Otyrar qorǵanysy
1218 jyly jazda Otyrar qalasyna Shyńǵys han jibergen 500 túıe, 450 adamnan turatyn saýda kerýeni keledi. Qaıyr han saýdagerlerdiń arasynda tyńshylar bar degen kúdikpen kerýendi tonap, adamdaryn óltiredi. Kerýen quramynan tek bir adam aman qalyp, Otyrardaǵy qyrǵyn týraly Shyńǵys hanǵa jetkizedi. Bul Shyńǵys hannyń Orta Azıaǵa shapqynshylyq jasaýyna syltaý boldy. Shyńǵys hannyń Muhammed Horezmshahqa kináli adamdy ustap berse beıbitshilik saqtalatynyn aıtyp jibergen elshileri de óltiriledi. Osydan keıin eki jaq ta soǵysqa ázirlenedi.
1219 jyly Shaǵataı men Úgedeı birneshe túmenmen Otyrardy qorshaýǵa alady. Qaıyr han aqyryna deıin qorǵanýǵa bel býady. Qaıyr hannyń 20 myń áskeri bolǵan, Horezm shahy oǵan 50 myń ásker qosady. Otyrar bes aı boıy qorǵanady. Alaıda besinshi aıdyń sońynda óziniń on myń áskerimen kómekke kelgen Qarasha-hajıb qala qaqpasyn mońǵoldarǵa ashyp beredi. Shaǵataı men Úgedeı ony alǵashqyda jaqsy qarsy alyp, sodan soń olardyń óz bıleýshisine istegen satqyndyǵy úshin áskerimen qosyp túgel óltiredi. Qaıyr han qalǵan áskerimen ishki qamalǵa bekinip, taǵy bir aı soǵysady. Aqyrynda, mońǵoldar eń sońǵy jaýyngeri ólip, qarsylasatyn qarýy da qalmaǵan Qaıyr handy kómeıine kúmis quıyp óltirgen. Otyrardy jermen-jeksen etip qıratyp, halqyn sońǵy adamyna deıin qyrǵan.
You Might Also Like
-
Qyzylordy oblysy Shıeli aýdany N. Bekejanov aýyly №156 N. Bekejanov atyndaǵy qazaq orta mektebiniń oqýshysy Álisher Aıgerim Baǵlanqyzy
-
«Aqjoldyń» bir nómirinde «Shegir» dep qol qoıǵan joldas meni qazaqtyń boıama qamqory, qazaqtyń bir qyzyn, bir qatynyn áýre qyldyń, sorlattyń dep aıyptaıdy.
