InfoHub Logo

Qyzylordy oblysy Shıeli aýdany N. Bekejanov aýyly
№156 N. Bekejanov atyndaǵy qazaq orta mektebiniń
oqýshysy Álisher Aıgerim Baǵlanqyzy

Ádette tús túlkiniń boǵy dep jatady. Tórt mınýttyń ishinde adam balasy alýan túrli oqıǵalarǵa tap bolǵan jaǵdaıda tańyrqap, ony jaqsyǵa balap jatamyz. Mysaly: kóptegen jylan sizdiń tabaldyryǵyńyzda jatsa — sizder úıge nesibe keldi deısizder,  al qyzyl kóılek kıip, qulpyryp júrseńiz qyp-qyzyl aqsha ekenine senemiz. Árıne! Senim seni árdaıym bıikke jeteleıdi. Tústi ár adam balasy jaqsy jaqqa qaraı jorı bilýi kerek.Sonda seniń ómiriń jaryq jolǵa baǵyttalady.

— Kúnderdiń bir kúninde Aqtoty esimdi kelinshek túnimen dóńbekship shyǵady. Tań ata  uıqysynan shoshyp oıanyp, túsjorýshyǵa barýdy oılaıdy. Onyń oıynda  túsiniń syry nede ekenin bilý edi. Aýyldan alysyraq ornalasqan qasıetti Qasıet esimdi tús jorýshynyń úıin uzaq izdeıdi. Tús aýar ýaqytta dóptegen úıine de keledi.

— Sálem berdik! — dep úıdi oń aıaǵymen attaǵan Aqtoty, qalyń ári mamyq quraq  kórpesheniń ústinde otyrǵan jıren shashty keıýanany kóredi.

— Tórlet, kelinshek! Dámnen aýyz tı — dep óz asyn usynǵan keıýana qasıetti túsjorýshynyń áıeli eken.Aqtoty qypylyqtap, jan-jaǵyna qaraılaı berdi.

Sonda keıýana;

— Qandaı máselemen kelgenińdi kózińnen kórip turmyn aınalaıyn! Búgin ǵana joldasym Qasıet aýyl-aımaqtardy aralaýǵa  ketken edi.Jaqyn arada qaıta qoımas.Sondyqtan seniń kórgen túsińdi men joryp kóreıin —, deıdi de  tysqaryda turǵan óziniń qamshysyn qolyna alady.

Aqtoty ne aıtaryn bilmeı sasyp qalady.

— Túsjorýshynyń áıelide meniń kórgen túsimdi baıan eter,— dep óz túsin aıta bastaıdy.

— Aınalaıyn! apaý, túnimen  dóńbekship uıyqtaı almadym. Túsimde eki omyraýymdy eki qasqyr talap jatyr eken.Men baıǵustyń eki kózim  kól bop aǵyp jerde aq ýyzdyń tógilip jatqanyn kórdim.

— Eee, qaraǵym, seniń kórgen kúnińnen kórer kúniń sanaýly.Saǵan aıan berýde.Jaqyn arada ómirińmen qosh aıtysasyń.Týǵan—týysqandaryńa alǵysyńdy jaýdyryp,keshirimderin al Aınalaıyn! Kórgen túsiń aına qatesiz oryndalady— degende Aqtotynyń kózinen jas aǵyp, jylaı bastady. Arqasynan qaǵyp, mańdaıynan súıip Aqtotyny keıýana shyǵaryp salady.Jol boıy óziniń ómiriniń qysqa ýaqytta qıylatynyna senbeı,uzaq jylaıdy.

Juma kúni Qasıet óz úıine kelip, keıýana ekeýi arqa—jarqa bolyp otyrǵanda entigip kelgen kelgen jas bala:

— Assalaýmaǵaalleıkým! Kórshi aýylda jas kelinshek qaıtys bolypty.Jurttyń aıtýy boıynsha qasqyr talap óltirgen kórinedi – dep qaraly habardy jetkizedi. Keıýana uzaq oılanyp

— Otaǵasy-aý, osydan eki kún buryn sol kelinshek kelgen edi.Óziniń túsinde eki omyraýyn eki qasqyr talap jatqanyn,jerde aq ýyzdyń tógilip jatqanyn aıtqan bolatyn. Men bolsam oǵan ómiriniń osy jerden qıylatynyn baıan ettim —, dep aıtqan keıýanaǵa túsjorýshy ashýlanyp

— Eıı, qatyn! Tús saǵan oıynshyq emes. Órimdeı jas kelinshektiń ómirin qalaı ǵana  bir aýyz sózińmen qıasyń. Shekesi torsyqtaı eki ul balanyń dúnıege keltini. Ómirge aq nıettiń, beıbitshiliktiń keletininiń belgisi  emes pe?! — dep túsjorýshy qatty qapalanady.

Demek, tús adam ómiriniń aınasy. Seniń boıyńdaǵy jaqsy qasıetterge bastaýshy. Iaǵnı sen ony jaqsy jaqqa qaraı jorysań, sol jaqqa qaraı qyldılaıdy. Óz ómirimiz óz qolymyzda. Qarapaıym túske qarapaıym kózqaraspen qaramaıyq.

---