InfoHub Logo

«UBT - (Ulttyq Biryńǵaı Testtileý) - joǵarǵy oqý orynyna, úlken belesterge degen alǵashqy qadam jáne sheshýshi sát bolmaq» - deıtinder óte kóp. Biraq, ómir munymen toqtap qalmaıdy. Bul UBT-dan súringenmen, báribir sizdiń ómirińiz áli alda, taǵdyr sizdiń áli de shyńdalǵanyńyzdy qalaıdy, sizdiń sál kidirip, bitpegen ister bolsa, sony aıaqtaǵanyńyzdy nemese sizge berilgen synaq dep túsinińiz. Alaıda keıbireý bar: «Men UBT-dan qulap qaldym, endi barar jerim, basar taýym joq» dese, keıbiri: «Men nege óte almadym, men ne istep qoıdym sonsha?»,-dep,abdyrap, ne isterin bilmeı qalsa, endi bireýi: «Amal-neshik,osylaı bolaryn bilgem, aýylda qalam, ary qaraı ne bolady eken?»,-dep, ómirge qol silteı salatyndary da bar. Endi bireýi óshtenip, ashýlanyp qyzbalyqqa salynady.Tipti keıbir adamdar bolady, árbir jaıtqa nemquraılylyqpen qaraıdy. Eń soraqysy, osy bir UBT-ǵa júrekteri shydamaı, ómirden túńilip, qaıǵyryp, ózine-ózi qol jumsaıtyndary da bar. Bul aıtqanym, qazirgi kezde kóp beleń alatyn jaǵdaılardyń biri bolyp tur.

«Kerek emes bul ómirge jylaǵanyń,
Qaıǵyrǵanyń, súrinip-qulaǵanyń.
Shydaý kerek, tózý kerek bul kúnge,
Kelmeıdi ǵoı árkez seniń suraǵanyń.

Ne boldy saǵan, syndy ma saǵyń?
Oılaısyń ishteı: «Ashylmaı baǵym»,
Qatelesesiń, kesh emes áli
Tezirek berilme, synbasyn saǵyń»-deı kele, meniń jalpylama aıtarym:«Ómir osy bir UBT-ǵa qarap qalǵan joq, áli de sizdiń múmkindigińiz bar, áli de kesh emes, tek tez berilmeńiz. Ómirge tez berilgenderdiń jaǵdaıy qandaı ekeni bárine málim. Sol sebepti oılanyńyz, eger de siz endi ǵana UBT-ny tapsyraıyn dep otyrsańyz, sizde áli de ýaqyt bolsa, ýaqytty tekke jiberip almańyz. Sizdiń áli de kóp múmkindigińiz bar. Óz-ózińizge senim bildirińiz, júregińizdi tynyshtandyryńyz.

Kóter qane basyńdy,eńseńdi kóter,
Óz-ózińdi jazǵyrma,ol kún de óter.
Taǵdyr degen tolastamas aǵyn sýdaı,
Bir mezette ózińmenen alyp keter.

Meıli tónsin basyńa qaýip-qater,
Bálkim saǵan synaǵyń qatal jeter.
Ómirden bezip,taýsylyp taǵatyń,
Ýshyǵyp keter jaǵdaı budan-beter.
«Men óz-ózime senimdimin, men túbinde ne bolsa da barlyq qıyndyqty jeńip shyǵamyn»,-dep úmittenip jigerlenińiz.UBT-den eń joǵarǵy upaı jınap jatqandar da bar. Olar da adam, siz de adamsyz, adam bárin jasaı alady. Sizdiń de qolyńyzdan keledi, sizdiń de bıik shyńdy baǵyndyrýyńyzǵa bolady.Tek bilesiz be, sizge oı-kóńildi qýattandyryp, ózińizge senim kúshin uıalatyńyz. Aqyrynda sizdiń berik senimińiz, tereń oıyńyz shyndyqqa ulasady. Siz: «Men UBT-den joǵarǵy upaı alamyn», - dep óz-ózińizdi sendirińiz jáne siz osydan keıin qur senimmen qalmaǵanyńyz jón, shyn nıetińizben, daıyndalýǵa tyrysyńyz. Mamandyǵyńyzǵa saı daıyndyq júrgizesiz, ter tógý kerek,eńbektenińiz. «Eńbek bárin jeńbek» deıdi, «Eńbek etseń erinbeı,toıady qarynyń tilenbeı» degen de bar.Sondyqtan eńbektenińiz,izdenińiz,barynsha daıyndyq ústinde bolyńyz. Aıtpaqshy, mamandyq tańdaý,bul týraly oılansańyz, shyn kóńilmen qaraǵan, júregińiz qalaǵan mamandyq bolsyn. Bul da basty másele,osyǵan saı daǵdylanyńyz, meılinshe erterek qamdanǵan jón dep sanaımyn.Al,endi kópten kútken UBT da kelip qaldy. Sizdiń oıyńyzǵa neshe túrli nárseler kelip jatyr.Bir kún qalǵanda tipti,siz tolqyp, qorqyp, sasqalaqtaı bastaýyńyz múmkin, mundaı jaǵdaıda tereń tynystap, esh ýaıymdamaı oıyńyzdan artyq zattyń bárin alyp tastańyz, osy kúnge deıingi shyńdalǵanyńyz daıyndyǵyńyzdyń nátıjesin beredi. Al, endi UBT-ǵa bir kún qalǵanda ózińizge demalys jarıalańyz. Barynsha erterek jatyńyz, uıqyńyz qanyp sonda sizdiń UBT-ǵa barǵanda mıyńyzdyń tynyǵyp, bárin tez qabyldaǵanyn baıqaısyz.Taǵy bir aıta ketetin jaıt: qatty tolqymańyz,tolǵanbańyz, «telefon men ǵalamtor kómegine júginem be  nemese maǵan bireý kómektese me eken?»-degen oıdan qashyq bolyńyz. Tek ózińizge senińiz, basqa nársege nazar aýdarmańyz.Sonda ǵana siz shynaıy jetistigińiz, bilim deńgeıińizdi baıqaısyz jáne osyǵan saı ómirden óz ornyńyzdy tabasyz.Taǵy da aıtam: UBT-dan qulaǵan bolsańyz, sizge túńilip, qaıǵyrýdyń  qajeti joq,munymen bári bitpeıdi. Ómirińiz áli alda,sizdi bálkim synap jatqan bolar,synaqtan súrinbeńiz, kerisinshe aıaǵyńyzdan nyq turyp, qıyndyqqa qarsy shyǵyp qajyrlylyq tanytyńyz, alǵa qaraı umtylyńyz. Eńseńizdi kóterip, jigerlenińiz, sonda ǵana sóz joq,alǵa qoıǵan maqsatyńyzǵa qol jetkizetinińizge men senimdimin!

Jigerlendir oı-kóńildi qalaı da?!
Qýattansań kónbeske qalmas solaı ma?
Óz-ózińdi qolǵa almasań eger de
Tirilip deneń, boıyńa qan taraı ma?

 Ómir ǵoı qaıtesiń, bári oryn alar,
Tózbeseń taǵdyrǵa eger, soryń bolar.
Maqsat qoısań, talpynsań árkez alǵa,
Sonda ǵana armanyń oryndalar!

Avtory: Aldahov Qadirjan

---