıeshi: Balalar, aspan álemi senderdi qonaqqa shaqyrady. Búgin aıdyń týǵan kúni eken. Aıǵa nemen baramyz?
- Zymyranmen.
Dıdaktıkalyq oıyn: «Geometrıalyq pishinderden qurastyr».
Geometrıalyq pishinderden zymyrandy qurastyrady.
Tárbıeshi: Zymyranǵa otyraıyq, tez arada aıǵa ushyp baraıyq. (zymyrannyń ushqan daýysy shyǵady.)
Aspanǵa saıahat.(kózderin jumyp, ushyp, aspan álemine keledi)
Aspan áleminde balalardy Aı qarsy alady:
Aı: Aspan álemine qosh keldińder, balalar!
Tárbıeshi: Aspan áleminde neler bolady?
Balalar: Juldyz, kún, bult, aı.
Tárbıeshi: Aı, týǵan kúniń qutty bolsyn. Al, juldyzdar qaıda ketken?
Aı: Rahmet balalar, búgin meniń týǵan kúnim. Meniń dostarym juldyzdar senderden qorqyp, jasyrynyp qaldy. Ol úshin oıyn oınap, tapsyrmalardy oryndasańdar juldyzdar qaıta shyǵady.

1 - tapsyrma.
Dıdaktıkalyq oıyn: «Jubyn tap»
Erteginiń keıipkerlerin taýyp, qaı ertegi ekenin ataıdy.

2 - tapsyrma.
Sanamaq:
Bir degenim - baspaq,
Buzaýy júr bastap.
Eki degenim - eshki,
Eshki qoıdan esti.
Úsh degenim - úırek,
Jem ber, qolǵa úıret.
Tórt degenim - taılaq,
Taılaqty qoı baılap.
Bes degenim - bıe,
Qulynyna ıe.

3 - tapsyrma.
Dıdaktıkalyq oıyn: «Aıyrmashylyǵyn tap».
Sergitý sáti: «Kún uıyqtaıdy» (qımyl - qozǵalyspen)
Kún uıyqtaıdy,
Kún oıanady.
Jel soqty, qatty jel soqty.
Jańbyr jaýdy,
Bult túnerdi,
Naızaǵaı shatyrlady.
Kún ashyldy, jel basyldy.
Jeke jumys. (zattyń sanyn anyqtaý)

Qımyldyq oıyn: «Kún men tún»
Tapsyrmalardy oryndaǵan saıyn juldyzdar bir - birden jarqyrap shyǵady.
Tárbıeshi: Juldyzdarǵa arnap kim taqpaq aıtady?
Juldyzdar
Juldyz kókte múlde kóp,
Jarqyraıdy túnde kep.
Qyzyǵamyz, qaraımyz,
Keremetke balaımyz.
Biraq áli balamyz,
Óssek, ushyp baramyz.
Aıǵa arnap «Aıgólek» ánin aıtyp bıleıdi.
Aı rahmetin aıtyp: «Juldyzdaı jarqyrap júrińder!» - dep, ár balaǵa túrli - tústi juldyzdar beredi.

İİİ. Refleksıvti – túzetý.
Zymyranǵa minip oralý.