InfoHub Logo

1991 jyl 1-jeltoqsan-táýelsiz Qazaqstan óz basshysyna tańdaý jasady. Halyqtyń basym kópshiligi úlken senim artyp Nursultan Ábishuly Nazarbaevty bılikke laıyq dep tanydy.

Qarapaıym qazaq otbasynda týyp-ósip, eńbek jolyn qatardaǵy metalýrg retinde bastaǵan Nursultan Ábishuly ózindik eńbekqorlyǵy, tabandylyǵy arqasynda bútin bir ultty basqaratyn kóshbasshy atandy. Onyń boıyndaǵy ultjandylyǵy men tapqyrlyǵynyń nátıjesi - búgingi Qazaqstan. Qazaqtyń aıbarly da aıbyndy handarynyń úzilgen shejiresin qaıta jalǵaǵan kóshbasshy eli úshin aıanyp qalǵan joq. Barlyq sátte ultymen birge bolyp, el bolashaǵynyń baıandy bolýy úshin aıanbaı ter tókti. Búginde aıshyqty damý jolyna túsken, keń  baıtaq dalaly, 550 jyldyq tarıhy bar qazaq  deıtin qaısar ultty álem moıyndaıdy. Qazaq eli táýelsizdigine qol jetkizgen soń elbasy barlyq máselelerdi birizdilikke túsirip, eldiń dini men tiliniń qoǵamdaǵy óz ornyn belgilep berdi. Táýelsizdiktegi alǵashqy jyldardan bastap-aq ult kóshbasshysy óziniń tabandylyǵymen kózge túse bastady. Kóptegen alpaýyt eldermen yntymaq ornatyp, eki jaqty kelisimder jasasýǵa, qarapaıym halyqtyń jaǵdaılaryn jaqsartýǵa kúsh saldy. Alǵash bolyp ıadrolyq qarýdan da bas tartyp, álemdi beıbit ómirge bastady. Onyń árbir qabyldaǵan sheshimi halyq tarapynan qoldaýǵa ıe bolyp otyrdy.

Nursultan Nazarbaev 25 jyl prezıdent bolyp kele jatyr. Osy shırek ǵasyr ishinde elimiz kóptegen jetistikterge jetip, el ekonomıkasy alǵa jyljyp, ishki jáne syrtqy saıasatymyzdyń aýqymy keńeıdi.

Nazarbaev sonymen qatar kóptegen yntymaqtastyq uıymdarynyń negizin qalaýshylardyń qatarynda. TMD, Shanhaı Yntymaqtastyq Uıymy, Keden odaǵy, Eýrazıa odaǵy syndy álemdik uıymdardyń negizin salýshylardyń qatarynda bizdiń elbasymyz da bar. Munyń mánisi qazaq eliniń álemdik arenadaǵy ornyn qalyptastyrý.

Elbasymyz kóbinese mádenıet pen órkenıettiń, bilimniń damýyna kóp kóńil bóledi. Eldiń rýhanı damýy úshin kóptegen jobalardy jaryqqa shyǵardy. Elbasy bastamasymen kóptegen oqý oryndary óz jumysyn bastady. Sonymen qatar «Bolashaq» baǵdarlamasy júzege asyrylyp 1994 jyly kóptegen jastar bilim jolynda muhıt asty. Búgingi kúnde de Qazaqstan azamattary dúnıejúziniń túkpir-túkpirinde bedeldi oqý oryndarynda bilim alyp jatyr. Osyndaı jobalardy júzege asyryp júrgen prezıdentimiz elimizdiń jastaryna kámil senedi. El bolashaǵy jastardyń qolynda ekenin uǵynady.

Elbasymyz - Qazaqstannyń eń joǵary erekshelik belgisi «Altyn Qyran» ordenimen, sonymen qatar álemniń kóptegen memleketteriniń joǵary nagradalarymen marapattalyp júr. Álemniń qaı eli bolmasyn Qazaqstandy damý jolyndaǵy aıryqsha memleketter qataryna jatqyzady. Álemdik arenada Qazaqstannyń bedeli joǵary. Árıne osynyń barlyǵy - Elbasymyzdyń eren eńbeginiń jemisi. Nursultan Ábishuly Nazarbaevtyń memleketti basqarý kezindegi, júrgizip kele jatqan saıasaty ózge elderge qaraǵanda ozyq, sapaly jáne tıimdi. Qysqa merzim ishinde úlken dárejege jetken Qazaqstan halyqaralyq yntymaqtastyq tujyrymdamasyn qalyptastyrdy. Qazaqstan shırek ǵasyrdyń ishinde álem moıyndaıtyn ozyq memleketke aınaldy.

Murat Narjan Dáýletuly
Qostanaı oblysy, Amankeldi aýdany
Amantoǵaı jalpy bilim beretin orta mektebi 11-synyp oqýshysy

---