InfoHub Logo

Kelesi jyldan bastap ulttyq biryńǵaı testileý jańa formatqa kóshiriledi. Sonymen qatar jańa sıpatta suraqtar daıarlaıtyn mamandar oqytylady. Atalǵan jańashyldyqpen Ǵylym jáne joǵary bilim mınıstri Saıasat Nurbek bólisti.

«UBT-ǵa qatysty eki problema bar. Aldymen suraqtardyń mańyzy. Shynyn aıtý kerek, onyń suraqtary formaldy. Adamdy oılaýǵa jáne onyń oılaý qabiletin tekserýge emes, jattaýǵa baǵyttalǵan. Bul máseleni qalaı sheshpekpiz? Búginde Kembrıdj ýnıversıtetimen birlesip UBT suraqtaryn túbegeıli túrde ózgertip jatyrmyz. Bıyl 350 test daıarlaıtyn maman oqytylyp, sertıfıkasıadan ótedi. Olar 5 myń jańa sıpattaǵy suraqtar ázirleıdi. Jańa formattaǵy test suraqtary SAT (Scholastic Assessment Test) halyqaralyq emtıhanyna uqsaıdy. Ol jerde aldymen balanyń oılaý qabileti nazarǵa alynady»,- dedi Saıasat Nurbek tilshi Nartaı Aralbaıulyna bergen suhbatynda.

Mınıstrdiń aıtýynsha, atalǵan formatty birden engizýge bolmaıdy, aldymen balalardy daıyndaý qajet.

«Osylaısha kelesi jyldan bastap UBT-nyń suraqtarynyń mazmuny men onyń formaty ózgeredi. Endi ádil ótkizý máselesine kelsek, ótken jyldan bastap UBT-ny ótkizýge jeke kompanıa jaýapty. Jekege berýdiń oń tusy buryn mınıstrlik jaýapty bolǵanda Báke, Sáke dep habarlasatyn. Endi habarlassa bizdiń quzyretimizde emes, jeke kompanıanyń jaýapty ekenin aıtamyz», - deıdi vedomstvo basshysy.

---