InfoHub Logo

Keshke qaraı úıdiń janynda bir qarıa men jigit áńgimelesip otyr edi. Jigit qolyna bir shylym alyp:

— Ata, men temeki tartýdy úırenip júrmin. Osynyń qandaı qasıeti bar? — dep suraıdy.

— Temeki tartýdyń basty úsh qasıeti bar, — deıdi qarıa oılanyp.

— Ol qandaı qasıet? — deıdi jigit.

— Birinshiden, temeki tartqan adam qartaımaıdy.

— Sebebi?

— Óıtkeni temeki tartqan adam qartaıý shaǵyna jetpeı erte óledi. Ekinshiden, temeki tartqan kisiniń úıine ury túspeıdi.

— Sebebi?

— Temeki tartqan adam ókpe aýrýyna shaldyǵady, ylǵı uıyqtaı almaı jótelip jatady. Sondyqtan úı ıesi oıaý eken dep, qaýiptenip ury jolamaıdy. Úshinshiden, temeki tartqan adamdy ıt qappaıdy.

— Sebebi?

— Temeki tartqan adam jarymjan bolady. Qolyna súıenish etip árqashan taıaq alyp júredi. Taıaǵy bar kisige qutyrǵan ıt bolmasa, jaı ıt jýymas bolar, — deıdi qarıa.

---