InfoHub Logo

Ashyq sabaq
Sabaqtyń taqyryby: «Topyraqty negizgi jáne tuqym seber aldynda óńdeýge, jaıylym men shalǵyndy jaqsartýǵa arnalǵan mashınalar men quraldar» taraýyn qorytyndylaý sabaǵy.

Sabaqtyń maqsaty:
Oqytý: oqýshylardyń, ıaǵnı bolashaq mamannyń jan - jaqty damýyn, onyń oı, is - áreketinde júıelilik sıpattamalarynyń bolýyn qamtamasyz etý, taraýdy qorytyndylap, bekitý.
Damytý: Oı - órisin, kásibı bilimin, jumysqa yntasyn, qabiletin.
Tárbıelik: Uqyptylyqqa, sabyrlylyqqa, eńbeksúıgishtikke baýlý.

Sabaqtyń túri: Bekitý sabaǵy
Sabaqtyń ádisi: Oıyn, saıys, suraq - jaýap.
Pánaralyq baılanys: Traktorlar men avtomobılder (İ kýrs), agronomıa negizderi (İ kýrs), qazaq tili men ádebıeti (İ kýrs).
Sabaqtyń kórnekiligi: Aýyl sharýashylyǵy mashınalarynyń maketteri, syzba plakattar, býkletter, ınteraktıvti taqta.

Sabaqtyń barysy
İ. Uıymdastyrý bólimi. Oqýshylardy túgeldeý, oqý - quraldaryn tekserý. Sabaqtyń túri men maqsatyn habarlaý.

İİ. Taraýdy bekitý bólimi. Sabaqty bastamas buryn top oqýshylary osy taraý boıynsha ótilgen alty aýyl sharýashylyǵy mashınasyna sáıkes alty topqa bólinedi. Olar mynalar: ár toptyń aty, urany, tańbasy bolady.
Birinshi toptyń aty «Soqa», urany: «Qıasyna shyǵyp oıdyń, alǵa taýdaı talap qoıdym». Ekinshi toptyń aty «Sydyra jyrtqysh», urany: «Ónerimmen órge júzem, eńbegimmen ómir súrem».
Úshinshi toptyń aty «Tyrma», urany: «Eńbektenem er atanyp, alǵa basam álem tanyp».
Tórtinshi toptyń aty «Nyǵyzdaýysh», urany: «Biz jalyndy jastarmyz, bilimge jol bastaımyz».
Besinshi toptyń aty «Óńdeýish», urany: «Eńbek etsem eseli. Ońǵa isim ósedi».
Altynshy toptyń aty «Tegisteýish». Urany: «İzdenisten ilgeri iske». Bul jarys tapsyrmalaryna toptaǵy barlyq oqýshy qatysýǵa tıis. Sondyqtan ár top óz músheleriniń tapsyrmalarynyń oryndalýyna kómektesýi kerek. Ol kezde suraqqa jaýap bergen toptarǵa bir upaı qosylyp otyrady.
Jarys sabaǵynyń jalpy urany «Bilimińe, bilim qos».

Sabaq óleńmen bastalady. Sonda árbir mashınanyń atqaratyn qyzmeti atalyp ótiledi.
Topyraqty jyrtýǵa,
Alǵash «Soqa» kelipti.
Kesekterin buzýǵa,
Artynsha onyń aptyǵyp,
«Sydyra jyrtqysh» jetipti.
Kesekterin meılinshe,
Usaqtaýǵa arnalǵan,
«Tyrmalardyń» kóp tisi,
Topyraqqa dóp tústi.
Ylǵal kerek jeterlik,
Tuqym ónip kókteýge,
Býy ushyp jer asty,
Kókke deıin ketpeýge,
Topyraqty taptaıtyn,
«Nyǵyzdaýysh» bar daıyn.
Dán seberdiń aldynda,
«Óńdeýishter» qolaıly,
Topyraqty maıdalap,
Usaqtaýǵa ońtaıly.
Egin eger alańdy,
Josparlaýǵa arnalǵan,
Oıpań - qyrat jerlerdi,
Mashına bar arnaıy,
Tegisteýge arnalǵan.
Biri qalmaı jolynan,
Tuqym seber aldynda,
Topyraqty óńdeýge,
Jaıylymdy jóndeýge,
Traktordyń sońynan,
Jegiletin jaramdy,
Mashınalar osylar.
Al, qanekeı qyrandar,
Traktorǵa qonyńdar!

Qyzylorda oblysy, Aral qalasy
№2 kásiptik lıseıiniń arnaýly pán oqytýshysy:
Sholpan Balmanova