InfoHub Logo

Adamzat balasy osy qıyndyǵy men qyzyǵy qatar júretin mynaý dúnıede qansha jyl ómir súrse de, qandaı ispen aınalyssa da ómirindegi eń bir umytylmas kezder ýnıverıstet qabyrǵasyndaǵy keremet shaqtar. Men de osy bir keremet kezeńniń tabaldyryǵyn attap, balalyq shaqpen qoshtasyp , jańa bir beleske aıaq bastym. Meniń Alataýdaı asqaq armanym meni Almaty shaharyndaǵy, Ál – Farabı atyndaǵy Qazaq Ulttyq ýnıversıtetine jeteledi. Men ýnıversıtettiń esigin aıqara ashqan kúnnen bastap, meni jańa álem, jańa adamdar, jańa dostar kútip turǵanyn oǵan qosa moınymda úlken jaýapkershiliktiń baryn sezindim. Óıtkeni osyndaı zańǵar ýnıversıtettiń stýdenti ataný árkimge buıyra bermes baq dep bilemin. Al endi osy basyma qonǵan baqty aıalaý ári qaraıǵy meniń basty mindetim. Ál – Farabı babamyz óz sózinde: « Baqytqa jetkizetin erkin áreket — tamasha áreket» degendeı, sol tamasha árekettiń biri – ol bilimge degen qushtarlyq dep sanaımyn.

Ýnıversıtetke aıaq tiregeli beri ózimdi naǵyz telegeı teńiz bilim ordasyna, jalyndy jastardyń qataryna engenime óte qatty qýanamyn. Óıtkeni, elbasymyz Nursultan Ábishuly Nazarbaev elimiz ben bizdiń jastarymyzdyń basty baılyǵy — sapaly bilim ekenin óziniń sóılegen sózderinde birneshe ret atap kórsetken bolatyn. Osy sapaly bilimniń qara shańyraǵy, Qazaqstandaǵy bilim berý júıesiniń tiregi, eskiniń kózin kórgen, 80 jylǵa jýyq baı tarıhy jınaqtalǵan ulttyq ýnıversıtette elimizdiń túkpir túkpirinen, alys – jaqyn shet elderden kelip, oqyp jatqan stýdentter jeterlik. Ýnıversıtet qabyrǵasynda jan – jaqty, biliktiligi joǵary, qazaqtyń keremet aqyn – jazýshylarynyń aldyn kórgen, sol uly kisilerden dáris alǵan otýshy-professorlar, ǵylym doktorlary, ǵylym kandıdattary, dosentter qyzmet atqarady.

t.ǵ.d., profesor., Saılan B.S.,   

Tarıh, arheologıa jáne etnologıa fakúltetiniń 2 kýrs magıstranty Nýrbosynova N.J.

---