InfoHub Logo

Bejeń tómengi Altaıdyń «Keshim qyzyl úıeńki» degen jerinde naıman-kereıdiń bitim daýyna qatysady. Jıyn top tarqamastan buryn «báıbisheńiz aýyr naýqastanyp qaldy» degen habar jetedi. Kún keshkirgen shaq bolsa kerek. Bir bardam adamnyń telqońyr degen atyn minip qatty júrip, Býyrshyn ózeniniń jaǵasyndaǵy Shybar tal degen jerdegi úıine túndeletip jetedi. Áıeliniń aýrý betalysy ońalǵan soń, qaıta jıynǵa barady. Telqońyrdyń osy sapardaǵy alymdy júrisi, jolynyń jaqsylyǵy Bejeńe áser jasap, «Telqońyr» kúıin týdyrady.

Ekinshi bir ańyz derek bylaı aıtylady: Bejeń alǵashqy atqa miný saparyn jylqy qostarynda bastaǵan. Ózine qarasty jylqydaǵy qońyr bıeden ylǵı jaqsy at týady eken. Qońyr bıe qulyndaǵan jyldardyń birinde bir qońyr qulyn týady. Endi bir bıeden taǵy da bir qońyr qulyn týylsa da, qulyny ólip qalady. Sonymen Bejeńniń qońyr bıesinen týǵan qońyr qulyn óz enesi men qulyny ólgen bıeni qatar emedi. Kelesi
jyly óz enesi qysyr qalyp, qońyr qulyn taıynan qunanyna deıin arda emedi. Bejeń osy qońyr qunandy jastaı ósirip, bas úıretip, jýasyǵan soń, óz minisine alady. Osy qońyr at jaryssa, ozatyn, qýsa, jetetin, neshe túrli ásem júristi, sýret tulǵaly erekshe jylqy bolady. Telqońyryna erekshe razy bolǵan Bejeń «Telqońyr» degen kúıin arnaıdy.

 

---