InfoHub Logo

Microsoft kompanıasy tańǵaldyra alatynyn kezekti ret dáleldedi. Kompanıa jasap shyǵarǵan úshólshemdi sýretterdi naqty ýaqyt tártiptemesinde tasymaldaý tehnologıasy fantasıqalyq ónertabys bolyp tabylady.

Google kompanıasy Google Cardboard shlemin damytyp jatqanda, Microsoft-ta ýaqytty beker ótkizip jatqan joq. Bular usynǵan balama HoloLens dep atalady. Ol shynaıylyqpen tolyqtyrylǵan kózildirikten turady, sonyń kómegimen úshólshemdi gologrammlar túziledi. Osy úsh ólshemdi gologrammlar qoldanýshynyń aınalasyndaǵy shynaıy ómirine kiristiriledi.

Holoportation tehnologıasy HoloLens-ti paıdalanýdyń bir nusqasyn kórsetý maqsatymen jasap shyǵarylǵan. Ol naqty ýaqyt tártiptemesinde nysanalardyń joǵary sapaly 3D úlgisin jasaýǵa, al keıin ony kez kelgen jerde turǵyzýǵa múmkindik beredi. Osylaısha, mysaly, alysta júrgen adamdarmen dál janyńda otyrǵan sıaqty qarym-qatynas jasaýǵa bolady.

Iá, bul tehnologıa «Juldyzdar soǵysyndaǵy» ǵalamsharda jáne t.b. kóptegen fantasıkalyq fılmderde kórsetiletin tehnologıa. Bolashaq izimizden basyp keletin syńaıly.

VR-tehnologıa salasynda Microsoft-qa kedergi bolatyn bir másele – ónimniń tym qymbattyǵy. Qazirgi tańda HoloLens kózildirigi shamamen úsh myń dollar turady, bul, árıne, Google Cardboard karton shlemimen salystyrýǵa kelmeıdi. Sondyqtan qaı tehnologıa naryqty jaýlap alatynyn bolashaq kórsetedi.

---