InfoHub Logo

Kún ystyqta Ábdijappar bı kyzmetshisi Ápendini ertip ıeligin aralap júredi. Aldarynan bir úlken aryq kez bolyp, bı shomylmaq bolady:

— Jaǵada otyryp meniń kıimimdi qaraıla, — deıdi.

Árıne, Ápendiniń de salqyn sýǵa túsip, raqatqa batqysy keledi, biraq qaharly baıdy tyńdamaı bolmaıdy ǵoı. Ábdijappar baı qumarynan shyqqansha shomylyp, jaǵaǵa ázer degende shyǵady.

Baı kıinip jatqanda Ápendi:

— Taqsyr, sizdiń qaltańyzdaǵy aqsha taýsylyp qaldy, — deıdi.

— Áı, ne dep kókip tursyń? — dep ashýlanady baı. — Meniń aqshamda ne ákeńniń quny bar edi?

— Ǵafý etińiz, siz súńgip ketkende, men sýǵa batyp kettińiz be dep qorqyp kettim. Sosyn ótip bara jatqan bir jigitke bir teńgeni ustattym da, «aýyldan kómek shaqyr», — dedim.

— Ámıanda tórt altyn aqsha bar edi ǵoı. Qalǵan úsheýi qaıda?

— Keshirińiz, siz sýdan aman-esen shyǵa kelgen soń, men ekinshi bir jigitti birinshi jigitti toqtatýǵa jiberdim. Ekinshi jigitke de bir teńge berdim.

— Qarǵys atsyn, al qalǵan eki teńge kaıda?

— Siz batyp ketseńiz, qudaıy berem dep, al aman qalsańyz, meshit salýǵa qosam dep ant-sý iship edim.

— Al sońǵy teńge qaıda?

— Men sizben osynda áýre-sarsańǵa túsip júrgende, bir teńge tabatyn ýaqytym boldy ǵoı dep, sizdiń qaltańyzda ustap otyrmyn, — depti Qoja.

---