InfoHub Logo

Sabaqtyń taqyryby: Týǵan jer
Sabaqtyń maqsaty: Óleńmen tanystyra otyryp, aqynnyń týǵan jerge degen ystyq sezimin bólisý.
Óleńdi túsinip, mánerlep oqý, aýyzsha sóıleý, shyǵarmashylyq qabiletterin damytý.
Týǵan jerge, Otanǵa degen súıispenshilik sezimderin arttyrý.
Kórnekiligi: Q. Amanjolov, S. Toraıǵyrov sýretteri, karta, dombyra, keste, qor, teńge,
eltańba, sújetti sýret.
Sabaq túri: aralas sabaq, dástúrli, jarys, toptyq.
Pánaralyq baılanys: dúnıetaný, halyqtyq pedagogıka

Sabaqtyń barysy:
I. Uıymdastyrý bólimi

II. Úı tapsyrmasyn tekserý
- Balalar, biz ótken sabaqta qandaı jańa taraýdy, bólimdi bastadyq?
- Bizdiń elimiz keń - baıtaq. Otanymyz Qazaqstan Respýblıkasy. Ata - babalarymyz 3, 5, 7 sandaryn kıeli sanaǵan. 3 sanyna baılanysty uǵymdardy aıtý.
- Jigittiń 3 jurty bar: naǵashy, qaıyn, óz
- Úsh arsyz: uıqy, kúlki, tamaq
- Úsh asyl: kóz, til, kóńil
- Úsh júz: uly júz, orta júz, kishi júz
- Úsh jaqyn: jan tátti, mal tátti, jar tátti
- Úsh daýasyz: minez, kárilik, ajal
- Úsh qýat: aqyl qýat, júrek qýat, til qýat
- Senderdiń aldaryńda «Týǵan jerge qosar úlesim»atty qorǵa óz bilimderińmen úles qosýlaryń kerek. Árqaısyńnyń aldaryńa úsh teńgeden quny bir jylqymen baǵalanatyn teńge qoıdym. Eger jaýaptaryńa jaqsy, óte jaqsy dep baǵalasam, qorǵa úlesterińdi salasyńdar. Sabaq sońynda qaı top kóp úles qossa, sol topqa tý tabys etemiz.

Úı tapsyrmasy S. Toraıǵyrovtyń «Týǵan elime» óleńin jatqa aıtý.

III. Jańa sabaq
Ózi ósken eline, týǵan jerine, onyń tabıǵatyna jyr arnamaǵan aqyn joq. Men senderge osyndaı aqyndardyń biri Q. Amanjolovtyń «Ózim týraly» ánin oryndap bereıin.
- Búgin Q. Amanjolovtyń «Týǵan jer»óleńimen tanysamyz. Óleń 1946 jyly jazylǵan.

IV. Q. Amanjolov týraly túsinik berý.
Q. Amanjolov 1911j Qaraǵandy oblysy, Qarqaraly aýdanynda dúnıege kelgen. 1955 j. 17 qańtarda Almatyda qaıtys boldy. Qasym jastaıynan jetim qalyp, Semeıdegi balalar úıinde tárbıelengen. Sonda bastaýysh bilim alǵan. Semeıdegi mal dárigerlik tehnıkýmyn bitirgen. Keıin Oral pedagogıkalyq ınstıtýtynda bilim aldy. Uly Otan soǵysyna qatysyp, jaýdan elin qorǵaǵan jaýynger.

V. Óleńdi muǵalimniń jatqa oqýy.
VI. Ár shýmaqty mánerlep oqyp, ondaǵy negizgi oıdy tabý.
1. Keń dalany qansha sharlasa da sharshamaıtyny
2. Týǵan jer altyn besigiń, Osyndaı týǵan jerdiń qadirin bilmesem, keshire gór!- dep keshirim ótinýi.
3. Maqtanysh sezimi
4. Týǵan jerdiń baılyǵy, jomarttyǵy.
VII. Suraqqa jaýap
1suraq - 3 shýmaq
2suraq - Týǵan jerde qandaı baılyq bar.

VIII. Aqyn qoldanǵan kórkem sózderdi jazý: keń dala, jas bala, altyn besik, týǵan jer, baıtaq jer...

IX. Oqýlyqpen jumys
- Shýmaqtap oqý
- Tutas mánerlep oqý

X. Óleń uıqasyn kestege sáıkes tabý.

XI. Toptyq jumys
1. Týǵan jer týraly maqalanyń maǵynasyn ashý
2. Týǵan jer týraly shyǵarma jaz
3. 4jol óleń qurastyrý

XII. Rebýs sheshý
- 16 jeltoqsan qandaı mereke?

XIII. Ómirmen baılanys
- Al, balalar senderdiń týǵan jerleriń qalaı atalady?
- Bizdiń týǵan jerimiz Jańaózen qalasy Respýblıkamyzǵa nesimen tanymal?
(Jer nári kitabynan sýretter kórsetý)

XIV. Venn dıagramsy
Eki óleńdi salystyrý
S. Toraıǵyrov ------------------- Q. Amanjolov
Eline arnaıdy ---------------------- Jerine arnaıdy
Eli úmit artady ---------------------- Altyn besikke teńeıdi
İlim - bilim jınaıdy ----------------- Keshirim suraıdy
Úmitin aqtaıdy ---------------------------- Baılyǵyn, keńdigin, ulylyǵyn jazady
Rızashylyǵyn bildiredi ------------------- Barymdy beremin
Ekeýi de týǵan jerge degen súıispenshiligin jazady.

XV. Qorytyndy, toptastyrý, baǵalaý.
Ár toptyń, ár balanyń qansha úles qosqanyn sanaý arqyly toppen jeke oqýshyny baǵalaý.