InfoHub Logo

Sabaqtyń maqsaty: bilimdilik - memlekettik tildi qurmetteý, qazaq tiliniń mártebesin kóterý, tilimizge degen súıispenshiligimizdi týdyrý; damytýshylyq - oqýshylardyń bilimge degen qushtarlyǵyn arttyrý, sózdik qoryn molaıtý, óz oılaryn durys jetkizýge daǵdylandyrý; tárbıelik - elin, derin, Otanyn súıýge tárbıeleý.
Kórnekilik: ulaǵatty sózder jazylǵan plakattar.
"Til - ulttyń jany".
"Qazaqtyń tili sulý, qonymdy da tolymdy til". (V. V. Radlov)
Sabaqtyń epıgrafy: "Peıil men ynta bolsa, memlekettik tildi erkin meńgerýge bolady".
Túri: saıys sabaǵy.

Sabaqtyń barysy:
İ. Uıymdastyrý.
Sálemdesý.
Til damytý.

İİ. Jańa sabaq.
1. Kirispe.
- Balalar, bizdiń Otanymyz - Qazaqstan Respýblıkasy. QR - nyń Eltańbasy, Ánurany, Týy, tól teńgesi bar. Sonymen qatar QR - nyń Ata Zańy - Konstıtýsıasynda belgilengen óz memlekettik tili bar. Ol - árıne, qazaq tili. Sondyqtan da QR - nyń ár azamatynyń paryzy - tildi bilý, qurmetteý.
Til qaı halyqta bolmasyn qasterli. Búgingi bizdiń sabaǵymyz - erekshe sabaq. Ol - qazaq tiliniń bilgirin anyqtaý.
Iaǵnı, búgingi sabaqtyń taqyryby - til saıysy. "Til ulttyń jany" dep atalady. Oıynshylar, sizderge sát sapar tileımin!
Saıys bolǵannan keıin onyń jeńimpazy da bolady. Bizge sony anyqtap beretin ádil qazylar alqasyn saılap alaıyq.

2. Saıystyń erejesi:
1. Tynyshtyqty saqtaý.
2. Bir - birin tyńdaý.
3. Oıyn qysylmaı aıtý.
Saıys 6 týrdan turady.

Ár oıynshynyń qolyna 1 - den 8 - ge deıin nómirlengen kártishke beriledi. Qaı oıynshy kártishkesin buryn kórsetse, sol jaýap beriledi. Ár durys jaýap 10 upaımen baǵalanady. Eki týrdan keıin eń tómen upaı alǵan oqýshy oıynnan shyǵady. Endeshe, qazir ár oıynshy ózin tanystyryp ótsin.

İ týr - "Báıge".
1. Qazaqtyń uly aqyny, bas aqyny. kim? (Abaı Qunanbaıuly).
2. Abaıdyń shyn aty kim? (Ibrahım).
3. Qazaq tilinde zat esimniń septelý joldary nesheý? (2).
4."Zakon sıngarmonızma" sóziniń aýdarmasy qandaı? (Úndestik zańy).
5. A. Iassaýı kesenesi qaı qalada? (Túrkistan).
6. (Podlejashee) sóziniń aýdarmasy qandaı? (Bastaýysh).