InfoHub Logo

Sońǵy ýaqytta, barshamyzǵa belgili kóne Túrkistanymyz jańasha túlep, jańǵyryp álemniń túkpir túkpirinen ózine kóptegen týrıserdi tartý ústinde. Árıne, bul bizdi qýantatyn jaıt, biraq degenmen ár nárseniń jaqsy jáne jaman jaǵy bolady. Iaǵnı, Shaharymyzǵa týrıserdiń kóptep kelýi ekonomıkalyq jáne dıplomatıalyq jaǵynan alǵanda, óte tıimdi ári birshama paıdaly. Sebebi, týrızm qazirgi tańda álem boıynsha qarjy jaǵynan eń tıimdi qolaıly salalardyń biri. Bul týrızm salasy ekonomıkamyzdyń qansha jerden damytqanymen, áleýmettik ahýalymyzdy arttyrǵanymen, ekologıalyq turǵydan alyp qaraǵanda, týrısterdiń kóptep aǵylýy shaharymyzdaǵy rekreasıondy júktemelerdiń artýyna ákelip soqtyrady. Sonymen qatar, shektelgen aýmaqtaǵy tabıǵı resýrstardyń joǵary konsentrasıasy, artyq paıdalaný, ǵımarattar men ınfraqurylym salý jáne týrızmmen baılanysty basqa da is-sharalar qorshaǵan ortaǵa keri áserin tıgizedi. Jalpy, týrızmniń qorshaǵan ortaǵa áseri týrısik qyzmettiń masshtaby men túrine baılanysty. Jeke týrıs ádette az áser etedi. Máseleler týrıser sany kóbeıgende nemese resýrstardy paıdalaný ózgergen kezde týyndaıdy. Sonymen, týrızm aıtarlyqtaı tabys kózi bolǵanymen, onymen baılanysty kúrdeli máseleler bar. Biraq kez kelgen ýaqytta da , ár nárseniń óz sheshimi bar. Týrıster qanshalyqty kóp bolsa, odan eki ese Jasyl ekonomıkamyzdy damytyp, ekologıalyq jaǵdaıymyzdy jaqsartýymyz kerek. Ekologıa men ekonomıkany teń deńgeıde ustaǵan jaǵdaı da ǵana biz turaqty damı alamyz. BUU-nyń qorshaǵan orta jáne turaqty damý baǵytynyń da, negizgi maqsaty sol, ekonomıka men ekologıany ushtastyra otyryp, turaqty áreket etý. Shyn máninde, qalamyzdaǵy negizgi kesenege keletin úlken dańǵyl jol bar. Osy dańǵyl joldan aldaǵy ýaqytta troleıbýs júrgizýdi qolǵa alyp jatyr. Bul ıdeıa ekonomıkalyq jaǵynan tıimdi, ári qalamyzdyń ekologıalyq kelbetine de oń úles qosady. Qazirgi tańda týrısik shaharymyz Túrkistannyń ekologıalyq problemalaryn sheshý maqsatynda kóptegen jumystar atqarylýda, sonyń biri qalamyzdyń shet jaqtaryna deıin kógaldandyrý jumystary oń nátıje berip, atmosferamyzdyń tazarýyna ózindik septigin tıgizip jatyr. Shaharymyzdyń gúldenýine birge, barlyǵymyz bir kisideı atsalysaıyq!!!

Kýlbaeva Aıgerim Amangeldıevna-Qoja Ahmet Iassaýı atyndaǵy Halyqaralyq qazaq-túrik ýnıversıtetiniń  Memlekettik basqarý jáne ekonomıka joǵary mektebiniń aǵa oqytýshysy!

Ulasbekqyzy Rabıa – Q. A. Iassaýı atyndaǵy Halyqaralyq qazaq-túrik ýnıversıtetiniń Memlekettik  jáne jergilikti basqarý mamandyǵynyń 1-kýrs stýdenti!

---